2 पत्रु 1:2 - पवित्र पोल्‍ले

² पेन आनि मना सामि येसुना तेल्विहेंदाल मीकु कुर्पा, सांति वेल्‍लेने बेर्स्‍सेके मन्‍निकांटी.

2 पत्रु 1:2 Iomraidhean Croise

लूकाल 10:22

नावा बाबाल नाकु अन्‍नि अप्पजेपतोर. बाबान तप्‍पा मर्रिन बोरे एरपाट किय्युर, मर्रिन तप्‍पा बाबान बोरे एरपाट किय्युर. मर्रि ओना इस्‍टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर,” इंचि इत्‍तोर.

रोम सहरतोरहाटीं पौलुसना सिट्‍टि 1:7

रोम सहरते मनना मीकु अंटोर्क ई सिट्‍टि रासि नना बतल वेहासेक इत्‍ते, पेनदुक मिमेट इत्‍ते वेल्‍लेन पावरम. इंका अद मीकुन दाना पवित्र लोकुल्‍क आयालय केयता. मना पेनबाबाल आनि येसु किरिस्‍तु सामिनहेंदाल मीकु कुर्पा, सांति दोर्कि.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

पिलिपिया 3:8

अचोने आयाका, नावा सामि येसु किरिस्‍तुन एरपाट कीतदे पेद्‍दा पोल्‍ले आंद. कळमतव अन्‍नि अट्‍टि पोल्‍लेंगें, येसु किरिस्‍तुन दोर्किच्‍कुनालय अव अन्‍निन नना लेक्‍का किय्योन कचरा इनकुंतन.

1 पत्रु 1:2

पेनबाबाल मीकुन मुन्‍नेन पेरसि निलाहतोर. अदुनहाटींगे, मिमेट येसु किरिस्‍तु वेहताप ताकगोम, ओना पोंगता नेत्‍तुरते मीवा पापाल्क पायसि होनगोम इंचि पवित्र आत्माताहेंदाल मीकुन पवित्र कीतोर. पेनदा कुर्पा, सांति मीक इरगा दोर्किकांटी.

2 पत्रु 1:3

मना पिस्वर आनि बक्‍तिताहाटीं पेन दाना ताकतताहेंदाल मनाकु बतल गावाले अव अन्‍नि हीता. मनम अदुन एरपाट कीताहाटीं अव मनाकु दोर्कतां. अद मनाकुन दाना महिमा आनि बेसतनमहेंदाल केयता.

2 पत्रु 1:5

अदुनहाटीं मिमेट अन्‍नि तीरकुना कोसिस कीम्‍टु गदा, विस्वासमते बेसता गुनाल्‍क, बेसता गुनाल्‍कुने तेल्वि,

2 पत्रु 1:8

ओक्‍कला इव अन्‍नि पोल्‍लें मीलोप्‍पो मंचि बेर्स्‍सेके होनानय्ते, अव मीकुन मना सामि येसु किरिस्‍तुना तेल्‍विता बारेमते एक्‍को हुसार, बेस कबळलायक कींतां.

2 पत्रु 2:20

ओरगिंटा मना सामि मुक्‍ति हियना येसु किरिस्‍तुना तेल्‍विता हेंदाल दुनियाता कराब कबाह्कुनाल पलाते अरतंका, मर्रा अवे कराब कबाह्‍कुने हिरकिसि अवुना लोप्‍पोने ताकते, ओना गति मुन्‍नेटा गतिकन्‍ना आकिरता गति वेल्‍ले कराब मनंता.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.

यहुदा 1:2

मीक दया, सांति, पावरम वेल्‍लेन दोर्किकांटी.

पेन हुपिस्‍ता पोल्‍लें 1:4

आसिया राज्येमते मनना एडुं कलिसियानोर्क नना योहानुन बतल रासेक इत्‍ते, इंदके मनानद, मोदोलताल मत्‍तद आनि मुन्‍ने वायाना मंता आ पेनदाहेंदाल, दाना राजगद्‍देता मुन्‍ने मनना आ एडुं आत्मानाहेंदाल इंका विस्वासमलायक गवाइ मत्‍ता येसु किरिस्‍तुनाहेंदाल मीकु कुर्पा, सांति दोर्किकांटी. येसु हातोराव्टेटाल जीवाते तेदता मोदाटा मनकल आंदुर. ओर ई बूमिपोर्रोटा राजालोरा राजाल आंदुर. मना अंटोर्कुन पावरम कियानोर आंदुर, इंका ओना नेत्‍तुरतुन पोंगागोटसि मनाकुन मना पापाल्कुनाल पाय्सतोर.