2 पत्रु 1:16 - पवित्र पोल्‍ले

¹⁶ बारित्‍ते, मना सामि येसु किरिस्‍तुना ताकत आनि ओना मल्सि वायाना बारेमते मोमोट मीकु वेहतस्के, तयार कीसि वेहता कतन कल्‍पिसि वेहा हिल्‍लोम. गानि मोमोट ओना पेद्‍दातनमता वेलगुन कळ्‍कुने हूळसि वेहतोम.

2 पत्रु 1:16 Iomraidhean Croise

मत्‍तयाल 16:27

मनकना रूपमते पुटतोन नना नावा बाबाना महिमाते दूतनतोनि वांतन, आ वेलाते बोरे मनकल आयिर, ओर कीता कबाह्‍कुना परकारमे ओर्क इनाम हींतन.

मत्‍तयाल 16:28

नना मीकु निजम वेहांतन, इग्‍गे नित्‍तिसि मनानोरा लोप्पोटाल इच्‍चुर इल्‍हा मंतुर गदा, मनकना रूपमते पुटतोन नाकुन नावा राज्येमते वायनेंके बदवेरदाका अय्ते हूळुर, अदवेरदाका ओर्कु हामुर वायो,” इंचि इत्‍तोर.

मत्‍तयाल 17:1

हारुं रोजकु आतारित्‍ते येसु पत्रुन, याकोबुन आनि ओना तम्मुर योहानुन पीकुंचि उंदि एत्‍तु गुट्‍टापोर्रो होत्‍तोर.

मत्‍तयाल 24:27

बारित्‍ते बल्हा अय्ते पोळ्‍द पेयसनाहेके मेर्सते दाना वेलगु पोळ्‍द अर्रानगाह्क दिसंता, मनकना रूपमते पुटतोन नना वायानस्‍केगुडा अल्हे आयार.

मत्‍तयाल 24:3

आयंका येसु जय्‍तुन मराकुना गुट्‍टापोर्रो होंचि उदतोर. ओर ओंटिगा मत्‍तद हूळसि ओना सिस्युल्क ओनगा होंचि इल्‍हा इत्‍तुर, “इवन्‍नि गटनां बस्के जर्गनुं माक वेहा. इंका निमे वायाना वेला आनि दुनिया मुंळगना आकिर वेला बस्के आंता इंचि मोमोट बव चिन्‍हां हूळसि एरपाट कीकोम?” इत्‍तुर.

मत्‍तयाल 28:18

अस्‍के येसु ओरा दग्‍गेर होंचि ओर्कुन इल्‍हा इत्‍तोर. “स्वर्गमते आनि बूमिपोर्रोटा अदिकारम अंता नाकु हीसि मंता.

मरकुस 13:26

अस्‍के मनकना रूपमते पुटतोन नना, पेद्‍दा बलम आनि महिमातोनि मब्बु तेर्पेनपोर्रो उद्‍दिसि वायानेंके लोकुल्‍क हूळानुर.

मरकुस 14:62

अस्‍के येसु इत्‍तोर. “हो, ननाने आंदुन. आनि मनकना रूपमते पुटतोन नाकुन ताकतवर पेनदा तिना बाजुंक उद्‍दिसि मत्‍तद आनि मब्बु तेर्पेनतोनि वायानद मिमेट हूळकिर,” इत्‍तोर.

लूकाल 9:43

अस्‍के अंटोर लोकुल्‍क पेनदा ताकततुन हूळसि इचंत्रम आतुर. येसु बतल अय्ते कीतोरो अद हूळसि अंटोर लोकुल्‍क इचंत्रमते मननेंके येसु ओना सिस्युल्कुन इल्‍हा इत्‍तोर,

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

रोम सहरतोरहाटीं पौलुसना सिट्‍टि 1:4

गानि मना सामि येसु किरिस्‍ते पेनदा मर्रि आंदुर इंचि हुप्‍सालय पेन दाना पवित्र आत्माता ताकतहेंदाल ओन हातोरा लोप्पोटाल मर्रा जीवाते तेहता.

1 कुरेंति 1:17

बारित्‍ते किरिस्‍तु नाकुन बापतिस्मा हियालय लोहा हिल्‍लोर, गानि बेसता कबुरतुन वेहालय लोहतोर. अदगुडा मनकना बुद्‍दि मत्‍ताप आयो, अल्हा वेहानय्ते किरिस्‍तु क्रुसुनपोर्रो हाता ताकततद अर्तम मन्‍नो.

1 कुरेंति 1:23

गानि मोमोट अय्ते क्रुसुनपोर्रो हाता किरिस्‍तुना पोल्‍लें वेहंतोम. इद यहुदिल्कुंक विस्वासम किया परवसोंटा पोल्‍ले आंद. आनि यहुदि आयवोर्कुंक मुर्कतनमतसोंटा पोल्‍ले आंद.

1 कुरेंति 1:7

अदुनहाटीं मिमेट पेनदा बद्‍दे आत्माता वरमते तक्‍को हिल्‍लिर, मिमेट मना सामि येसु किरिस्‍तु मर्रा वायानद एदुर हूळसेक मंतिर.

1 कुरेंति 2:1

विस्वासुल्‍कुनिटा! नना मिहगा वातस्के, नावा पेद्‍दा पोल्‍लेने हिलाकोंटे पेद्‍दा तेल्‍विते पेनदा बारेमते गवाइ वेहा हिल्‍लेन.

1 कुरेंति 2:4

नावा वळ्‍कमळ आनि नना वेहता कबुर, नावा तेल्‍विता पोल्‍लेने मनाहिल्‍ले, गानि पेनदा आत्मा आनि ताकतते निंडसि मत्‍ता.

1 कुरेंति 5:4

बस्के अय्ते मिमेट येसु सामिना पोरोलते उंदगा जमा आसि उदंतिर, अस्‍के आत्माते अगा मनंतन, अल्‍हेने मना सामि येसुना ताकत मीवातोनि मनंता.

2 कुरेंति 2:17

बोर अय्ते पेनदा पोल्‍लें वेहचि सतता पायदा कीकुंतुर, असंटा वेल्‍लेटोरव्टेटाल मोमोट हिल्‍लोम. गानि मोमोट सत्‍तेम मनसुने, किरिस्‍तुना अदिकारमते पेनदा पोल्‍लें वेहासेक मंतोम. माकुन लोहता पेन माकुन हूळसेक मंता इंचि माक एरपाट मंता.

2 कुरेंति 4:2

सिग्गु होनानव आनि मक्‍किस कियाना कबाह्‍कुन मोमोट होळसीतोम. इंकावरोन दोका हियमळ आयि, पेनदा पोल्‍लेतुन उल्टा-पल्टा कीसि वेहमळ आयि इसोंटा कबाह्‍क किय्‍योम. गानि पेनदा मुन्‍ने सत्‍तेम पोल्‍लेतुन वेहाना हेंदाल, मोमोट बसंटोरम इंचि हरेक मनकंक ओरा मनसुने तेळियंता.

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

पिलिपिया 3:21

अन्‍निटवुन ओना कय्‍दा हिळु इर्रना ताकत ओनगा मंता. ओर वातस्के आ ताकततोने मना नासडेम आयाना इद मेंदुलतुन बदलांचि ओर हासि तेदतस्‍के ओन्क दोर्कतसोंटा महिमाता मेंदुललेसीं कियानुर.

1 तेसलोनि 2:19

मावा आसे आयि, मावा कुसि आयि, मना येसु सामि मर्रा वायानस्के ओना मुन्‍ने मावा पेद्‍दातनमता किरिटम आयि! बतल आंद? मिमेट आयिरा?

2 तेसलोनि 2:9

पेनदा पोल्‍लेतुन विरोद कियानोर वायमळ इत्‍ते, देय्यमतदे उंदि कबळ आंदु, ओर वासि आबद्‍दम पोल्‍लेने देय्यमतव अन्‍नि ताकतकुनतोनि चिन्‍हां, इचंत्रमता कबाह्‍क कियानुर.

1 तिमोति 1:4

पुट्‍टिचि वेहना कतां, वंसाल्कुना जोलीं ओर होळसियालय आदेस हीम. बारित्‍ते अवुनहेंदाल वाद-विवादकु आंतां विस्वासमहेंदाल जर्गना पेनदा पिलानगुडा पुरागा आयो.

1 तिमोति 4:7

बक्‍ति हिल्वव अल्हेन तयार कीसि वेहना कतानाल मंटु. बस्‍केळ्‍क बक्‍ति पिस्वरते मुन्‍नेळ्‍क ताकाना कोसिसते मंटु.

तीतु 1:14

यहुदिल्कुना तयार कीता वेसुडिन पोर्रो विस्वासम इर्राकोंटा, सत्‍तेमताल तप्‍सोत्‍ता मनकालोरा आदेसकुनाल लक्‍कु मनांतुर.

2 पत्रु 2:3

आबद्‍दम कराहनोर, आस्तिताहाटीं तिय्यटा पोल्‍लें वेह्‍चि मीकुन ओरा पायदाहाटीं वाळकुंतुर. ओर्क हीता सिक्‍साता आदेस मुन्‍नेटाल मंता, ओरा नासडेम कूर्कसेके हिल्‍ले.

1 योहान 4:14

दीन मनम हूळतोम आनि मनम दीना साक्‍सि मंतोम, मना पेन बाबल दुनियाता पापाल्क पायिचालय ओना मर्रिन लोहतोर.

यहुदा 1:14

आदामनगटाल एडुंगो पीळितोर हानोक इनानोर ईरा बारेमते इल्‍हा बविस्यवानि कीतोर, “हूळा, सामि वेय्‍कुना पवित्र लोकुल्‍कुनतोनि अंटोरा न्‍यायम कियालय वांतोर. ओर अंटोर बक्‍ति हिल्वा लोकुल्‍क ओर कीता अन्‍नि तप्‍पुड कबाह्कुनाहाटीं अल्हेन बक्‍ति हिल्वा पापि लोकुल्‍क सामिंक विरोदमते वळ्‍कतव अन्‍नि पोल्‍लेनाहाटीं ओर्क सिक्‍सा हियमळ जर्गंता,” इंचि वेहतोर.

पेन हुपिस्‍ता पोल्‍लें 1:7

हुळाट, येसु किरिस्‍तु मब्बु तेर्पेनतोनि वासेक मंतोर. अंटोर ओन हूळानुर. ओरव्टे ओन कोह्‍कतोरगुडा मंदानुर. दुनियातोर अन्‍नि वंसाल्कुना लोकुल्‍क सातितुन तंचेके दुक्‍कम कियानुर. हो इल्हे आयार आमीन!