2 पत्रु 1:15 - पवित्र पोल्‍ले

¹⁵ अदुनहाटीं नना हासोत्‍तंकागुडा मिमेट इव पोल्‍लेन बस्‍केळ्‍क मति कियनलायक मिमेट आयगोम इंचि नना कोसिस कीसंतन.

2 पत्रु 1:15 Iomraidhean Croise

लूकाल 12:58

निमे नीवा पगातोनतोनि कलियसि कोरटते मजिस्‍टरनगा होननेंके हरदेन ओनतोनि बेस संबंदम कल्‍पुकुन. अल्हा कियाकोंटे नीकुन नीवा पगातोर कोरटते मजिस्‍टरुंक अप्‍पजेपनुर. मजिस्‍टर नीकुन पोलिसुल्‍कुंक अप्‍पजेपनुर, पोलिसुल्क ओसि नीकुन जेलने वाटानुर.

2 तेसलोनि 2:5

नना मीवातोनि मत्‍तस्के इव पोल्‍लें वेहतन, मीक मति हिल्‍लेना?

2 तिमोति 2:2

वेल्‍लेन मंदि लोकुल्‍कुना मुन्‍ने नाहेंदाल निमे केंजता पोल्‍लेन, बोर अय्ते वेरेतोर्क कराह परांतुर, असोंटा विस्वासमलायक मनानोर्कुंक अप्पजेप्पा.

इब्रि 11:4

विस्वासमहेंदाले आदामना मर्रि आबेल, ओना दादाल काइनुंकन्‍ना बच्‍चोनो बेसता मोक्‍कु पेनदुक हीतोर. काइन बतल अय्ते हीतोर अदुन पेन मेच्‍कुना हिल्‍ले गानि, आबेलना मोक्‍कुन पेन मेच्‍कुंचि ओन नीतिमंतुड इंचि गवाइ हीता. आबेल अय्ते हातोर, गानि ओना विस्वासमहेंदाल मनम इदवेरदाकागुडा करियसेक मंतोम.

2 पत्रु 1:12

अदुनहाटींगे, इव पोल्‍लें मीक तेळियसि मनिना, मीकु दोर्कता सत्‍तेमते मिमेट गट्‍टिगा निल्‍सि मनिना, नना मीकु बस्‍केळ्‍क मति कीसि हीसेक मनंतन.