2 पत्रु 1:13 - पवित्र पोल्‍ले

¹³ नना इद मेंदुलते मत्‍तच्‍चोरजेम मीक इवुन मति कीसि हीसि मीकुन हुसार कियमळे, बेस इनकुंतन.

2 पत्रु 1:13 Iomraidhean Croise

2 कुरेंति 5:8

मोमोट दैरनेमते मनंतोम, मेंदुल्तुन होळसिसि सामिनतोनि मनमळे बेस इनकुंतोम.

पिलिपिया 1:7

नना मीवा बारेमते इल्‍हा विचारम कियमळ बेसे आंद. बारित्‍ते, नना जेलने मत्‍तस्के आयि, बेसता कबुर वेहचि अव्टे मत्‍ता निजमतुन हुपिच्‍चि कापाळसेके तिरियतस्के आयि, इव अन्‍निटवुने पेनदाहेंदाल कुर्पा दोर्कता, अवुने नावातोनि मिमेटगुडा तोळ मंतिर. अदुनहाटीं मिमेट इत्‍ते नाकु वेल्‍लेन पावरम!

पिलिपिया 3:10

येसु किरिस्‍तुन आनि ओर हासि मर्रा जीवाते तेदता ताकततुन तेलपिचकुनना इंचि नाकु मंता. ओर बोगांच्‍ता तकलिपकु आनि हामुरतुनगुडा बोगांचि, ओनलेह्केन नाकु आयगोम. बल्हा अय्नागानि उंदि रोजु पेन नाकुन हामुरताल जीवाते तेहंता इंचि नावा आसे.

2 तिमोति 1:6

इदुनहाटीं नना नीकु मति कीसि हियानद बतल इत्‍ते, नना नीवा पोर्रो कय इरतस्के, पेनदाहेंदाल नीकु उंदि वरम दोर्कता. अद वरमतुन निमे बस्‍केळ्‍क एल्‍गिच्‍चि इर्रा.

इब्रि 13:3

पेनदुन विस्वासम कीताहाटीं बोर अय्ते जेलने मंतुरो, ओरा मति कीतस्‍के, मिमेट कुद्‍दु ओरतोनि जेलने मत्‍ताप विचारम कीम्‍टु. अल्‍हेने, बोर अय्ते पेनदुन विस्वासम कीताहाटीं तिप्‍पल्‍क बोगांचेके मंतुरो, ओर्कुन मति कीतस्‍के मिमेट कुद्‍दु ओरतोनि तिप्‍पल्‍क बोगांचेके मत्‍ताप मति कीम्‍टु.

2 पत्रु 1:12

अदुनहाटींगे, इव पोल्‍लें मीक तेळियसि मनिना, मीकु दोर्कता सत्‍तेमते मिमेट गट्‍टिगा निल्‍सि मनिना, नना मीकु बस्‍केळ्‍क मति कीसि हीसेक मनंतन.

2 पत्रु 1:14

बारित्‍ते, मना सामि येसु किरिस्‍तु नाकु हुपिस्ताप, नावा मेंदुल्तुन बिराने होळसंतन इंचि नाकु एरपाट मंता.

2 पत्रु 3:1

पावरमगल्‍लोरिटा! इद रोंडो सिट्‍टि नना मीक रासतन. इव रोंडु सिट्‍टिने मीवा पवित्र मनसुन जेगर्ताते इर्राट इंचि नना मति कीसि हीतन.