2 पत्रु 1:1 - पवित्र पोल्‍ले

¹ नना सिमोन पत्रुन, येसु किरिस्‍तुना दासुन आनि प्रेरितुन आंदुन. बोर अय्ते मना पेन आनि मुक्‍ति हियना येसु किरिस्‍तुना सत्‍तेमताहेंदाल मावालेसीं विलुवाता विस्वासम दोर्किच्‍कुत्‍तुर, ओर्क इद सिट्‍टि रासेके मंतन.

2 पत्रु 1:1 Iomraidhean Croise

मत्‍तयाल 10:2

आ पन्‍नेंडु मंदि प्रेरितुल्कुना पोरोलीं इल्‍हा मंतां: मोदाला सिमोन (ओन पत्रुगुडा इंतुर), ओना तम्मुर अंदरियल, जब्‍दिना इव्वुर मर्क याकोब, योहान,

मत्‍तयाल 4:18

येसु गालिल समुद्रम ओड्‍डु पीसि होननेंके वरोर सिमोनुन ओन पत्रुगुडा इनुंदुर आनि ओना तम्मुर अंदरियन हूळतोर. ओर जिम्मां पिय्‍यानोर आताहाटीं, समुद्रमते ओल्‍लां वाटसि जिम्मां पीसेक मत्‍तुर.

लूकाल 1:47

नाकुन पिसागोटना पेन नावा आत्माकु कुसि हीता.

लूकाल 11:49

अचोने आयका पेन दाना बेस बुद्‍दिते मीवा बारेमते इल्‍हा वेहता, नना पेनदा कबुरतोर्कुन आनि प्रेरितुल्कुन ओरगा लोहांतन. अस्‍के ओर, ओराव्टेटाल इच्‍चुर्कुन हव्कानुर, इच्‍चुर्कुन बारे इरगा तिप्‍पल्‍क कियानुर.”

योहान 1:42

पजा आंद्रेयल ओना दादल सिमोन पत्रुन येसुनगा पीसि वातोर. येसु सिमोनुन हूळसि, “निमे योहानुना मर्रि सिमोन आंदिन. गानि इंदकेटाल नीकुन केपा इत्‍ते पत्रु इंचि केयानुर,” इंचि इत्‍तोर.

योहान 12:26

बोर नावा सेवा कींतन इंतोर, ओर नावा पज्जो ताकना. बारित्‍ते नना बगा मनंतनो, अगा नावा सेवा कियानोरगुडा मना पींता. अल्‍हेने बोर नावा सेवा कींतोर, नावा बाबाल ओन्क कदर हींतोर.

योहान 20:21

येसु मर्रा उंदि मल्का ओर्कुन, “मीकु सांति दोर्कि. बाबाल नाकुन ई दुनियाते लोहताप, ननागुडा मीकुन ई दुनियाते लोहंतन,” इंचि इत्‍तोर.

प्रेरितुल्‍कुना कबाह्‍क 15:14

पेन मोट्‍टा मोदाला वेरे जातितोर पोर्रो दाना दया हुपिच्‍चि ओरागटाल इच्‍चुर्कुन दाना लोकुल्‍कुन लेह्का बल्हा कीकुत्‍ता, इदुना बारेमते सिमोन पत्रु मनाकु वेहचि मत्‍तोर.

रोम सहरतोरहाटीं पौलुसना सिट्‍टि 1:1

नना पौलुस, येसु किरिस्‍तुना दासुन आंदुन. नना मीकु इद सिट्‍टि रासेक मंतन. येसु किरिस्‍तुना कबाह्‍क कियालय पेन नाकुन प्रेरित इंचि पेरता. पेरसि दाना बेसता कबुर वेहालय लोह्ता.

रोम सहरतोरहाटीं पौलुसना सिट्‍टि 1:12

इत्‍ते, मीकु-नाकु मनालोप्‍पो मत्‍ता विस्वासमताहेंदाल मनम वरोंक-वरोर प्रोत्‍साहन कीकुनना इंचि नावा मनसु मंता.

रोम सहरतोरहाटीं पौलुसना सिट्‍टि 1:17

बारित्‍ते पेनदा मुन्‍ने मनकल नीतिमंतुड बल्हा आंतोर इत्‍ता पोल्‍ले बेसता कबुर मनाकु वेहंता. सुरुवनाल आकिरदाका विस्वासमतेन इद आया परंता. “नीतिमंतुल्क विस्वासमतोनि पिस्संतुर,” इंचि दर्मसास्‍त्रमते रासि मंता.

1 कुरेंति 1:30

पेनदाहेंदाले येसु किरिस्‍तुनलोप्‍पो मीवा पिस्वर मंता, किरिस्‍तुनाहेंदाल मनाकु तेल्वि, नीति, पवित्र आतोम आनि पापमता सिक्‍साताल पिसतोम.

1 कुरेंति 15:9

बारित्‍ते, नना अंटोर प्रेरितुल्‍कुन लोप्‍पो सिन्‍नोन आंदुन, नना पेनदा कलिसियातोर्कुन तिप्‍पल्‍क कीतोन आंदुन. अदुनहाटीं प्रेरित इनना लायकगुडा हिल्‍लेन.

1 कुरेंति 9:1

नना दासतनमताल इळबळसि हिल्‍लेना? नना प्रेरितुन आयोना? मना सामि येसुन नना हूळा हिल्‍लेना? सामिना लोप्पो नावा कबळता पलम मिमेट आयिरा?

2 कुरेंति 4:13

दर्मसास्‍त्रमते, “नना विस्वासम कीतन, अदुनहाटीं वळ्‍कतन” इंचि रासि मत्‍ताप मोमोट विस्वासम कीतोम, अदे विस्वासमता आत्मा मावा लोप्पो मंता इंचि मोमोट वळ्‍कतोम. बारित्‍ते अदे विस्वासमता आत्मा मावा लोप्पो मंता.

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

इपीसि 3:5

आ मर्ममता सत्‍तेमतुन पवित्र आत्माहेंदाल पेन दाना प्रेरितुल्कुंक आनि दाना कबुरतोर्कुंक इंदके बल्हा वेहतानो, अल्हा अस्‍केटा कालमता लोकुल्‍कुंक वेहमळ जर्गाहिल्‍ले.

इपीसि 4:11

ओर, पेनदा सेवाहाटीं पवित्र लोकुल्‍कुन तयार कियालय आनि किरिस्‍तुना मेंदुललेसीं मनना कलिसियातोर्कुन बेस बक्‍तिते, बरोसाते बेर्सागोटनाहाटीं, इच्‍चुर्कुन प्रेरितुल्क, इच्‍चुर्कुन पेनदा कबुरतोर, इच्‍चुर्कुन बेसता कबुर वेहानोर आनि इंकिच्‍चुर्कुन बारे पास्‍टर आनि कराहनोर इंचि पेर्सि ओर्कु वराल्‍क हीतोर.

इपीसि 4:5

मना अंटोरा सामि वरोरे, मनम अंटोरम उंदे विस्वासम कींतोम आनि बापतिस्मागुडा उंदे बापतिस्मा एततोम.

पिलिपिया 1:1

पिलिपिया सहरते येसु किरिस्‍तुना लोप्पो मनना पेनदा अंटोर पवित्र लोकुल्‍कुंक, पेद्‍दाल्कुंक आनि अदिकारिल्कुनाहाटीं नना पौलुस, नावा दंटातोर तिमोति, मोमोट येसु किरिस्‍तुना सेवाकुल्‍कुम इद सिट्‍टि रासेक मंतोम.

पिलिपिया 1:29

सिराप किरिस्‍तुन विस्वासम कियालये आयो गानि ओनाहाटीं तिप्‍पल्‍क अर्रालयगुडा पेन किरिस्‍तुनहेंदाल मीकु आसिर्वाद हीता.

पिलिपिया 3:9

इंका किरिस्‍तुनतोनि उंदि आसि मनमळे नावा उद्‍देसम. मूसाना नियमपोर्रो बरोसा कीसि नीतिमंतुड आया पराहिल्‍लेन, गानि किरिस्‍तुनपोर्रो विस्वासम कीताहाटीं पेनदा नदरते नीतिमंतुड आतन.

2 तिमोति 1:5

नीवा आ सत्‍तेम विस्वासम नाकु मति मंता. आ विस्वासम, मुन्‍ने नीवा काको लुइस आनि नीवा यावल युनिसनगागुडा मनुंदु. अदे विस्वासम निहगागुडा मंता इंचि नाकु बरोसा मंता.

तीतु 1:1

नना पौलुस, पेनदा दासुन आनि येसु किरिस्‍तुना प्रेरित आंदुन. पेन पेरता लोकुल्‍कुना विस्वासमतुन बेर्सागोटलय, ओर्क सत्‍तेमता बारेमते तेळियागोट्‍सि वेहालय नाकुन लोहमळ जर्गता.

तीतु 1:4

विस्वासमते नावा समानम मनना नावा मर्रि तीतुंक इद सिट्‍टि नना रासेक मंतन. पेनबाबनहेंदाल आनि मनाकुन पिसागोटनोर किरिस्‍तु येसुनहेंदाल नीकु कुर्पा, सांति दोर्किकांटी.

तीतु 2:13

अचोने आयका मना कदरगल्‍ला पेन आनि मनाकु मुक्‍ति हियना येसु किरिस्‍तु ओना महिमाते वांतोर इत्‍ता आ सक्‍कटा आसेतुन मनम एदुर हूळसेक मंदना इंचेकगुडा कराहंता.

याकोब 1:1

नना याकोबुन, पेन आनि सामि येसु किरिस्‍तुना सेवकुन आंदुन. वेरे-वेरे देसेल्कुने पैलांचि होंचि मत्‍ता पन्‍नेंडु गोत्राल्‍कुनोर्कुंक नना इद सिट्‍टि रासेके मंतन. मीक अंटोर्क जोहार.

1 पत्रु 1:1

नना पत्रुन, येसु किरिस्‍तुना प्रेरितुन आंदुन. रोम देसेमता पुंतुस, गलातिया, कप्‍पुदुकिया, आसिया आनि बितुनिया राज्येल्कुने पैलांचि होंचि, पराय देसेमतोर आसि मत्‍ता लोकुल्‍कुंक नना इद सिट्‍टि रासेके मंतन.

1 पत्रु 1:7

नासडेम आयाना बंगारमतुन तळमिते करगागोटसि परिक्‍सा कींतुर. गानि आ बंगारमकन्‍ना बच्‍चोरो विलुवाता मीवा विस्वासमतुनगुडा परिक्‍सा एतमळ जर्गंता. येसु किरिस्‍तु मर्रा वातस्के, मीकुन मेच्‍कुंचि पेद्‍दातनम आनि कदर दोर्काना कारनम आयगोम.

1 पत्रु 2:7

अदुनहाटीं मिमेट विस्वासम कीतिर इंचि अद बंडा मीक विलुवातद, गानि बोर अय्ते अदुन विस्वासम किय्युर, ओराहाटीं दर्मसास्‍त्रम इल्‍हा वेहता गदा: “बद बंडातुन दोहानोर बतक ओज्‍जो इत्‍तुर, अदे बंडा इंदके सेंकु मूलाता मोदोल बंडा आता.”

1 पत्रु 5:1

मीलोप्‍पो बोर अय्ते पेद्‍दाल्क मंतुर, ओरालेसींगे ननागुडा पेद्‍दा मनकन, किरिस्‍तु बोगांचता तकलिपकुना गवाइतोन, ओर मल्सि वायानस्के ओना पेद्‍दातनमते कलियानोन आंदुन इंचि, नना आ पेद्‍दाल्कुंक वेहासेक मंतन.

2 पत्रु 1:4

दुनियाते मनना कराब आसेनाल पुट्‍टना रोता गुनमताल तपिच्‍कुंचि, मनम पेनदा बेस गुनमता हिस्सेदार्क आयाना इंचि अद मनाकु विलुवाता पोल्‍लें हीता.

यहुदा 1:1

नना यहुदन, येसु किरिस्‍तुना सेवकुन आनि याकोबुना तम्मुन आंदुन. पेनबाबाल मीकुन केय्‍सि पावरम कीतोर आनि येसु किरिस्‍तुना कय्‍दे कापाळसेक मंतोर, मी अंटोर्क नना जोहर कींतन.