2 योहान 1:8 - पवित्र पोल्‍ले

⁸ मोमोट कीता कबाह्‍क, मीहेंदाल एर्तम आयाकोंटा हूळकुंटु. कीता कबाह्‍कुना पुरागा इनाम दोर्कानादाका जेगर्ता मंटु.

2 योहान 1:8 Iomraidhean Croise

मत्‍तयाल 24:4

अस्‍के येसु ओर्कु इल्‍हा जवाब हीतोर. “मीकुन बोर पसांचकोंटा मिमेट उसारते मंटु.

मरकुस 13:23

गानि मिमेट उसारते मंटु; इव अन्‍नि पोल्‍लें नना मीक मुन्‍नेने वेहचीतन.

मरकुस 13:9

गानि मिमेट उसारते मंटु. बारित्‍ते मीकुन पंचादितोरा कय्‍दे अप्‍पजेपनुर आनि दर्मसास्‍त्रम कराहना लोह्कुने ओसि तनानुर. पजा नावा बारेमते गवाइ वेहालय मीकुन राज्यपाल आनि राजालोरा मुन्‍ने निलाहनुर.

लूकाल 19:19

अस्‍के राजाल ओनगुडा, ‘निमे हेय्युं नाह्कुन पोर्रो अदिकारिन आकिन,’ इंचि इत्‍तोर.

लूकाल 21:8

अस्‍के येसु इल्‍हा इत्‍तोर. “मीकुन बोरन्‍ना पसांचनुर, उसारते मंटु. नावा पोरोल एतसेके बचुटूरो लोकुल्‍क वासि, ‘ओन ननाने आंदुन, इंतुर. इंका अद वेला दग्‍गेरा एव्ता,’ इंचि इनानुर. असंटोरा पज्जो होनमट.

योहान 4:36

पंटा कोय्‍यानोर बूति दोर्किच्‍कुंचेक मंतोर आनि बस्‍केळ्‍क पिस्सना पिस्वरताहाटीं पलम जमा कीसेक मंतोर. दीनहेंदाल वीततोर, कोय्‍यानोर इव्वुरगुडा कुसिते कलियसि मना परांतुर.

1 कुरेंति 15:8

नना नेलां निंडका मुन्‍नेन पुट्तोनलेसीं अंटोर्कन्‍ना आकिरते नाकुगुडा दिसतोर.

1 कुरेंति 3:14

अद पुनादिपोर्रो दोहता कबळ निल्‍सि मनानय्ते, ओनकु इनाम दोर्कंता.

1 कुरेंति 3:8

वरोर वाटतोर, वरोर एर दोस्तोर, इल्‍हा ओरा-ओरा कबळता इसाबते ओर्क बूति दोर्कार.

गलातिया 3:4

बेसता कबुरताहेंका मिमेट वेल्‍लेन तिप्‍पल्‍क अरतिर, अदंता एर्तमेना? नना मात्रम ओप्कुन्‍नोन.

गलातिया 4:11

नना मीवाहाटीं कीता कस्‍टम वट्‍टिदे आंता बारे इंचि नाकु मीवा बारेमते वेर्रे वस्‍सेक मंता.

पिलिपिया 3:16

अय्नागानि मनम मात्रम पेन मनाकु इदवेरादाका हुपिस्‍ता सत्‍तेमतुन पीसे ताकसेक मनना.

इब्रि 10:32

मिमेट बेसता कबुर केंजसि पेनदा वेलगुन दोर्किच्‍कुत्‍ता आ एनकटा रोजकुन मति कीम्‍टु, अव रोजकुने बच्‍चुंगो तकलिपकु वातां, अयना मिमेट ओर्सकुत्‍तिट.

इब्रि 10:35

पेनदापोर्रोटा मीवा विस्वासमतुन पीसि, मीकु वेल्‍लेन पेद्‍दा इनाम मंता. अदुनहाटीं बतल आयिनागानि मिमेट विस्वासमताल पजोळ्क होनमट.

इब्रि 12:15

पेनदा कुर्पाताल वरोरगुडा तप्‍सोनामन्‍नि इंचि जेगर्ता मंटु. अल्हा तप्‍सोंचि हेळतोर बोरन्‍ना मी नड्‍डुम मनानय्ते, ओर कळमातोर्कुन हेळाहचि, पेनदाल लक्‍कु कींतोर. इदुन जरा जेगर्ता हुळट.

पेन हुपिस्‍ता पोल्‍लें 3:11

नना बिरानेन निहागा वांतन. नीवा किरिटमतुन निहागटाल बोरे गुंजा मन्‍नि इंचि, निहागा बतलय्ते विस्वासम मंता अदुन इंका गट्‍टिगा पीसि ताका.