2 योहान 1:7 - पवित्र पोल्‍ले

⁷ येसु किरिस्‍तु मनकना रूपमते पुट्‍सि वायाहिल्‍लोर इंचि वेह्‍चि पसांचनोर वेल्‍लेन लोकुल्‍क इद दुनियाते पेय्‍सतुर. इसंटोरे हूळा! पसांचनोर आनि किरिस्‍तुना पगातोर्क.

2 योहान 1:7 Iomraidhean Croise

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

1 योहान 2:26

मीकुन पसांचालय हूळना लोकुल्‍कुना बारेमते नना इव पोल्‍लें मीकु रासेक मंतन.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 13:14

मोदाटा जिवरासिता मुन्‍ने इद जिवरासिक चिन्‍हां हुप्‍सना अदिकार दोर्कता, अदुनहाटीं चिन्‍हां हुपिच्‍चेक बूमिपोर्रो मनना लोकुल्‍कुन, “बद जिवरासिक अय्ते हायानसोंटा देब्बा दल्‍गिसि मत्‍ता, अद जीवाते मंता अदुना बोम्मा कीम्‍टु,” इंचि बोंकिचुंदु.