2 योहान 1:6 - पवित्र पोल्‍ले

⁶ मिमेट सुरुवनाल बतल अय्ते केंजतिरो, अल्‍हेने वरोंक-वरोर पावरम कीम्‍टु इंचि पेन आदेस हीता. आ आदेसकुना परकारम ताकमळे पावरम कियमळ आंद.

2 योहान 1:6 Iomraidhean Croise

योहान 14:15

“मिमेटगिंटा नाकुन पावरम कीते, नना वेहता आदेसकुन पीसि ताकट.

योहान 14:21

बोर अय्ते नना वेहता आदेसकुन स्विकार कीसि अवुन पीसि ताकंतोर, ओरे नाकुन पावरम कियानोर आंदुर. बोर अय्ते नाकुन पावरम कींतोर, ओन नावा बाबालगुडा पावरम कींतोर. पजा ननागुडा ओन पावरम कीसि, नना कुद्‍दु ओन्क दिस अरकन,” इंचि येसु वेहतोर.

योहान 14:23

अस्‍के येसु ओन्क जवाब हीतोर, “नाकुन पावरम कियानोर अंटोर नना वेहता पोल्‍लेनपोर्रो ताकंतुर, आनि नावा बाबाल ओर्कुन जीवा कींतोर. असंटोनगा मोमोट होंचि ओनालोप्‍पो जेगा पींतोम.

योहान 15:10

नना नावा बाबाल वेहता आदेसकुनपोर्रो ताकसेके, ओना पावरमते निलसि मंतन. अल्हेन मिमेटगुडा नना वेहता आदेसकुनपोर्रो ताकतिरित्‍ते, नावा पावरमते निलसि मनंतिर.

योहान 15:14

नना हियना आदेसकुनपोर्रो गिंटा मिमेट ताकानय्ते, मिमेट नावा दंटातोर आंदिर.

1 योहान 2:24

मोदोलताल मिमेट बतल अय्ते केंजतिरो, अदुन मीलोप्‍पो बस्‍केळ्‍ताहाटीं इर्राट. अल्हा इर्रानय्ते, मिमेट मर्रि आनि बाबोनतोनि उंदासि मंदकिट.

1 योहान 2:5

गानि बोर अय्ते पेनदा पोल्‍लेतुन पीसि ताकंतोर, ओनगा पेनदा पावरम निजमे पुरागा आता. दीनहेंदाले, मनम वरोनतोनि वरोर कलियसि उंदासि मंतोम इत्‍तद तेळियसि दांता.

1 योहान 2:7

नावा पावरमगल्‍लोरिटा! नना इंदके मीकु पूना आदेस रासेक हिल्‍लेन, मोदोटाल मीकु तेळियसि मत्‍ता पडाना आदेसे आंदु.

1 योहान 5:15

आनि मनम बतलय्ते दान तल्‍कंतोम अद केंजंता, इदु मनाकु एरपाट मंता. दानहाटीं मनम दान बतलय्ते तल्‍कंतोम, अव मनाकु दोर्कतां इदिंका मनाकु एरपाट मंता.

1 योहान 5:3

पेनदा आदेसकुना परकारम ताकते, दानतोनि पावरम कींतोम इंचि एरपाट आंता. दाना आदेसकु कटिनम (वसेम आयवसोंटव) हिल्‍लें.

2 योहान 1:5

अय्ते बाई! नना मीकु बतल विनंति कीसेके इत्‍ते, मनम वरोंक-वरोर पावरम कियाना. इदु पूना आदेस इंचि नना मीकु रासेक हिल्‍लेन, गानि मुन्‍नेटाल मनगा मत्‍तादे आंद.