2 योहान 1:5 - पवित्र पोल्‍ले

⁵ अय्ते बाई! नना मीकु बतल विनंति कीसेके इत्‍ते, मनम वरोंक-वरोर पावरम कियाना. इदु पूना आदेस इंचि नना मीकु रासेक हिल्‍लेन, गानि मुन्‍नेटाल मनगा मत्‍तादे आंद.

2 योहान 1:5 Iomraidhean Croise

योहान 15:12

“नना मीकुन बल्हा पावरम कीतनो, अल्हेन मिमेटगुडा वरोंक-वरोर पावरम कीकुंटु, इदे नावा आदेस आंदु.

योहान 15:17

मिमेट वरोंक-वरोर पावरम कीकुंटु, इद मीकु नावा आदेस आंदु.”

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

1 तेसलोनि 4:9

इंदके वरोंक-वरोर पावरम कियमळ मिमेट पेनदाहेंदाले करियतिर. अदुनहाटीं दादाल-तम्मुह्कुनालेसीं मिमेट वरोंक-वरोर पावरम कीम्‍टु इंचि रासनद अव्‍सरम हिल्‍ले.

इब्रि 13:1

मिमेट अंटोर उंदि लोतोरलेसीं वरोंक-वरोर पावरम कीसेके मंटु.

1 पत्रु 4:8

अन्‍निंकन्‍ना पेद्‍दा पोल्‍ले बतल इत्‍ते, वरोंक-वरोर एक्‍को पावरम कीम्‍टु, अल्हा कीते वेल्‍लेने पापाल्कुन मापि किया परकिर.

2 पत्रु 1:7

बक्‍तिते दादल-तम्मुना कूळमळ, दादल-तम्मुना कूळमळते पावरम कल्‍पट.

1 योहान 3:11

मनम वरोंक-वरोर पावरम कियागोम इनना ई बोदा, मिमेट सुरुवनेन केंजतद आंद.

1 योहान 3:23

दाना आदेस बतल इत्‍ते, मनम दाना मर्रि येसु किरिस्‍तुनपोर्रो विस्वासम इर्राना आनि ओना आदेस परकारम मनम वरोंक-वरोर पावरम कियाना.

1 योहान 4:20

ओक्‍कला बोरन्‍ना, “नना पेनदुन पावरम कींतन,” इंचि वेह्‍चि, ओना दादन हय्‍साकोंटे, ओर आबद्‍दम मनकल आंदुर. बारित्‍ते ओर हूळना ओना दादाने ओर पावरम कियुवस्‍के, हूळवा पेनदुन ओर बल्हा पावरम किया परांतोर?

2 योहान 1:1

नना मीवा कलिसियाते बेस पोरोल होत्‍ता मनकन आंदुन. पेन पेरता बाई आनि दाना पिलाल्कुंक, इद सिट्‍टि रासेके मंतन. नना मीकुन पावरम कींतन. नना वरोने आयो, पेनदा सत्‍तेमतुन तेल्‍पिचकुत्‍तोर अंटोरे मीकुन पावरम कींतुर. बारित्‍ते, मनम सत्‍तेमतुन तेल्‍पिचकुत्‍तोम. अदुनहाटीं अद सत्‍तेम मना पिस्‍वरतगा निल्‍सि मंता आनि बस्‍केळ्‍के अद मनातोनि मनंता.