2 कुरेंति 8:7 - पवित्र पोल्‍ले

⁷ मिमेट विस्वासमते, पोल्‍लेने, तेल्‍विते, अन्‍नि तीरुकुने कोसिस कियमळते आनि मावा पोर्रो मिमेट कियाना पावरमते बेर्सेक मंतिट. अल्‍हेने दानम कियाना कबळतेगुडा बेर्सेक होंदना.

2 कुरेंति 8:7 Iomraidhean Croise

मत्‍तयाल 25:22

पजा बोनकु अय्ते रोंडु मुल्‍लें दोर्किस मत्‍तां, ओरगुडा मालकनगा वासि, “मालक, निमे नाकु बंगारमते निंडसि मत्‍ता रोंडु मुल्‍लें हीसि मत्‍तिन. हूळा, अव कोत्‍तना दंदा कीसि, इंका रोंडु मुल्‍लें संपलिच्‍तन,” इंचि इत्‍तोर.

रोम सहरतोरहाटीं पौलुसना सिट्‍टि 15:14

विस्वासुल्‍कुनिटा! मीलोप्‍पो वेल्‍ले बेसतनम आनि तेल्वि मंता. अदुनहाटीं मिमेट वरोंक-वरोर बुद्‍दि वेहकुना परांतिर इंचि नाक पुरागा बरोसा मंता.

1 कुरेंति 1:5

किरिस्‍तुना गवाइ मीलोप्‍पो गट्‍टिगा मत्‍ता इंचि, मिमेट अन्‍नि तीरुकुने वळ्कुमळते आनि बुद्‍दिते निंडिस होत्‍तिर.

1 कुरेंति 12:13

बारित्‍ते, मनम अंटोरम यहुदिल्क आयिना, युनानि आयिना, दासुल्क आयिना, दासुल्क आयाकोन्‍ना उंदे आत्माहेंदाल, उंदे मेंदुल आयालय बापतिस्मा एततोम, मना अंटोर्क उंदे आत्मा उहमळ जर्गता.

1 कुरेंति 12:8

बल्हा इत्‍ते, अदे आत्माताहेंदाल वरोर बुद्‍दिता पोल्‍लें वेहंतोर, अदे आत्माताहेंदाल इंकावरोर तेल्‍विता पोल्‍लें वेहंतोर.

1 कुरेंति 13:2

नाक गिंटा बविस्यवानि वेहना वरम मनना, अन्‍नि मर्माल्‍कु आनि तेल्‍विता पोल्‍लें तेळियना, गुट्‍टान जर्पनच्‍चो पूरा विस्वासम मनना गानि नावा लोप्पो पावरम हिलाकोंटे नना बतले कबळतोन आयोन.

1 कुरेंति 13:8

पावरम बस्‍केने मारो. गानि बविस्यवानि वेहना वरम मारंता, वेरे-वेरे बासां वळ्कना वरम आगसि दांता, मर्मम तेल्‍पिचकुनना तेल्वि मत्‍ते अदगुडा कबळ किय्‍यो.

1 कुरेंति 14:12

अल्‍हेने मिमेटगुडा पेनदा आत्माता वराल्‍कुने निंडिस मंतिट, अवुनाहेंदाल कलिसियातोर्कुना बक्‍ति बेर्सना कोसिस कीम्‍टु.

1 कुरेंति 4:7

बारित्‍ते नीकुन आनि इंकावरोन बोर अलग हूळंतुर? निहगा मत्‍तव अन्‍नि पेन हीतवे गदा, अय्ते इवन्‍नि नावांगे बोरे हिया हिल्‍लुर इत्‍ताप बारि पेद्‍दिरकेम कींतिन?

2 कुरेंति 7:7

सिराप ओर वाताहेंकेन आयो गानि मीहेंदाल ओनकु दोर्कता आ दैरनेमता हेंदालगुडा. ओर नावापोर्रो मत्‍ता मीवा इच्‍चाना बारेमते, दुक्‍कमता बारेमते, जोसता बारेमते वेहतोर. अदुनहाटीं नना इंका एक्‍को आनंदमते मंतन.

2 कुरेंति 8:6

इल्‍हा सहायम कियमळ मुन्‍ने तीतुए मीलोप्‍पो सुरुव कीतोर, अय्ते अदुन महना कबळगुडा किय्‍यिर इंचि ओन विनंति कीतोम.

2 कुरेंति 9:14

मीवापोर्रो पेनदा कुर्पा वेल्‍लेने मंता, अदुनहाटीं ओर मीकुन हूळना इंचि तनलाळसेके ओर मीवाहाटीं वेल्‍लेने पावरमते पारतना कींतुर.

2 कुरेंति 9:8

मिमेट अन्‍नि बेसता कबाह्‍क कियालय, मीक अव्‍सरम मत्‍तव अन्‍नि मिहगा बस्‍केळ्‍क मंदालय, पेन दाना दयाते अव अन्‍निन हिया परांता.

इपीसि 4:29

मीवा तोळ्‍दाल बस्‍केन कराब पोल्‍ले पेय्‍सानायो. केंजानोर्कुंक कुर्पा दोर्किसि, ओरा बक्‍तिते पायदा वायाना बेसता पोल्‍लेंगे पेय्‍सगोम. ओरा अव्‍सरमतुन पीसि मिमेट वळ्‍काना.

पिलिपिया 1:11

मीवा पिस्वरते येसु किरिस्‍तु मत्‍ताहाटीं, मिमेट बस्‍केळ्‍क नीति कबाह्के कीसेक मंदना. दीनहेंदाल पेनदा पोरोल, कदर वेल्‍लेन बेरस्सेक दांता.

पिलिपिया 1:9

मीवा पावरम बेस बेरस्सेक मनना, पेनदाहेंदाल मीकु बुद्‍दि, मंचि-सेड्‍डातुन एरपाट कियना तेल्वि बेरसना इंचि नना बस्‍केळ्‍क पेनदुक पारतना कीसेक मनंतन.

2 तेसलोनि 1:3

विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

2 तिमोति 2:1

ना मर्रि तिमोति, किरिस्‍तु येसुनगा मनना कुर्पाते निमे बेस ताकतवर आम.

इब्रि 12:28

बोरे कदलिच्‍चा परुवसोंटा राज्येम मनाकु दोर्कसेक मंता. अदुनहाटीं मनम पेनदुक दन्यवाद वेहकोम. अचोने आयाका, दाना वेर्रे मनसुने इर्सि दाना सेवा कीसेके, दान्क नच्‍चना आरादना कीसेके मंदकोम.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.

पेन हुपिस्‍ता पोल्‍लें 3:17

निमे अय्ते, “नना सिरमंतुन, नहगा अन्‍नि मंतां, नाकु बतल तक्‍को हिल्‍ले”, इंचि इनकुंचंतिन. गानि नीकु इदु एरपाट हिल्‍ले गदा, निमे पेद्‍दा हेडसोत्‍तोन, गति हिल्वोन, गरिबोन, गुड्‍डिन, कुळकें मंतिन इंचि.