2 कुरेंति 8:23 - पवित्र पोल्‍ले

²³ ओक्‍कला बोरन्‍ना तीतु बोर आंदुर? इंचि पूसकीते, ओर नावा दंटातोर, नावातोनि कलियसि मीवा सेवा कियानोर आंदुर, इंचि वेहट. इंका विस्वासि दादालोरा बारेमते पूसकीते, ओर कलिसियातोर लोहचीतोर आनि किरिस्‍तुना कदरगल्‍लोर आंदुर, इंचि वेहट.

2 कुरेंति 8:23 Iomraidhean Croise

लूकाल 5:10

अल्‍हेने जब्‍दि इननोना मर्क याकोब, योहान, ईर सिमोन पत्रुना दंटातोरे आंदुर, इचंत्रम आतुर. अस्‍के, “निमे वेरिय्मा, गानि इंदकेटाल निमे मनकालोर्कुन पीसि वायानोन आकिन,” इंचि येसु सिमोनुन इत्‍तोर.

लूकाल 5:7

ओल्‍लां हर्रंतां बारे इंचि वेरे डोंगाते मत्‍ता ओरा दंटातोर्कुन आसरा आयालय सय्गें कीसि केयतस्‍के, ओर वासि रोंडु डोंगाने जिम्मां निहतुर, अस्‍के ओरां रोंड डोंगा इंका मुळगालय आतां.

1 कुरेंति 11:7

मांडसा ओना तल्‍लातुन मुचमळ बेस आयो, ओर पेनदा रूपम आनि महिमा आंदुर, गानि मुरतळ अय्ते मांडसाता कदर आंद.

2 कुरेंति 12:18

नना तीतुन मिहगा होन इंचि विनंति कीसि, ओनतोनि वरोर दादानगुडा लोहतन. तीतु कपटमते मीहेंदाल बतलन्‍ना पायदा एततोरा? अल्हा एतोर. नना आनि तीतु इव्वुरोम उंदे आत्माते, उंदे रीतुने ताकंतोम.

2 कुरेंति 7:6

अयना गानि कमजोर मत्‍तोर्कुंक दैरनेम हिय्याना पेन तीतुन महगा लोहचि माक दैरनेम हीता.

2 कुरेंति 8:16

मी बारेमते ना मनसुने मत्‍ता इच्‍चातुन, पेन तीतुना मनसुनेगुडा पुटिस्ता. अदुनहाटीं पेनदुक नना दन्यवाद कींतन.

2 कुरेंति 8:18

अल्‍हेने तीतुनतोनि अन्‍नि कलिसियाने बेसता कबुरतुन वेहालय पोरोल पेय्सतोर वरोर दादनगुडा लोहसेक मंतोम.

2 कुरेंति 8:19

अचोने आयका, इद चंदातुन मोमोट येरुसलेम ओयानेंके ओन मातोनि लोहना इंचि कलिसियातोर पेरतुर. मोमोट सामिना महिमाताहाटीं आनि मावा सहायम कियाना जिद दिस्‍सनाहाटीं इद चंदा ओसेक मंतोम.

2 कुरेंति 8:22

अल्‍हेने ओरतोनि मोमोट इंकावरोन मना दादन लोहासेक मंतोम. आ दादन मोमोट बच्‍चुंगो मल्कां परिक्‍सा कीसि हूळतोम, ओर वेल्‍लेने पोल्‍लेने बेस मंतोर. ओर मीवापोर्रो वेल्‍लेने बरोसा कीताहाटीं, मीक इंका वेल्‍लेने सहाय्यम कियाना ओना इच्‍चा मंता.

2 कुरेंति 8:6

इल्‍हा सहायम कियमळ मुन्‍ने तीतुए मीलोप्‍पो सुरुव कीतोर, अय्ते अदुन महना कबळगुडा किय्‍यिर इंचि ओन विनंति कीतोम.

पिलिपिया 2:25

नाकु अव्‍सरम अरतस्के सहायम कियनाहाटीं मिमेट इपपरदिसुन नाहेके लोहतिर. बेसता कबुर वेहनेंके वरोर सिपाइन लेह्का ओर नावा तोळ मत्‍तोर आंदुर, ओर नावा तम्मुनसंटोर आंदुर. गानि ओन मर्रा मीहेके लोहना इंचि नावा मनसु मंता. मीकुन हूळालय ओर इरगा गाबर आसंतोर. ओर बिमार अरता संगति मिमेट केंजतिर इंचि ओन्क तेळियतस्के ओर वेल्‍लेन नाराज आतोर.

पिलिपिया 4:3

नावा दंटातोना! अव रोंड मुर्ताह्क जगडाल्‍क होळसि उंदासि मनालय निमे सहायम कीम इंचि नीकु विनंति कीसेक मंतन. बारित्‍ते किलेमेन्‍स आनि नावातोनि कबळ कियानोरतोनि कलियसि अव रोंड मुर्ताह्क बेसता कबुर वेहालय वेल्‍ले कस्‍टपळतां. अल्हा कबळ कियानोरा पोरोल्क पेनदागा मनना बस्‍केळ्‍क पिस्सना पिस्वरता पुस्तकमते रासि मंता.

कुलुसि 1:7

आ बेसता कबुर मावा पावरमगल्‍ला इपप्रासुनाहेंदाल मिमेट करियतिर. ओर मावातोनि कलियसि कबळ कियानोर आनि मीवाहाटीं किरिस्‍तुना विस्वासमलायक सेवक आंदुर.

1 तेसलोनि 2:2

गानि दीनकन्‍ना मुन्‍ने पिलिपिया सहरते माकुन बदनाम कीसि वेल्‍लेन दुक्‍कम हीतुर. लोकुल्‍क माकुन बागाने विरोद कीतुर. विरोद किय्यिनागानि पेनदा बेसता कबुर मीक वेहालय पेन दैरनेम हीता, इदगुडा मीकु एरपाटे मंता.

2 तिमोति 4:10

बारित्‍ते देमासु इनानोर ई दुनियाता पावरमते नाकुन होळसि तेसलोनि सहर होत्‍तोर. क्रेसेंस इनानोर गलातिया एरियाते होत्‍तोर आनि तीतु इनानोर दलमतिया राज्येमते होत्‍तोर.

तीतु 1:4

विस्वासमते नावा समानम मनना नावा मर्रि तीतुंक इद सिट्‍टि नना रासेक मंतन. पेनबाबनहेंदाल आनि मनाकुन पिसागोटनोर किरिस्‍तु येसुनहेंदाल नीकु कुर्पा, सांति दोर्किकांटी.

पिलेमोन 1:17

ओक्‍कला निमे नाकुन सेवालोप्‍पो नीवा पालिगाड इनकुनानय्ते, नाकुन दग्‍गेरा कीकुत्‍ताप ओनगुडा दग्‍गेरा कीकुन.

पिलेमोन 1:24

अल्‍हेने नातोनि कलियसि कबळ कियाना मरकुस, अरिसतरकुस, देमास, लूकाल ईरगुडा नीकु जोहार वेहासेक मंतुर.

3 योहान 1:8

असोंटा मनकालोर्कुंक मनम सहायम कीसि ओर्कुन बेस हूळना. अस्‍के मनमगुडा सत्‍तेमताहाटीं कबळ कियानोरा लेक्‍काते वांतोम.