2 कुरेंति 8:21 - पवित्र पोल्‍ले

²¹ सिराप पेनदा मुन्‍नेने तप्‍पु हिल्‍वाप आयो, गानि मनकालोरा मुन्‍नेगुडा तप्‍पु हिल्‍वाप मंतोम.

2 कुरेंति 8:21 Iomraidhean Croise

मत्‍तयाल 23:5

ओर ओरा कबाह्‍क लोकुल्‍क हूळना इंचि कींतुर. पेनदा पोल्‍लेन रासि, तायित्‍कुने निहचि पेद्‍दा-पेद्‍दा दुम्में ओरा दंडा कयकुंक, कप्पर्क दोहकुंतुर. ओरा कपडिना कोंगुल्कु जिल्‍लर-जल्‍लर होळसींतुर. लोकुल्‍क ओर्कुन “सादु” इनागोम इंचि इल्‍हा कींतुर.

मत्‍तयाल 5:16

अदुनहाटीं मीवा पिस्वर लोकुल्‍कुना मुन्‍ने इल्‍हा मनना गदा मीवा वेलगुनसोंटा बेसता कबाह्‍कुन हूळसि वेरेतोर स्वर्गमता बाबानद कदर कियानुर.

मत्‍तयाल 6:1

उसारते मंटु! मिमेट लोकुल्‍कुंक हुप्‍सनाहाटीं नीति कबाह्‍क कियमट. अल्हा कीते, स्वर्गमते मनना मीवा पेनबाबानहेंदाल मीकु बतले इनाम दोर्को.

मत्‍तयाल 6:4

अल्हा कीते मिमेट कियना दर्मम बोनकु तेळियाकोंटा मनंता, अद बतल आंदो मीवा पेनबाबांक एर्के मंता. अदुन हूळसे मीकु इनाम हींतोर.

रोम सहरतोरहाटीं पौलुसना सिट्‍टि 12:17

बोरन्‍ना मीकु तकलिप हीते, मिमेट ओर्क तकलिप हीसि बदला येतमट. अंटोरा नदरते बद बेसो, अदे कियना विचारमते बस्‍केळ्‍क मंटु.

रोम सहरतोरहाटीं पौलुसना सिट्‍टि 14:18

इल्‍हा किरिस्‍तुना सेवा कीतोन पेन मेच्‍चुकुंता, लोकुल्‍कुना नड्‍डुमगुडा ओनकु कदर दोर्कंता.

2 कुरेंति 2:17

बोर अय्ते पेनदा पोल्‍लें वेहचि सतता पायदा कीकुंतुर, असंटा वेल्‍लेटोरव्टेटाल मोमोट हिल्‍लोम. गानि मोमोट सत्‍तेम मनसुने, किरिस्‍तुना अदिकारमते पेनदा पोल्‍लें वेहासेक मंतोम. माकुन लोहता पेन माकुन हूळसेक मंता इंचि माक एरपाट मंता.

2 कुरेंति 8:20

ई जमा कीता चंदाता जिम्मेदारि मावा पोर्रो मत्‍ताहाटीं, माकुन बोरे तप्‍पु इनामन्‍नि इंचि उसारते ताकसेक मंतोम.

2 कुरेंति 8:22

अल्‍हेने ओरतोनि मोमोट इंकावरोन मना दादन लोहासेक मंतोम. आ दादन मोमोट बच्‍चुंगो मल्कां परिक्‍सा कीसि हूळतोम, ओर वेल्‍लेने पोल्‍लेने बेस मंतोर. ओर मीवापोर्रो वेल्‍लेने बरोसा कीताहाटीं, मीक इंका वेल्‍लेने सहाय्यम कियाना ओना इच्‍चा मंता.

पिलिपिया 4:8

विस्वासुल्‍कुनिटा! आकिरते इंकुंदि पोल्‍ले वेहानद मंता. अद बतल इत्‍ते, बव पोल्‍लें अय्ते सत्‍तेम, तल्‍सकुननालायक मंतां, अव पोल्‍लेना बारेमतेन विचारम कीसेक मंटु. इत्‍ते, बरोसालायक पोल्‍लें, कदरलायक पोल्‍लें, नीतिता पोल्‍लें, पवित्र पोल्‍लें, कुसिता पोल्‍लें, सोबांचना पोल्‍लें इवे पोल्‍लेना बारेमते विचारम कीसेके मंटु.

1 तेसलोनि 5:22

अन्‍नि तीरकुना कराब पोल्‍लेनाल लक्‍कु मंटु.

1 तिमोति 3:7

इच्‍चोने आयका वेरे लोकुल्‍कुना विचाराल्कगुडा ओना बारेमते बेस मनगोम. अल्हा मनाकोंटे ओर सिग्गु पोळागोट्‍कुंचि देय्यमता कय्‍दुक दोर्का परांतोर.

1 तिमोति 5:14

अदुनहाटीं लेय्यातनमते मुंडामोस्ता मुर्ताह्क मरमिं आसि, पिलाल्कुन कंचेके संसारम कियना इंचि नावा इच्‍चा मंता. अल्हा कीते पगातोर्कुंक तप्पुक दोसना मोका दोर्को.

1 पत्रु 2:12

मिमेट अविस्वासुल्‍कुना नड्‍डुम मंतिट इंचि बेस ताकट. ओर मीकुन कराब लोकुल्‍क इंचि बदनाम किय्यिनागानि मीवा बेस कबाह्‍कुन हूळसि, पेन वायाना रोजुने ओर इंका पेनदा कदर कियानुर.