2 कुरेंति 7:4 - पवित्र पोल्‍ले

⁴ नना मीवातोनि बतले मक्‍किचाकोंटा वेहासेक मंतन, नाक मीपोर्रो एक्‍को पेद्‍दिरकेम मंता. नना सांतिते निंडतन. मावा अन्‍नि तकलिपकुनेगुडा नना वेल्‍ले कुसिते मंतन.

2 कुरेंति 7:4 Iomraidhean Croise

प्रेरितुल्‍कुना कबाह्‍क 5:41

प्रेरितुल्कुन होळसीतस्के, येसुना पोरोलताहाटीं मोमोट देब्बां तित्‍तोम, इंचि बेस आनंदमते पंचादिताल पेय्सि होत्‍तुर.

रोम सहरतोरहाटीं पौलुसना सिट्‍टि 5:3

इच्‍चोने आयाका, विस्वासम कीताहेंका मनाकु तिप्‍पल्‍क वायिनागानि वेल्‍ले कुसिते मनंतोम. बारित्‍ते तिप्‍पल्‍क वातेने ओप्के पुट्‍टंता.

1 कुरेंति 1:4

किरिस्‍तु येसुनलोप्‍पो मीक पेन हीता कुर्पाताहाटीं, नना पेनदुन बस्‍केळ्‍क दन्यवाद कींतन.

2 कुरेंति 1:4

मनम इंकावरोंक सांति हियागोम इंचि पेन मनाकु अन्‍नि तकलिपकुने सांति हीसेक मंता. बोर अय्ते तकलिपते मंतुर, पेन मनाकु हीता सांतितुने मनम ओर्क हिया परगोम इंचि दाना इच्‍चा मंता.

2 कुरेंति 10:8

मीकुन नासडेम कियालय आयो गानि, मीकुन बेर्सागोटालय सामि माक अदिकारम हीतोर इंचि नना इंकागुडा पेद्‍दिरकेम वेहकुनिना नाक सिग्गु हिल्‍ले.

2 कुरेंति 11:21

नाक सिग्गु वायाना पोल्‍ले बतल इत्‍ते, ओर कीताप मोमोट किया हिल्‍लोम. गानि बोरे आयिर पेद्‍दिरकेम कियालय दैरनेम कीते, ननागुडा मूर्कुनालेसीं दैरनेमते पेद्‍दिरकेम कींतन.

2 कुरेंति 2:14

पेनदुक दन्यवाद आयि! अद किरिस्‍तुनलोप्‍पो मनाकुन बस्‍केळ्‍क गेल्‍सागोटसेक ओंता आनि गमा-गमा गब्‍बुनसोंटा दाना तेल्‍वितुन मनाहेंदाल अन्‍नि जेगाने पैलांचंता.

2 कुरेंति 3:12

अदुनहाटीं इदे आसेता हेंदाल मनम बच्‍चोरो दैरनेमते वळ्‍कंतोम.

2 कुरेंति 7:14

नना ओनतोनि मीवा बारेमते पेद्‍दिरकेम वेहकुत्‍तन. मोमोट मीक वेहतव अन्‍नि पोल्‍लें निजमे आंदुं. अदुनहाटीं तीतुना मुन्‍ने नावा पेद्‍दिरकेम निजम कीसि हुपिस्‍तिर, नाकुन सिग्गु होननाल किया हिल्‍लिर.

2 कुरेंति 8:24

अदुनहाटीं मिमेट ओर्कुन बच्‍चोन पावरम कींतिट इंचि कलिसियाता मुन्‍ने हुप्‍सट, अल्‍हेने मीवा बारेमते मोमोट पेद्‍दिरकेम वेहकुत्‍तद निजम कीसि ओर्कु हुप्‍सट.

पिलिपिया 1:14

इचोने आयका, नना जेलने मत्‍ताहेंका सामिनाहाटीं वेल्‍लेन मंदि विस्वासुल्कुंक दैरनेम दोर्कता. ओर बोर्के वेरियाकोंटा वेल्‍लेन दैरनेमते किरिस्‍तुना बारेमता पोल्‍लेतुन वेहालय तयार आतुर.

पिलिपिया 1:20

नाकु बसोंटा परिस्तिति वायिना सिग्गु अर्रोन, नना इदवेरादाका दैरनेमते किरिस्‍तुना सेवा कीतन, अल्‍हेने इंदकेगुडा कीसेक मंतन. नना हायिना-पिस्सिना नावा पिस्वरताहेंदाल किरिस्‍तुना पोरोल्तुन अंटोर कदर कियगोम इंचि नना वेल्‍लेन आसेते एदुर हूळसेक मंतन.

पिलिपिया 1:26

इल्‍हा नना बस्के अय्ते मर्रा मिहगा वांतनो, अस्‍के सामि नावाहेंदाल बतल-बतल अय्ते कीतोर अवुन केंजसि मिमेट येसु किरिस्‍तुन वेल्‍ले कदर हीकिट.

पिलिपिया 2:17

पेनदा सेवा कियनाहाटीं मिमेट उंदि मोक्‍कुनलेह्का आसि वेल्‍लेन तिप्‍पल्‍क अरसंतिर. इदंता मीकु पेनदापोर्रो वेल्‍लेन विस्वासम मत्‍ताहेंका आसंता. अदुनहाटीं इसोंटा मीवा मोक्‍कुनतोनि नावा जीवा हीसि नेत्‍तुर वारागिच्‍चालयगुडा नना पजोळ्क होन्‍नोन, गानि वेल्‍लेन कूस मनंतन.

कुलुसि 1:24

किरिस्‍तुना मेंदुलतसोंटा कलिसियाताहाटीं बवय्ते बादां तक्‍को मत्‍तां. अव बादन नावा मेंदुलताहेंदाल पूरा कीसेके मंतन, अदुनहाटीं इंदके मीवाहाटीं बवय्ते नावा दुक्‍काल्क मंतां अवुने नना आनंदमते मंतन.

1 तेसलोनि 2:19

मावा आसे आयि, मावा कुसि आयि, मना येसु सामि मर्रा वायानस्के ओना मुन्‍ने मावा पेद्‍दातनमता किरिटम आयि! बतल आंद? मिमेट आयिरा?

1 तेसलोनि 2:2

गानि दीनकन्‍ना मुन्‍ने पिलिपिया सहरते माकुन बदनाम कीसि वेल्‍लेन दुक्‍कम हीतुर. लोकुल्‍क माकुन बागाने विरोद कीतुर. विरोद किय्यिनागानि पेनदा बेसता कबुर मीक वेहालय पेन दैरनेम हीता, इदगुडा मीकु एरपाटे मंता.

2 तेसलोनि 1:4

अचोने आयाका मिमेट तकलिपकुन, बादन ओप्के पीसि पेनदा लोप्पो गट्‍टिगा विस्वासमते निल्‍सि मंतिर. अदुनहाटीं मोमोट मीवा बारेमते पेनदा कलिसियाने पेद्‍दातनम वेहकुंचेके मंतोम.

पिलेमोन 1:7

तम्मा! निमे पेनदा लोकुल्‍कुन पावरम कीसि ओरा मनसुकुंक सांति हीतिन. अदुनहाटीं नी पावरमहेंदाल नाकुगुडा वेल्‍लेन सुकम, सांति दोर्कता.

याकोब 1:2

नावा विस्वासुल्‍कुनिटा, बस्के अय्ते मीवापोर्रो तीर-तीराता परिक्‍सां वांतां, अस्‍के अद मीवा पूरा आनंदमता पोल्‍ले इनकुंटु.