2 कुरेंति 7:13 - पवित्र पोल्‍ले

¹³ अदुनहाटीं माक सांति दोर्कता. मीवा अंटोराहेंदाल तीतुना जीवा कूस आसि आनंदम आतोर. ओना आनंदम हूळसि मोमोटगुडा वेल्‍लेने आनंदम आतोम.

2 कुरेंति 7:13 Iomraidhean Croise

रोम सहरतोरहाटीं पौलुसना सिट्‍टि 12:15

कुसिते मननोरतोनि मिमेटगुडा कुसिते मंटु, अळानोरतोनि मिमेटगुडा अळट.

रोम सहरतोरहाटीं पौलुसना सिट्‍टि 15:32

मनम पारतना कीताप पेनदुक इस्‍टम मत्‍ते, नना मिहगा वासि कोन्‍नि रोजकु मीवातोनि कुसिते मनंतन.

1 कुरेंति 12:26

अदुनहाटीं ओक्‍कला मेंदुल्तद उंदि बागम नोते, दानतोनि अव अन्‍नि बागाल्कुंक नोंता. ओक्‍कला उंदि बागमकु कदर दोर्कते, अव अन्‍नि बागाल्क कूस आंतां.

1 कुरेंति 16:13

इंदके मिमेट उसारते मंटु, विस्वासमते गट्‍टिगा मंटु, दैरनेमते मंटु, बलमगल्‍लोर्क आसि मंटु.

1 कुरेंति 16:18

ओर वातुर इंचि नावा जीवक आनि मीवा जीवक सांति दोर्कता. अदुनहाटीं इसंटोर्कुन कदर हीम्टु.

2 कुरेंति 2:13

ना तम्मुर तीतु अगा कलिया हिल्‍लोर, अय्ते ना मनसुंक सांति दोर्काहिल्‍ले. अदुनहाटीं दांतन इंचि ओर्कु वेहचि, मेसिडोनिया एरियाते पेय्सि होत्‍तन.

2 कुरेंति 2:3

नना अगा वातस्के नाक बोराहेंदाल अय्ते कुसि आयाना मंता, ओरा अंटोराहेंदाल नाक दुक्‍कम आयामन्‍नि इंचि नना मुन्‍ने अद सिट्‍टि रासि लोहतन. नाक मी बारेमते विस्वासम मंता, नावा कुसि मीवा अंटोरदगुडा कुसि आंदु.

2 कुरेंति 7:14

नना ओनतोनि मीवा बारेमते पेद्‍दिरकेम वेहकुत्‍तन. मोमोट मीक वेहतव अन्‍नि पोल्‍लें निजमे आंदुं. अदुनहाटीं तीतुना मुन्‍ने नावा पेद्‍दिरकेम निजम कीसि हुपिस्‍तिर, नाकुन सिग्गु होननाल किया हिल्‍लिर.

2 कुरेंति 7:15

मिमेट अंटोर तीतु वेहताप नावा आदेसतुन केंजतिर, वेर्रेते, कदर हीसि ओनकु कलियतिर. इद मति वातस्के मुन्‍नेटकन्‍ना इंका एक्‍को ओना पावरम मीवाहाटीं बेर्संता.

2 कुरेंति 7:6

अयना गानि कमजोर मत्‍तोर्कुंक दैरनेम हिय्याना पेन तीतुन महगा लोहचि माक दैरनेम हीता.

पिलिपिया 2:28

अय्ते ओन मिहगा बल्हैना लोहना इंचि नना विचारम कीतन. ओर मिहगा वाते मिमेट ओन हूळसि कूस आकिट, अस्‍के नावा चिंतागुडा तक्‍को आंता.

2 तिमोति 1:16

नावा कय्‍कुंक बेडीं वाटसि मंतां इंचि सिग्गु अर्राकोंटा, उनेसिपुरुस इनानोर, नाकु ऊके-ऊके कलियसि नाकु वेल्‍लेन दैरनेम हीतोर. सामि ओना कुटुंबमपोर्रो दया हुप्‍सिरकांटी.

पिलेमोन 1:20

अदुनहाटीं नावा तम्मा! सामिना पोरोलते ओनेसिमुसना बारेमता विनंतितुन ओप्‍कुंचि, किरिस्‍तुना लोप्पो नावा मनसुंकु सांति हीम.

पिलेमोन 1:7

तम्मा! निमे पेनदा लोकुल्‍कुन पावरम कीसि ओरा मनसुकुंक सांति हीतिन. अदुनहाटीं नी पावरमहेंदाल नाकुगुडा वेल्‍लेन सुकम, सांति दोर्कता.

1 पत्रु 3:8

आकिरते, मिमेट उंदि मनसुने वरोंक-वरोर पावरम कियमळते, उंदि लोतोरलेसीं जीवा कियमळते, इंकावरोनहाटीं जीवा नोयमळते, सादा-सिंपल मनमळते अंटोर उंदि आसि मंटु.