2 कुरेंति 6:9 - पवित्र पोल्‍ले

⁹ एरपाट कियवोरालेसीं मनना, अंटोर एरपाट कींतुर. हायानोरालेसीं मनना, जीवाते मंतोम. माकु सिक्‍सा हियाना गानि मोमोट हाया हिल्‍लोम.

2 कुरेंति 6:9 Iomraidhean Croise

प्रेरितुल्‍कुना कबाह्‍क 17:18

अस्‍के इच्‍चुर इपिकुरि आनि स्तोइकि इनना एक्‍को तेल्वि मत्‍ता लोकुल्‍क ओनतोनि जगडम दोसकुत्‍तुर. अव्टेटाल इच्‍चुर, “ई पिचुर-पिचुर वळकानोर बतल वेहांतन इंचंतोर?” इंचि इत्‍तुर. इंकिच्‍चुर बारे, “ईर अय्ते वेरे जातितोरा पेनदा बारेमते कराहनोर दिसंतोर” इंचि इत्‍तुर. पौलुस येसुना बारेमते आनि ओर हासि मर्रा जीवाते तेदतदुन बारेमते कराहुंदुर इंचि ओर अल्हा इत्‍तुर.

प्रेरितुल्‍कुना कबाह्‍क 19:26

ई पौलुस इपीसि सहरता आनि दग्‍गेर-दग्‍गेरा पूरा आसिया एरियाता लोकुल्‍कुंक, ‘मनकल कीता पेनकु निजम पेनकु आयों,’ इंचि ओर्क एकरेवुल्क वेहसेक ओर्कुन बदलांचतोर. इद संगतितुन मिमेट हूळतिर आनि केंजतिर गुडा.

प्रेरितुल्‍कुना कबाह्‍क 25:19

सिराप ओर ओरा दर्मता बारेमते आनि येसु पोरोलता वरोर हासोत्‍ता मनकना बारेमते ओरा लोल्‍लि मत्‍ता. गानि पौलुस मात्रम हासोत्‍ता येसु जीवाते मंतोर इंचि इंतोर.

प्रेरितुल्‍कुना कबाह्‍क 25:26

गानि ईना बारेमते कैसर राजांक बतल रासाना नाकु तेळिया हिल्‍ले. अदुनहाटीं ईना पोल्‍लें केंजता पजा, बदन्‍ना पोल्‍ले नाकु रासालय दोर्कार बारे इंचि मीवा मुन्‍ने ईन तत्‍तन, कास कीसि अग्रिपा राजाना मुन्‍ने तत्‍तन.

रोम सहरतोरहाटीं पौलुसना सिट्‍टि 8:36

बारित्‍ते, “मोमोट नीवोर्क आताहाटीं रोज-रोज लोकुल्‍क माकुन हव्कालय हूळांतुर, मोक्‍कु हियालय मोळकुता गोर्रेनलेसीं मावा पिस्वर मंता,” इंचि दर्मसास्‍त्रमते रासि मंता.

1 कुरेंति 11:32

गानि मनाकु दुनियातोरतोनि सिक्‍सा आयामन्‍नि इंचि सामि मनाकुन बेस पोल्‍ले वेहचि सुदरांचतोर.

1 कुरेंति 15:31

विस्वासुल्‍कुनिटा! मिमेट मना सामि येसु किरिस्‍तुना लोप्पो विस्वासमते गट्‍टिगा मत्‍ताहाटीं, नना मीवा बारेमते पेद्‍दिरकेम वेहकुंचेके मंतन. अदुनहाटींगे नावा हामुरतुन रोज हूळसेक मंतन.

1 कुरेंति 4:9

गानि बोर्क अय्ते हामुर सिक्‍साता आदेस हियमळ जर्गता, असंटोरालेसीं, प्रेरितुल्क आता मनाकुन पेन अंटोर्कुंकन्‍ना आकिरते इरता, इंचि नाकु अनपिच्‍चंता. बारित्‍ते, मनम पेनदा दूतानाहाटीं, दुनियाताहाटीं, मनकालोराहाटीं सिराप तमासा हुप्‍सानोर आसि मंतोम.

2 कुरेंति 11:6

नना वळ्‍कमळते कमजोर मनिनागानि तेल्‍विते हिल्‍लेन. इदुन मोमोट अन्‍नि पोल्‍लेने, अन्‍नि तीरुकुने मीक हुपिस्‍तोम.

2 कुरेंति 4:2

सिग्गु होनानव आनि मक्‍किस कियाना कबाह्‍कुन मोमोट होळसीतोम. इंकावरोन दोका हियमळ आयि, पेनदा पोल्‍लेतुन उल्टा-पल्टा कीसि वेहमळ आयि इसोंटा कबाह्‍क किय्‍योम. गानि पेनदा मुन्‍ने सत्‍तेम पोल्‍लेतुन वेहाना हेंदाल, मोमोट बसंटोरम इंचि हरेक मनकंक ओरा मनसुने तेळियंता.

2 कुरेंति 5:11

पेनदुक वेरियसि बल्हा पिस्सना इद माक तेळियंता, अदुनहाटीं इदुन मोमोट लोकुल्‍कुंक वेहांतोम. मोमोट बसंटोरम इंचि मावा बारेमते पेनदुक पूरा एरपाटे. इव पोल्‍लें मीवा मनसुना लोप्‍पोगुडा एरपाट आता इंचि नावा आसे मंता.