2 कुरेंति 6:8 - पवित्र पोल्‍ले

⁸ इंकावरोर माकुन कदर हिय्‍यिना-हिय्याकोन्‍ना, बेसतोर इन्‍निना-इन्‍नाकोन्‍ना, माकुन नळेह कियानोर इंचि इंतुर गानि मोमोट सत्‍तेमतोर्कुम आंदुम.

2 कुरेंति 6:8 Iomraidhean Croise

मत्‍तयाल 10:25

सिराप सिस्युड गुरुनलेसीं, जीतागाड मालकुनालेसीं आयगोम अचोने सालु. ओक्‍कला लोता मालकुन नाकुने बेलजेबुल इनानय्ते, लोते मनना मीवद अंटोरद बद गति आयार!

मत्‍तयाल 22:16

परिसिल्क येसुन पसांचना उपायाल्‍क कीसि, ओरा इच्‍चुर सिस्युल्कुन हेरोद राजाना मनकालोरतोनि ओनाहेके लोहचीतुर. ओर येसुनगा होंचि इल्‍हा इत्‍तुर. “गुरु, निमे निजम वळ्‍कानोन, पेनदा हर्दा बारेमते सत्‍तेमते करहानोन आंदिन इंचि माक एरपाट मंता. बोर बतल इनिनागानि दाना पिकिरगुडा किय्‍यिन, निमे लोकुल्‍कुना मोकम हूळसि वळ्किन, इदिंका माकु एरके.

मत्‍तयाल 27:63

“महाराज, आ बोंकिच्‍चना मनकल जीवाते मननेंके, ‘नना हासि मूड रोजकुंक मर्रा जीवाते तेदंतन’ इंचि इत्‍तोर, अद माकु मते मंता.

मरकुस 12:14

ओर येसुनगा वासि इल्‍हा इत्‍तुर. “गुरु, निमे निजम वळ्‍कानोन आंदिन, बोर बतल इनिनागानि दाना पिकिरगुडा किय्‍यिन, निमे लोकुल्‍कुना मोकम हूळसि वळ्किन, इंका पेनदा हर्दा बारेमते सत्‍तेमते कराहंतिन इंचि माक एरपाटे मंता. इंदके माकु वेहा, नियम परकारम, कैसर राजांक कर दोहमळ न्‍यायमेना, आयोना?” इत्‍तुर.

योहान 7:12

अद मंदिताल इच्‍चुर लोकुल्‍क बारे येसुना बारेमते, “ओर बेस मनकल आंदुर,” इंचि इनुंदुर. इंकिच्‍चुर बारे, “हिल्‍ले रो! ओर लोकुल्‍कुन गयबेत कींतोर,” इंचि गुसा-गूसा वळ्ककुनुंदुर.

प्रेरितुल्‍कुना कबाह्‍क 10:22

अस्‍के आ मनकालोर, “माकुन उंदि पोलिस दलमता दरोगाल कुरनेलियुस इनानोर लोहतोर. ओर बेस नीतिमंतुड आनि पेनदुक वेरियसि ताकाना मनकल आंदुर. यहुदि जातिता लोकुल्‍कुने ओर बेस पोरोल होत्‍तोर. नीकुन ओना लोन केया वेहचि, नीहेंदाल ओन्क पोल्‍लें वेहालय उंदि पवित्र पेनदा दूता ओन्क वेहता,” इंचि इत्‍तुर.

प्रेरितुल्‍कुना कबाह्‍क 16:39

आयंका रोमि अदिकारिल्‍क वासि ओर्कुन मापि तल्किसि पलाते ओतुर. ओर्क विनंति कीसि इद सहर होळसि होनालय वेहतुर.

प्रेरितुल्‍कुना कबाह्‍क 22:12

अगा हनन्‍याल पोरोलतोर वरोर मनकल मत्‍तोर. ओर मूसाना नियम परकारम ताकुंदुर. अगाटा अंटोर यहुदिल्क इंका ओन बेस मनकल इनुंदुर.

प्रेरितुल्‍कुना कबाह्‍क 24:5

ई मनकल जगडाल्‍क पुटिच्‍चानोर, दुनियाते मनना अंटोर यहुदिल्कुंक होंग वायागोटनोर आनि ईर नासरेत पार्टिता लीडर आंदुर.

प्रेरितुल्‍कुना कबाह्‍क 28:22

गानि अन्‍नि जेगाने नासरेत पार्टितोरा विरोदतेन वळ्‍कानद माकु एर्का मंता. अयना नीवा विचारम बतल मंता, इद मोमोट नीवाहेंदाले केंजंतोम,” इंचि इत्‍तुर.

प्रेरितुल्‍कुना कबाह्‍क 4:21

अगा जर्गुतदुन हूळसि, अंटोर लोकुल्‍क पेनदा स्‍तुति कियालय दल्‍गतुर. अदुनहाटीं लोकुल्‍कुना वेर्रेक ओर्क सिक्‍सा हियाका, ओर्कुन मर्रा वेराहचि होळसीतुर.

प्रेरितुल्‍कुना कबाह्‍क 5:13

अविस्वासुल्‍क ओरतोनि कलियालय वेरियुंदुर, गानि विस्वासुल्कुना बेस कदर कियुंदुर.

प्रेरितुल्‍कुना कबाह्‍क 6:3

अदुनहाटीं नावा विस्वासुल्‍कुनिटा! मिमेट मीवव्टेटाले बेस कदर, बुद्‍दि आनि पवित्र आत्माते निंडिस मत्‍ता एडुर मांडसातुन पेरकुंट. मोमोट ओर्कुन ई कबळ पोर्रो इर्रांतोम.

रोम सहरतोरहाटीं पौलुसना सिट्‍टि 3:8

इल्‍हा कियानोर, “पापम कीते बेस जर्गसेक गदा! अय्ते दट पापम कीकोम,” इंचिगुडा इंतुर. इंका इल्‍हा मोमोटे कराहतोम इंचि इच्‍चुर लोकुल्‍क मापोर्रो दोसेमगुडा दोसंतुर. गानि अल्हा कियानोर अंटोर्कुंक, पेन दगता सिक्‍सा हींता.

2 कुरेंति 1:18

पेन विस्वासमगल्‍लद आंद. अल्हेन मोमोटगुडा “हो” आनि “हिल्‍ले” इल्‍हा रोंडु पोल्‍लें वळ्‍कोम.

2 कुरेंति 11:21

नाक सिग्गु वायाना पोल्‍ले बतल इत्‍ते, ओर कीताप मोमोट किया हिल्‍लोम. गानि बोरे आयिर पेद्‍दिरकेम कियालय दैरनेम कीते, ननागुडा मूर्कुनालेसीं दैरनेमते पेद्‍दिरकेम कींतन.

2 कुरेंति 12:16

नना अय्ते मीपोर्रो बर्वु वाटा हिल्‍लेन गानि, “पिलान कीसि माकुन बोंकिच्‍तोर” इंचि मिमेट नाकुन इना वच्‍चु.

2 कुरेंति 4:2

सिग्गु होनानव आनि मक्‍किस कियाना कबाह्‍कुन मोमोट होळसीतोम. इंकावरोन दोका हियमळ आयि, पेनदा पोल्‍लेतुन उल्टा-पल्टा कीसि वेहमळ आयि इसोंटा कबाह्‍क किय्‍योम. गानि पेनदा मुन्‍ने सत्‍तेम पोल्‍लेतुन वेहाना हेंदाल, मोमोट बसंटोरम इंचि हरेक मनकंक ओरा मनसुने तेळियंता.

1 तेसलोनि 2:3

बारित्‍ते मावा बोदा गलतितेनो, कराब विचाराल्कुनेनो, पसांचना उद्‍देसमते वेहतद आयो.

1 तिमोति 3:7

इच्‍चोने आयका वेरे लोकुल्‍कुना विचाराल्कगुडा ओना बारेमते बेस मनगोम. अल्हा मनाकोंटे ओर सिग्गु पोळागोट्‍कुंचि देय्यमता कय्‍दुक दोर्का परांतोर.

1 तिमोति 4:10

इदुनाहाटींगें मनम बागा कस्‍टपळसेके, पोराटम कीसेके मुन्‍नेळ्‍क ताकसेके मंतोम. बारित्‍ते मनम मना आसे, बस्‍केळ्‍क जीवाते मननद आनि अंटोर लोकुल्‍कुन कापाळना पेनदापोर्रो इरतोम, विसेस कीसि दान विस्वासम कियानोर्कुन पिसागोटना पेनदापोर्रो इरतोम.

इब्रि 13:13

अदुनहाटीं वटु! मनमगुडा येसुना पोर्रोटा अपमानमतुन मनापोर्रो येतकुंचि, येसुनालेसीं तिप्‍पल्‍क बोगांचालय डेराता पलाते दाकोम.

1 पत्रु 4:14

मीकुन ओक्‍कला बोरन्‍ना किरिस्‍तुना पोरोलताहेंदाल अपमानम कीते, मिमेट आसिर्वाद दोर्कतोरे आंदिर. बारित्‍ते पेनदा महिमाता आत्मा मीपोर्रो मंता.

3 योहान 1:12

देमेतिरियुसना बारेमते अंटोरगुडा बेसतोर इंचि गवाइ वेहांतुर. पेनदा सत्‍तेमते ताकतोर इंचि सत्‍तेमता नदरतेगुडा ओर बेस मनकल आंदुर. ओर बेसतोर इंचि ननागुडा गवाइ हींतन, नावा गवाइ सत्‍तेम इंचि मीकु अय्ते एरपाटे मंता.

पेन हुपिस्‍ता पोल्‍लें 3:9

हूळा! नना देय्यमता दर्मसास्‍त्रम कराहना लोता लोकुल्‍कुन निहगा वायागोटंतन, ओर “मोमोट यहुदिर्क आंदुम इंचि इंतुर” ओर यहुदि आयुर गानि ओर आबद्‍दम वळ्कसेक मंतुर. नना ओर्कुन निहागा तायसि नीवा काल्क मोळ्‍का गोटांतन. अस्‍के नना मीकुन बच्‍चोन पावरम कींतन इंचि ओर्क तेळियंता.