2 कुरेंति 6:7 - पवित्र पोल्‍ले

⁷ सत्‍तेम पोल्‍लेते, पेनदा ताकतते, नीतिता आयदार्क तिना कय्‍दे, रोड्‍डा कय्‍दे पीसि,

2 कुरेंति 6:7 Iomraidhean Croise

मरकुस 16:20

पजा येसुना सिस्युल्कु नालुं-मूलां होंचि अन्‍नि जेगाने ओना बारेमते प्रचार कीतुर. सामि ओरतोनि मंचेके कबळ कियुंदुर. कबळ कियनेंके जर्गना चिन्‍हाना हेंदाल सामि ओना पोल्‍ले निजम इंचि रुजुव कियुंदुर. आमेन.

प्रेरितुल्‍कुना कबाह्‍क 11:21

सामिना ताकत ओरतोनि मत्‍ता इंचि वेल्‍लेटुर लोकुल्‍क विस्वास कीसि सामिनहेके तिरियतुर.

1 कुरेंति 1:24

गानि पेन बोर्कुन अय्ते केयता, ओर यहुदिल्क आयिर, युनानिर आयिर, ओराहाटीं पेनदा ताकत, पेनदा तेल्वि किरिस्‍तु आंदुर.

2 कुरेंति 13:4

बारित्‍ते, किरिस्‍तु कमजोर आसि मत्‍तस्के ओन क्रुसुनपोर्रो मोल्‍लां कोह्‍किसि वेलाळ वाटतुर, अयना गानि पेनदा ताकतते ओर मर्रा तेदसि जीवाते मंतोर. मोमोटगुडा ओनालेसींगे कमजोर मंतोम, गानि मोमोट मीवाहाटीं पेनदा ताकतते किरिस्‍तुनतोनि जीवाते मनंतोम.

2 कुरेंति 2:17

बोर अय्ते पेनदा पोल्‍लें वेहचि सतता पायदा कीकुंतुर, असंटा वेल्‍लेटोरव्टेटाल मोमोट हिल्‍लोम. गानि मोमोट सत्‍तेम मनसुने, किरिस्‍तुना अदिकारमते पेनदा पोल्‍लें वेहासेक मंतोम. माकुन लोहता पेन माकुन हूळसेक मंता इंचि माक एरपाट मंता.

2 कुरेंति 4:2

सिग्गु होनानव आनि मक्‍किस कियाना कबाह्‍कुन मोमोट होळसीतोम. इंकावरोन दोका हियमळ आयि, पेनदा पोल्‍लेतुन उल्टा-पल्टा कीसि वेहमळ आयि इसोंटा कबाह्‍क किय्‍योम. गानि पेनदा मुन्‍ने सत्‍तेम पोल्‍लेतुन वेहाना हेंदाल, मोमोट बसंटोरम इंचि हरेक मनकंक ओरा मनसुने तेळियंता.

2 कुरेंति 7:14

नना ओनतोनि मीवा बारेमते पेद्‍दिरकेम वेहकुत्‍तन. मोमोट मीक वेहतव अन्‍नि पोल्‍लें निजमे आंदुं. अदुनहाटीं तीतुना मुन्‍ने नावा पेद्‍दिरकेम निजम कीसि हुपिस्‍तिर, नाकुन सिग्गु होननाल किया हिल्‍लिर.

इपीसि 1:13

मीकु मुक्‍ति हीता बेसता कबुर सत्‍तेम आंद अदुन मिमेटगुडा केंजतिर. केंजसि किरिस्‍तुना लोकुल्‍क आयानाहाटीं ओनपोर्रो विस्वासम इर्तिट. अस्‍के पेन हीता पोल्‍ले परकारम पवित्र आत्माता सिक्‍का मीपोर्रो वाटमळ जर्गता.

इपीसि 3:20

इंदके पेन मना पिस्वरता लोप्पो दाना ताकत परकारम कबळ कीसेकेन मंता. इच्‍चोने आयो, मनम तल्‍कानदुंकन्‍ना, मनम विचारम कियानादानकन्‍ना एक्‍को, अद मनालोप्‍पो कबळ किय्‍या पर्रंता.

इपीसि 4:21

मिमेट निजमे किरिस्‍तुना बारेमता पोल्‍लें केंजतिर. अचोने आयाका येसुना बारेमता सत्‍तेमतुन, बल्हा मत्‍तद अल्हे करियतिर.

कुलुसि 1:5

मीवाहाटीं स्वर्गमते उंदि आसे इर्सि मंता इंचि, अदुना बारेमते मिमेट मुन्‍नेने बेसता कबुरता सत्‍तेम पोल्‍लेते केंजतिर.

1 तेसलोनि 5:8

गानि मनम पोद्‍दलतोरम आताहाटीं सांतिते मंदकोम. मना चातितुन कापाळना कच्‍चिता अंगिलेसीं विस्वासम आनि पावरमते ताककोम. मना तल्‍लक टोपिलेसीं मुक्‍तिता आसे इरकोम.

2 तिमोति 2:15

बस्‍केने सिग्गु होनाकोंटा, पेनदा पोल्‍लेता सत्‍तेमतुन बरोबर कराहनोनलेसीं पेन निल्‍हाता वरोर सेवाकुड आसि मनालय कोसिस कीम.

2 तिमोति 4:7

सामिना पोर्रोटा विस्वासम बारेमता लडाइते, नना लडाइ बेस कीतन, नना बेस वित्‍तुतन. नावा विस्वासमतुन नना कापाळकुत्‍तन.

इब्रि 2:4

अचोने आयका पेनगुडा चिन्‍हां, इचंत्रमता कबाह्‍क, तीराता अद्‍बूताल्‍क आनि पवित्र आत्माता वराल्‍क दाना इच्‍चा परकारम दाना बक्‍तुल्कुंक हीसि, ई मुक्‍तिता बारेमते गवाइ हीसेक मत्‍ता.

याकोब 1:18

ओर पुटिस्तवुन लोप्पो मोट्‍टा मोदाटा पलम मनमे आयागोम इत्‍ता ओना सतता इच्‍चातुन पीसि, सत्‍तेम पोल्‍लेताल मनाकुन पुटिस्तोर.