2 कुरेंति 6:6 - पवित्र पोल्‍ले

⁶ पवित्र मनमळते, तेल्‍विते, ओर्सकुनमळते, दयाते, पवित्र आत्माते, कपटम इर्राका पावरम कियमळते,

2 कुरेंति 6:6 Iomraidhean Croise

रोम सहरतोरहाटीं पौलुसना सिट्‍टि 12:9

लोकुल्‍कुंक हुप्‍सना इंचि पावरम कियमट, निजम पावरम कीम्‍टु. तप्पु कबाह्‍कुन हय्समट, बस्‍केळ्‍क बेस कबाह्‍क कीसेक मंटु.

1 कुरेंति 12:8

बल्हा इत्‍ते, अदे आत्माताहेंदाल वरोर बुद्‍दिता पोल्‍लें वेहंतोर, अदे आत्माताहेंदाल इंकावरोर तेल्‍विता पोल्‍लें वेहंतोर.

1 कुरेंति 13:4

पावरमते ओप्के मंता, दया मंता. पावरम इंकावरोन पोर्रो कळ्‍क पोत्‍ता हिय्यो, पावरम पोमाडेंगि किया हिय्यो, पेद्‍दिरकेम किया हिय्यो.

1 कुरेंति 2:16

इदुन बारेमते, “सामिना मनसु बोनकु तेळियंता, ओनकु बोर करहा परांतुर? गानि किरिस्‍तुना मनसु मनागा मंता, इंचि दर्मसास्‍त्रमते रासि मंता.”

1 कुरेंति 2:4

नावा वळ्‍कमळ आनि नना वेहता कबुर, नावा तेल्‍विता पोल्‍लेने मनाहिल्‍ले, गानि पेनदा आत्मा आनि ताकतते निंडसि मत्‍ता.

2 कुरेंति 1:23

मीकुन इंका नोप्‍पिचमळ नाक इस्‍टम हिल्‍ले, अदुनहाटीं नना इदवेरादाका मिहगा कुरेंति सहर वाया हिल्‍लेन. इद पोल्‍ले निजम इंचि ना मनसुन हूळना पेने गवाइ मंता.

2 कुरेंति 11:11

नना मिहगाटाल मदत एता हिल्‍लेन इत्‍ते, मीपोर्रो नाक पावरम हिल्‍ले इत्‍तापा बतल? असले आयो! मीकुन नना बच्‍चोन पावरम कींतन अद पेनदुक एरपाट.

2 कुरेंति 11:4

बारित्‍ते बोरन्‍नागिंटा मिहगा वासि, मोमोट वेहवासोंटा वेरे येसुना पोल्‍ले मीक वेहते, हिलाकोंटे बदन्‍ना मुन्‍ने मिहगा हिल्‍वसोंटा आत्मा दोर्कते, हिलाकोंटे इंका बदन्‍ना मुन्‍ने मिमेट ओप्‍कुन्‍वसोंटा बेसता कबुर वाते, अदुन मिमेट कुसिते ओप्‍कुंतिर.

2 कुरेंति 11:6

नना वळ्‍कमळते कमजोर मनिनागानि तेल्‍विते हिल्‍लेन. इदुन मोमोट अन्‍नि पोल्‍लेने, अन्‍नि तीरुकुने मीक हुपिस्‍तोम.

2 कुरेंति 12:15

नना मीवा आत्माता पायदाताहाटीं नना इरगा कुसिते कर्स कींतन, अवसरम अरते नना कुद्‍दु कर्स आंतन. नना मीकुन वेल्‍ले पावरम कींतन इंचि मिमेट नाकुन तक्‍को पावरम कींतिरा?

2 कुरेंति 13:10

अदुनहाटीं सामि मीकुन नासडेम कियालय आयो गानि, गट्‍टिगा निलाहलय नाक अदिकारम हीतोर. नना मिहगा वातस्के नावा अदिकारमते मीतोनि कडक वळ्कना वेला वायामन्‍नि इंचि, मिहागटाल लक्‍कु मनेंकेने इव पोल्‍लें रासेक मंतन.

2 कुरेंति 2:10

मिमेट बोनन्‍ना मापि कीते ओन ननागुडा मापि कींतन, नना बतलय्ते मापि कीतानो किरिस्‍तुना मुन्‍ने मीवाहाटीं मापि कीतन.

2 कुरेंति 2:4

नना नावा मनसुनाल वेल्‍ले दुक्‍कमते, बादाते अळसेके अद सिट्‍टि रासि मीक लोहतन. नना मीक दुक्‍कम कियालय आयो गानि मीवापोर्रो नावा पावरम बच्‍चो वेल्‍ले मंता, अद मीक तेळियगोम इंचि नना रासि मत्‍तन.

2 कुरेंति 3:3

निजमे, मिमेट माहेंदाल हीता किरिस्‍तुना सिट्‍टि आंदिर इंचि अंटोर्क दिस्सेक मंतिट. अद साइते आयो गानि जीवाते मंदना पेनदा आत्माते रासि मंता, अद पर्पु बंडनपोर्रो आयो गानि मनकना मनसुनपोर्रो रासि मंता.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

2 कुरेंति 7:2

मीवा मनसुने मावाहाटीं जेगा हीम्टु. मोमोट बोनतोने अन्‍यायम किया हिल्‍लोम, बोने बोंकिच्‍चा हिल्‍लोम, बोनाहेंदाल गलत पायदा एता हिल्‍लोम.

गलातिया 3:2

इंदके मिमेटे वेहाट, मूसाना नियम परकारम ताकताहेंका मीकु पवित्र आत्मा दोर्कतना मरि किरिस्‍तुना बारेमता बेसता कबुरपोर्रो विस्वासम इरताहेंकाना?

गलातिया 3:5

पेन मीकु दाना पवित्र आत्मातुन हीसि मीवा नड्‍डुम पेद्‍दा-पेद्‍दा अद्‍बूताल्‍क कींता. अद बल्हा? मिमेट मूसाना नियम परकारम पिस्संतिट इंचा? हिल्‍ले. मिमेट किरिस्‍तुना बारेमता बेसता कबुर केंजसि दानपोर्रो विस्वासम कीतिर इंचि अल्हा कींता.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

इपीसि 3:4

अदुन मिमेट हदुवकिर अस्‍के किरिस्‍तुना बारेमता आ मर्ममता पोल्‍लें नाक बल्हा तेळियतां इंचि मिमेट एरपाट कीकिट.

इपीसि 4:2

दीना अर्तम बतल इत्‍ते, मिमेट सादा सिंपल मनना, बोर बतल इनिनागानि ओप्के पीसि मनना, वरोंक-वरोर ओर्सकुंचेके पावरमते पिस्‍सट.

इपीसि 4:32

वरोनपोर्रो वरोंक जीवा नोसि बेस दया हुपिच्‍चेक, पेन बल्हा किरिस्‍तुनाहेंदाल मीवा तप्‍पुकुन मापि कीता, अल्हेन मिमेटगुडा वरोना तप्पुक वरोर मापि कीम्‍टु.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

कुलुसि 3:12

पेन मीकुन पवित्र आनि पावरमगल्‍ला लोकुल्‍कुनलेसीं पेर्कुत्‍ता. अदुनहाटीं दया कियमळते, पायदा कियमळते, सिन्‍नागासि मनमळते, सादा-सिंपल मनमळते ओप्के पीसि ताकट.

1 तेसलोनि 2:10

मी विस्वासुल्कुना नड्‍डुम मोमोट बल्हा पवित्रते, सत्‍तेमते, दोसेम हिलाकोंटा मत्‍तोम, इदुना मिमेटे गवाइ मंतिट, पेनगुडा गवाइ मंता.

1 तिमोति 4:12

नीवा लेय्यातनमहेंदाल बोरे नीकुन सिन्‍नगा हूळानायो. गानि वळ्कुमळते, ताकमळते, पावरम हूप्‍समळते, विस्वासमते, पवित्र मनमळते विस्वासुल्‍क नीकुन हूळसि करियगोम, अल्हा मन्‍नु.

1 तिमोति 5:2

अल्हेन पेद्‍दा वयम मुर्ताह्‍कुन यावह्क इन्कुंचि आनि सिन्‍ना वयम मुर्ताह्‍कुन हेलाह्क इन्कुंचि पुरागा पवित्र मंचेके अवुंक तेल्‍पिचि वेहा.

2 तिमोति 3:10

गानि निमे नावा कराहमळतुन, ताकमळतुन, नना पिस्सना उद्‍देसमतुन, विस्वासमतुन, ओप्केतुन, पावरमतुन, नावा दैरनेमतुन,

2 तिमोति 4:2

पेनदा पोल्‍लेतुन, टाइम दोर्किना दोर्काकोन्‍ना प्रचार कियालय तयार मन, अन्‍नि तीरकुना ओप्‍केते ओर्कु कराहसेके, दटांच्‍सेके तेळियागोट्‍सि वेहा.

तीतु 2:7

बेस कबाह्‍क कीसि निमे अन्‍नि पोल्‍लेने ओराहाटीं उंदि उदाहरनलेसीं मन्‍नु. नीवा कराहमळ सत्‍तेम आनि लोकुल्‍क बेस केंजनालायक मनगोम.

याकोब 3:17

गानि पोर्रोटाल वायाना तेल्वि अद मोदाला अय्ते पवित्र मनंता, आयंका सांति हियानद, सीदा-सादा गुनमतद, इंकावरोना पोल्‍ले केंजालय तयारते मनानद, दया आनि बेसता कबाह्‍क कियानद, अद बेदबाव कियवद, इमानदारते मनानद आंद.

1 पत्रु 1:12

इव पोल्‍लें ओरा पायदाताहाटीं आयों गानि मीवाहाटीं इंचि पेने ओर्क तेळियागोट्‍सि वेहचि हुपिस्‍ता. इदवेरादाका बदाय्ते बेसता कबुर वेहतुर, अद स्वर्गमताल लोहचीता पवित्र आत्माहेंदाले मीक वेहतुर. इव पोल्‍लेना बारेमते पेनदा दूतांगुडा बल्हा आंतानो इंचि हूळना इच्‍चाते मंतां.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

1 योहान 3:18

अदुनहाटीं नावा पिलाल्‍कुनिटा! मनम मना पावरम सिराप तोळ्‍दा पोल्‍लेनेन आयो गानि, सत्‍तेमते बेसता कबाह्‍क कीसि पावरम हुप्‍साना.