2 कुरेंति 6:5 - पवित्र पोल्‍ले

⁵ देब्बां तिनमळते, जेलते होनमळते, मावा विरोदमते लोल्‍लिं आयमळते, कस्‍टम कियमळते, निद्र हायमळते, उपासमते,

2 कुरेंति 6:5 Iomraidhean Croise

मत्‍तयाल 14:10

जेलते मत्‍ता योहानुन हव्‍किसि ओना तल्‍ला कोय्‍सि तायलय मनकन लोहतोर.

मत्‍तयाल 14:3

बारित्‍ते हेरोद राजाल ओना तम्मुर पिलिपुना मुत्‍तो हेरोदियान इरकुंचि मत्‍तोर अस्‍के, “नीवा तम्मुना मुत्‍तोन निमे निहगा इरमळ नियम परकारम बेस आयो,” इंचि योहान हेरोद राजांक वेहचि मत्‍तोर. अदुनहाटीं हेरोद राजाल योहानुंक बेडीं वाटसि ओन जेलने वाटतोर.

मत्‍तयाल 9:15

अस्‍के येसु ओर्क इल्‍हा वेहतोर, “मरमिन पेडल मरमिं वाता हेडमितोरतोनि मननेंके, ओर्कु दुक्‍कम आयाना अव्‍सरम मनंतना? मन्‍नो. गानि मरमिन पेडल ओरागटाल लक्‍कु आयाना रोजकु वायनुं, अस्‍के ओर ओक्‍कापोद्‍दु मनानुर.”

प्रेरितुल्‍कुना कबाह्‍क 13:3

अस्‍के ओर ओक्‍कापोद्‍दु मंचि पारतना कीसि ओरापोर्रो कय इरसि ओर्कुन लोहचीतुर.

प्रेरितुल्‍कुना कबाह्‍क 14:19

आयंका पीसिदियाता अंताकिया सहरताल, इकोनिया सहरताल इच्‍चुर यहुदिल्क वातुर. वासि लोकुल्‍कुन ओरा बाजुंक कीकुंचि, पौलुसुनपोर्रो बंडां हुक्‍तुर. ओर हातोर इनकुंचि ओन सहरता पलाते इग्‍गिस ओतुर.

प्रेरितुल्‍कुना कबाह्‍क 14:23

पजा ओर, अगाटा हरेक कलिसियाने पेद्‍दाल्कुन निलाहतुर. ओराहाटीं ओक्‍कापोद्‍दु मंचि पारतना कीसि, ओर बा सामिनपोर्रो अय्ते विस्वासम कीतुर, आ सामिंक अप्पजेपतुर.

प्रेरितुल्‍कुना कबाह्‍क 17:5

गानि यहुदिल्कुंक मात्रम मंटा अरसेक मत्‍ता. ओर इच्‍चुर बदमासुल्कुन जमा कीसि सहरते लोल्‍लिं कीतुर. बल्हा कीसन्‍ना गानि पौलुस, सिलासुन लोकुल्‍कुना मुन्‍ने तायागोम इंचि ओर यासोन इनानोना वरोन लोतपोर्रो होंचि अरतुर.

प्रेरितुल्‍कुना कबाह्‍क 20:31

अदुनहाटींगे मिमेट हुसारते मंटु. मूड वर्सनदाका वरो-वरोंकु, नर्का-पियल अळसि-अळसि जेगर्ता मननाहाटीं वेहमळते नना बस्‍केने पजोळ्क होना हिल्‍लेन इद मति इर्रट.

प्रेरितुल्‍कुना कबाह्‍क 23:10

इल्‍हा ओरा लोप्पो इच्‍चोर लोल्‍लिं आतां गदा, पौलुसुन हव्कानुर बारे इंचि सिपाइल्कुना अदिकारि वेरियतोर. पजा, “पौलुसुन ओरागटाल अलग कीसि किल्‍लाते पीसि ओम्ट,” इंचि सिपाइल्कुंक आदेस हीतोर.

प्रेरितुल्‍कुना कबाह्‍क 23:35

“नीवा पोर्रो तप्पु दोस्सानुर इगे वातारित्‍ते नीवा न्‍यायम कींतन,” इंचि ओर इत्‍तोर. पजा पौलुसुन, हेरोद राजाना किल्‍लाते मनना जेलने इर्सि, ओना पहारा कीम्‍टु, इंचि आदेस हीतोर.

प्रेरितुल्‍कुना कबाह्‍क 24:27

रोंडु वर्सां इल्हेने पेय्सि होत्‍तारित्‍ते पिलिक्‍सना जेगाते पुरकियुस पेसतुस पोरोलतोर राज्यपाल आतोर. पिलिक्‍स होनना वेलाते, यहुदिल्कुन कूस कियानाहाटीं पौलुसुन जेलतेन इरतोर.

प्रेरितुल्‍कुना कबाह्‍क 26:10

येरुसलेमते नना अल्हा कीतनगुडा. पेर्मालोरकुनाहेंदाल अदिकारम दोर्किच्‍कुंचि, वेल्‍लेटुर पेनदा लोकुल्‍कुन नना जेलने वाटतन. पेनदा लोकुल्‍कुन हव्कानेंके, हव्कट इंचि नना ओप्‍कुनुंदुन.

प्रेरितुल्‍कुना कबाह्‍क 26:29

अस्‍के “बिरानेन आयि, आल्‍सेमते आयि, सिराप निमेने आयो, इय्याला इग्‍गे केंजानोर अंटोर, इव बेडीं होळसि, कळमता अन्‍नि पोल्‍लेने नावालेसीं आयना इंचि पेनदुक पारतना कीसेक मंतन,” इंचि पौलुस इत्‍तोर.

प्रेरितुल्‍कुना कबाह्‍क 28:30

अगा किरायता लोते पौलुस पूरा रोंड वर्सनदाका मत्‍तोर. बोर कलियालय वायिनागानि ओर्कुन बेस हूळुंदुर.

प्रेरितुल्‍कुना कबाह्‍क 5:18

अदुनहाटीं प्रेरितुल्कुन पीसि जेलने वाटतुर.

1 कुरेंति 15:10

गानि इंदके बतलय्ते मंतानो, पेनदा कुर्पाहेंदाले मंतन. अद कुर्पा नाक एर्तम आयाहिल्‍ले. नना कळमता प्रेरितुल्‍कुंकन्‍ना एक्‍को कस्‍टम कीतन. अय्नागानि निजम इत्‍ते नना किया हिल्‍लेन, पेनदा कुर्पा नावातोनि मत्‍ता, अदे कीता.

1 कुरेंति 4:11

इदवेरादाका मोमोट कर्वुने-दूपाते मंतोम, केर्रालय कपळिं हिल्‍लें, देब्बां तिंचेके मंतोम, लोन-दारा हिलाका मंतोम.

1 कुरेंति 7:5

अदुनहाटीं मिमेट वरोंक-वरोर अलग मनमट. गानि कोन्‍नि रोजकु पारतना कियालय अलग मनकोम इंचि मिमेट इव्वुर इनकुत्‍ते, अलग मंटु. दाना पजा मर्रा कलियसि मंटु. बारित्‍ते, कुदता मनसुन आपकुना परवस्के देय्यम मीकुन पट्‍टुने अरहालय हूळंता.

2 कुरेंति 11:27

नना मेहनतते, कस्‍टमते मत्‍तन. बच्‍चुंगो मल्कां निद्र हिलाकोंटा मनमळते, कर्वुने-दूपाते, उपासम, पीनिते मत्‍तन, कपडिं हिलाका मत्‍तन.

इपीसि 3:1

मिमेट यहुदिल्क आयिर. अय्नागानि मीकु किरिस्‍तु येसुना बारेमता बेसता कबुर वेहताहाटीं नना पौलुस, जेलने बंद मंतन.

पिलिपिया 1:13

इल्‍हा जर्गताहेंकेन, किरिस्‍तुनाहाटींगे नाकुन जेलने वाटतुर इंचि राजवाडाते कावेल कियना अंटोर सिपाइल्कुंक आनि अगा मत्‍ता अंटोर लोकुल्‍कुंक तेळियसोत्‍ता.

1 तेसलोनि 2:9

विस्वासुल्‍कुनिटा! मावा कस्‍टम, तकलिप मीक मते मंदार. मोमोट मीक बोनके बर्वु आयामन्‍नि इंचि नर्का-पिय्यल कबळ कीतोम. अल्हा कीसेके पेनदा बेसता कबुर मीक वेहचि मत्‍तोम.

1 तिमोति 4:10

इदुनाहाटींगें मनम बागा कस्‍टपळसेके, पोराटम कीसेके मुन्‍नेळ्‍क ताकसेके मंतोम. बारित्‍ते मनम मना आसे, बस्‍केळ्‍क जीवाते मननद आनि अंटोर लोकुल्‍कुन कापाळना पेनदापोर्रो इरतोम, विसेस कीसि दान विस्वासम कियानोर्कुन पिसागोटना पेनदापोर्रो इरतोम.

2 तिमोति 1:8

अदुनहाटीं मना सामिना बारेमते आयि, ओनाहाटीं जेलने मनना नावा बारेमते आयि वेरेतोर्क गवाइ वेहालय बस्‍केने सिग्गु अरमा. दानकु बदुल, बेसता कबुरतुन वेहनाहाटीं पेन हीता बलमते निमे नातोनि तकलिप्क सहन कियालय तयार मन्‍नु.

2 तिमोति 2:9

इदे बेसता कबुर वेहताहाटीं नना जेलुंक होत्‍तन. वरोर तप्पु कीतोना कय्‍कुंक वाटताप नावा कय्‍कुंक बेडीं वाटतुर. गानि पेनदा पोल्‍ले मात्रम बेडिने दोह्‍चि हिल्‍ले.

2 तिमोति 4:5

गानि निमे बसोंटा परिस्तिति वायिना, पजोळ्क होनाकोंटा नित्‍तिसि मन. तकलिप्क वाते सहन कीम, बेसता कबुरतुन वेहाना नीवा कबळतुन कीसेके, निमे कियना पेनदा सेवाता कबळ पुरागा कीम.

इब्रि 11:36

इंकिच्‍चुर्कुन बारे कारेड्‍डाल्‍क कीसेके पोट्‍टेने तंतुर, इंका गोल्सुकुने दोह्‍चि जेलने वाटतुर.

इब्रि 13:17

मीवा पेद्‍दाल्क वेहताप मिमेट ताकट. ओर्कु लोंगिस मंटु. मीवा जीवाता कावेल कियमळे ओरा जिम्मेदारि आंद. ओर्कु मीवा बारेमते, पेनदागा लेक्‍का हिय्या पींता. ओर वेहताप मिमेट ताकते, ओरा कबळ ओर कुसिते कींतुर, हिलाकोंटे ओर दुक्‍कमते कबळ कींतुर. ओर दुक्‍कमते कबळ कियानय्ते मीकु बतल पायदा वायो.

इब्रि 13:23

मना तम्मुनसोंटा तिमोति जेलनाल पेय्सता पोल्‍लेतुन मिमेट तेल्‍पिचकुंटु. ओर ओक्‍कला नहगा बिराना वाते, नना ओनतोनि, मीकु कलियालय वांतन.

पेन हुपिस्‍ता पोल्‍लें 2:10

बव तिप्‍पल्‍क अय्ते नीकु वायानव मंतां अवुना बारेमते निमे वेरियमा. हुळाट! देय्यम मी अव्टेटाल इच्‍चुर लोकुल्‍कुन जेलने वाटंता, मीवा विस्वासमता परिक्‍सा एतालय अल्हा जर्गार. मीकु पदि रोजकु तिप्‍पल्‍क अर्रापींता. हायाना वेला वायिनागानि मिमेट विस्वासमते गट्‍टिगा मंटु. अस्‍के मीकु पिस्वरता किरिटम हींतन” इंचि इत्‍ता.