2 कुरेंति 6:4 - पवित्र पोल्‍ले

⁴ गानि अन्‍नि पोल्‍लेने मोमोट पेनदा बेसता सेवाकुल्‍कुम आंदुम इंचि हुपिच्‍चेक मंतोम. ओप्‍केते, बादाने, कस्‍टाल्‍कुने, तकलिपकुने,

2 कुरेंति 6:4 Iomraidhean Croise

लूकाल 21:19

पेनदापोर्रोटा विस्वासमते आकिरदाका निल्‍सि मत्‍ते, मिमेट मीवा जीवातुन कापाळकुना परांतिर.

योहान 16:33

नाहगटाल मीकु सांति दोर्कि, इंचि इव पोल्‍लें मीकु वेहतन. दुनियाते मीकु तिप्‍पल्‍क-कस्‍टाल्‍क वायनुं, गानि नना दुनियाता ताकततुन गेल्सतन, अदुनहाटीं मिमेट बेस दैरनेमते मंटु,” इंचि येसु वेहतोर.

प्रेरितुल्‍कुना कबाह्‍क 2:22

इस्राएल लोकुल्‍कुनिटा, इव पोल्‍लें केंजट. पेन नासरेत नाटेना येसुनाहेंदाल पेद्‍द-पेद्‍दा कबाह्‍क, इचंत्रमता कबाह्‍क आनि चिन्‍हां मीवा मुन्‍ने हुपिच्‍चि, पेन लोहतोर ईरे आंदुर इंचि रुजुव कीता, इद मीकु एरपाटे.

प्रेरितुल्‍कुना कबाह्‍क 20:34

नना नावा कय्‍कुनतोने कबळ कीसि नावा अवसराल्कु आनि नातोनि मत्‍ता नावा दंटागाह्कुना अवसराल्कु तीरस्‍ता संगति मीकु कुद एरपाटे मंता.

प्रेरितुल्‍कुना कबाह्‍क 9:16

नावा पोरोल एतानाहाटीं ओन्क बच्‍चोर कस्‍टाल्‍क अर्रा पींतानो नना कुद ओन्क हुप्‍संतन,” इंचि इत्‍तोर.

रोम सहरतोरहाटीं पौलुसना सिट्‍टि 14:18

इल्‍हा किरिस्‍तुना सेवा कीतोन पेन मेच्‍चुकुंता, लोकुल्‍कुना नड्‍डुमगुडा ओनकु कदर दोर्कंता.

रोम सहरतोरहाटीं पौलुसना सिट्‍टि 16:10

किरिस्‍तुनलोप्‍पो तकलिप वायिनागानि होळसाकोंटा इमानदारते मत्‍ता अपिलेस इनानोंक नावा जोहार. अरिस्‍तुबुलुसना लोतोर्कुंकगुडा जोहार वेहाट.

रोम सहरतोरहाटीं पौलुसना सिट्‍टि 3:5

मना तप्‍पुड कबाह्‍कुन हूळसि पेन बच्‍चोरो नीतिमंतुड इंचि एर्का आंता. इल्‍हा आतास्के पेन मनाकु सिक्‍सा हीसि अन्‍यायम कीसंता इंचि मनम इनकुना परंतोम. (इद नना मनकना विचारम मत्‍ताप वळ्‍कसंतन.)

रोम सहरतोरहाटीं पौलुसना सिट्‍टि 5:8

गानि मनम इंका पापमतेन मत्‍तोम, अस्‍केने किरिस्‍तु मनाहाटीं जीवा हीतोर. इदुना हेंदाल पेन मनापोर्रो बच्‍चोन पावरम कींता इंचि दिसंता.

1 कुरेंति 3:5

अप्‍पुलोस बोर आंदुर? नना पौलुसुन बोन आंदुन? मोमोट इव्वुरमगुडा पेनदा सेवाकुल्कुमे. पेन माक बतल अय्ते कबळ अप्पजेपता, अदुन वेहतोम, मिमेट विस्वासम कीतिर.

1 कुरेंति 4:1

अदुनहाटीं मोमोट किरिस्‍तुना सेवाकुल्‍कुम आनि पेनदा मर्ममता देकरेक कियानोरम आंदुम इंचि मीक तेळियमळ गावाले.

1 कुरेंति 9:11

मोमोट मीलोप्‍पो बेस आत्माता विज्‍जां वीततोम. अय्ते माक अव्‍सरम मत्‍तवुन मिमेट हीते, अवुन एतमळ बतल तप्पु आंदा? तप्पु आयो.

2 कुरेंति 11:23

ओर किरिस्‍तुना सेवाकुल्क आंदुरा? नना ओर्कन्‍ना एक्‍को किरिस्‍तुना सेवा कियानोन आंदुन इंचि पिस्‍सनलेसीं इंचेके मंतन. ओर्कन्‍ना एक्‍को कस्‍टम कीतन, ऊके-ऊके जेलुंक होनुंदुन, देब्बां तिनुंदुन, बच्‍चुंगो मल्कां हायाना वेला वासि मत्‍ता.

2 कुरेंति 11:27

नना मेहनतते, कस्‍टमते मत्‍तन. बच्‍चुंगो मल्कां निद्र हिलाकोंटा मनमळते, कर्वुने-दूपाते, उपासम, पीनिते मत्‍तन, कपडिं हिलाका मत्‍तन.

2 कुरेंति 11:9

नना मिहगा मत्‍तस्के, नावा अव्‍सराल्‍कुन पूरा कियालय बोनपोर्रो बर्वु आसि मना हिल्‍लेन. मेसिडोनिया एरियाताल वाता विस्वासि दादालोर नावा अव्‍सराल्‍कुन पूरा कीतुर. इदवेरादाका नना बदे पोल्‍लेते मीपोर्रो बर्वु आया हिल्‍लेन, इंका मुन्‍नेगुडा आयोन.

2 कुरेंति 12:10

नना कमजोर आतस्‍केने, किरिस्‍तुना लोप्पो गट्‍टिगा मनंतन. अदुनहाटीं कमजोर आयिना, अपमानम आयिना, कस्‍टम आयिना, सताव आयिना आनि आपत्‍तिं वायिना नना कुसिते मनंतन.

2 कुरेंति 12:12

मीवा नड्‍डुम नना ओप्‍केते मत्‍तन, नावाहेंदाल चिन्‍हां, इचंत्रमता कबाह्‍क, पेनदा पेद्‍द-पेद्‍दा कबाह्‍क जर्गताहाटीं ननागुडा निजम प्रेरितुने इंचि दिसंता.

2 कुरेंति 2:17

बोर अय्ते पेनदा पोल्‍लें वेहचि सतता पायदा कीकुंतुर, असंटा वेल्‍लेटोरव्टेटाल मोमोट हिल्‍लोम. गानि मोमोट सत्‍तेम मनसुने, किरिस्‍तुना अदिकारमते पेनदा पोल्‍लें वेहासेक मंतोम. माकुन लोहता पेन माकुन हूळसेक मंता इंचि माक एरपाट मंता.

2 कुरेंति 3:6

पेन माकुन पूना करारता सेवक आयाना लायकगुडा कीता. अद करार मूसाना नियमते रासि मत्‍ताप आयो गानि, पेनदा आत्माताहेंदाल मंता. मूसाना नियम हामुरतेके ओंता गानि पवित्र आत्मा पिस्वरताहेके ओंता.

2 कुरेंति 4:17

बारित्‍ते, माकु गळसेमताहाटीं वायाना तकलिपकु, मावाहाटीं मोमोट विचारम किय्‍योम अच्‍चोर अव्‍सरम आतव आनि बस्‍केळ्‍क मंदना महिमातुन तयार कींतां.

2 कुरेंति 4:2

सिग्गु होनानव आनि मक्‍किस कियाना कबाह्‍कुन मोमोट होळसीतोम. इंकावरोन दोका हियमळ आयि, पेनदा पोल्‍लेतुन उल्टा-पल्टा कीसि वेहमळ आयि इसोंटा कबाह्‍क किय्‍योम. गानि पेनदा मुन्‍ने सत्‍तेम पोल्‍लेतुन वेहाना हेंदाल, मोमोट बसंटोरम इंचि हरेक मनकंक ओरा मनसुने तेळियंता.

2 कुरेंति 4:8

माकु नालुं मूलानाल आपत्‍तिं अय्ते वांतां, गानि आपत्‍तिते अर्सि होन्‍नोम, वेल्‍लेने मल्कां गाबर आंतोम, गानि आसे हिल्‍वाप मन्‍नोम.

2 कुरेंति 7:11

निजम हूळते, पेनदाहेंदाल वाता दुक्‍कम बक्‍तिते मनालय मीकुन बच्‍चोनो बदलांचता. मीलोप्‍पो बच्‍चोनो जोस, सत्‍तेमतोरम इंचि हुपुसमळ, अन्‍यायमता विरोद कियमळ, वेर्रेते मनमळ, नाकु कलियानाहाटीं मीवा जीवा बागाने तन्‍लाळमळ, सेवाता इच्‍चा, तप्‍पु कीतोन सिक्‍सा कियमळ. इवन्‍नि पोल्‍लेने मीलोप्‍पो तप्‍पु हिल्‍ले इंचि मिमेट निजम कीसि हुपिस्‍तिर.

कुलुसि 1:11

दाना महिमाता अन्‍नि तीरकुना बलमतोनि मीकुन गट्‍टिगा कींता, अदुनहाटीं अन्‍नि तीरकुना ओप्के, ओर्सकुनमळ इद मीक आनंदमतोनि दोर्कंता.

कुलुसि 1:24

किरिस्‍तुना मेंदुलतसोंटा कलिसियाताहाटीं बवय्ते बादां तक्‍को मत्‍तां. अव बादन नावा मेंदुलताहेंदाल पूरा कीसेके मंतन, अदुनहाटीं इंदके मीवाहाटीं बवय्ते नावा दुक्‍काल्क मंतां अवुने नना आनंदमते मंतन.

1 तेसलोनि 3:7

अदुनहाटीं विस्वासुल्‍कुनिटा! मोमोट तकलिपते, दुक्‍कमते मनिनागानि मीवा विस्वासमताहेंदाल, मीवा बारेमते माकु सांति दोर्कता.

1 तेसलोनि 5:14

मावा विस्वासुल्‍कुनिटा! लंडोर्कुंक समजांचि वेहाट, वेरियानोर्कुंक दैरनेम हीम्टु, कमजोर मत्‍तोर्कुंक सहायम कीम्‍टु, अंटोरतोनि ओप्‍केते मंटु इंचि मोमोट मीक तेळियागोट्‍सि विनंति कीसेके मंतोम.

1 तिमोति 2:15

गानि अद ओक्‍कला विस्वासम, पावरम, पवित्र आनि ओप्‍केते पिलाल्क कंचेके तल्‍लुना जिम्मेदारिं पूरा कियानय्ते, दानकु तप्‍पाकोंटा मुक्‍ति दोर्कार.

1 तिमोति 4:6

ओक्‍कला निमे इव आदेसकुन विस्वासुल्कुंक कराहनय्ते, निमे विस्वासम कियना बव पोल्‍लें आनि सत्‍तेम बोदानापोर्रो ताकंतिनो अवुनहेंदाल बेरसता, येसु किरिस्‍तुना वरोर बेस सेवक आकिन.

1 तिमोति 6:11

गानि निमे पेनदा बक्‍ति कियाना मनकन आंदिन. इव अन्‍नि सेड्‍डातनाल्कुनाल लक्‍कु मंचेके नीतिते, बक्‍तिते, विस्वासमते, पावरमते, दैरनेमते आनि सादा-सिंपल पज्जो ताका.

2 तिमोति 1:8

अदुनहाटीं मना सामिना बारेमते आयि, ओनाहाटीं जेलने मनना नावा बारेमते आयि वेरेतोर्क गवाइ वेहालय बस्‍केने सिग्गु अरमा. दानकु बदुल, बेसता कबुरतुन वेहनाहाटीं पेन हीता बलमते निमे नातोनि तकलिप्क सहन कियालय तयार मन्‍नु.

2 तिमोति 2:24

इंका सामिना सेवाकुड बस्‍केने जगडम कियाकोंटा, अंटोरपोर्रो दया हुप्पिचानोर आयगोम, ओर कराहनालायक मनगोम, ओप्‍केते मनगोम.

2 तिमोति 4:5

गानि निमे बसोंटा परिस्तिति वायिना, पजोळ्क होनाकोंटा नित्‍तिसि मन. तकलिप्क वाते सहन कीम, बेसता कबुरतुन वेहाना नीवा कबळतुन कीसेके, निमे कियना पेनदा सेवाता कबळ पुरागा कीम.

इब्रि 12:1

इचोन मंदिता गवाइं, मब्बुनलेसीं मना सुट्‍टु आताप मंतां. अदुनहाटीं मनाकुन आपाना हरेक बर्वुन आनि अल्कगा पट्‍टुने अरहना पापमतुन होळसिसि, पेन मनाकु हुपिस्‍ता हरदे ओप्‍केते वितकोम.

पेन हुपिस्‍ता पोल्‍लें 1:9

नना योहानुन मीवा दादान आंदुन. येसु बोगांसता तिप्पल्कुने, राज्येमते आनि ओप्के पियमळते मीवातोनि दंटाते मंतन. नना पेनदा पोल्‍ले आनि येसुना बारेमते गवाइ वेहताहाटीं पतमोस इनना दीबेतगा बंद कीसि मंतन.

पेन हुपिस्‍ता पोल्‍लें 3:10

निमे ओप्के पीसि नावा पोल्‍लेते ताकतिन अल्हेन, केंजतिनगुडा. अदुनहाटीं ई दुनियाता लोकुल्‍कुना पट्‍टु हूळालय बतलय्ते परिक्‍सा वायाना मंता, अव्टेटाल नीकुन कापाळंतन.