2 कुरेंति 6:3 - पवित्र पोल्‍ले

³ मावा सेवाते बतले तप्पु जर्गामन्‍नि इंचि, बदे पोल्‍लेते इंकावरोंक अड्‍डम ताकोम.

2 कुरेंति 6:3 Iomraidhean Croise

मत्‍तयाल 17:27

अयना ओर्कुन नाराज कियामन्‍नि इंचि निमे गालम वाटालय होन्‍नु आनि मुन्‍ने अरता जिम्मातुन पीसि दाना तोळ्‍दुन पर्हा, पर्हातारित्‍ते उंदि कल्‍दार दोर्कार. अद ओसि नावा आनि नीवा पोरोलते कर दोहासि हीम.” इंचि इत्‍तोर.

मत्‍तयाल 18:6

गानि नापोर्रो विस्वासम कियना ई सिन्‍ना पेडानसंटोन बोरन्‍ना पापमते अरहते, ओना बोंळगेक जोत्‍ता बंडा दोहाचि ओन समुद्रमते लोतु एते ओसि मुळुहमळे बेस मनंता.

प्रेरितुल्‍कुना कबाह्‍क 19:27

दीनहेंदाल मना दंदाक मत्‍ता बेस पोरोल बदनाम आंता. मना पेद्‍दा पेन अर्तेमिना गुळिता इलवागुडा दांता. इचोने आयका सिराप आसिया एरियातेन आयो गानि पूरा दुनियाता अंटोर लोकुल्‍क मोळ्‍कनसोंटा ई पेनदुक मत्‍ता पेद्‍दातनमगुडा हिलाकोंटा आंता,” इंचि इत्‍तोर.

रोम सहरतोरहाटीं पौलुसना सिट्‍टि 14:13

इंदकेटाल मनम वरोना पोर्रो वरोर तप्पु दोस्‍सामन्‍नि. इच्‍चोरे आयाका, दंटाता विस्वासिन विस्वासमताल तप्‍पिच्‍चना कबाह्‍क, पापमते अरहना कबाह्‍क मिमेट कियमट, दीन मति इर्रट.

1 कुरेंति 9:12

वेरेतोर्क गिंटा मीपोर्रो अदिकारम मत्‍ते, दानकन्‍ना एक्‍को माक अदिकारम मनंता. गानि किरिस्‍तुना बेसता कबुरतुन वेहनेंके मावाहेंदाल बतले अड्‍डम वायामन्‍नि इंचि मोमोट आ अदिकारम एताका अन्‍नि सहन कीसेक मंतोम.

1 कुरेंति 9:22

विस्वासमते कमजोर मत्‍तोर्कुन किरिस्‍तुनगा तर्रालय, नना ओरालेसीं आतन. बल्हैना आयि इच्‍चुरन्‍ना पिसागोम इंचि, बोर बल्हा मंतुर, ननागुडा ओरालेसीं आतन.

2 कुरेंति 1:12

मोमोट दुनियाते मननेंके कास कीसि मीवा नड्‍डुम मननेंके, पेनदुक इस्‍टामाताप पवित्र आनि सत्‍तेमते मत्‍तोम, अद मनकना तेल्‍विते आयो गानि पेनदा कुर्पातोनि मत्‍तोम इंचि मावा मनसु गवाइ वेहासेक मंता. इद मावाहाटीं पेद्‍दिरकेमता पोल्‍ले आंद.

2 कुरेंति 8:20

ई जमा कीता चंदाता जिम्मेदारि मावा पोर्रो मत्‍ताहाटीं, माकुन बोरे तप्‍पु इनामन्‍नि इंचि उसारते ताकसेक मंतोम.