2 कुरेंति 6:10 - पवित्र पोल्‍ले

¹⁰ मोमोट दुक्‍कमतेगुडा बस्‍केळ्‍क आनंदमते मनंतोम, मोमोट गरिब मनिनागानि वेल्‍लेटोर्कुन पेनदा लोप्पो सिरमंतुल्‍क कींतोम. महगा बतल हिलाकोन्‍ना गानि अन्‍नि मत्‍तापे मंतोम.

2 कुरेंति 6:10 Iomraidhean Croise

मत्‍तयाल 5:12

मीकन्‍ना मुन्‍नेटा पेनदा कबुरतोर्कुनगुडा लोकुल्‍क इल्हेने तकलिप कीतुर. अदुनहाटीं मिमेट कुसिते मंटु, आनंदमते मंटु. स्वर्गमते मीकु पेद्‍दा इनाम दोर्कंता.”

मत्‍तयाल 5:4

दुक्‍कमते मत्‍तोर्कुंक पेन आसिर्वाद हींता, अद ओर्क दैरनेम हींता.

लूकाल 6:21

मिमेट बोर अय्ते इंदके कर्वुने मंतिट, पेन मीकु आसिर्वाद हींता, मीवा करवु सल्‍लारंता. बोर अय्ते इंदके अळसेके मंतिट, पेन मीकु आसिर्वाद हींता, वायना रोजकुने मिमेट कव्‍सेक मनंतिर.

योहान 16:22

इदगुडा अल्हेन! इंदके दुक्‍कम वांता, गानि नना मीकु मर्रा कलियंतन अस्‍के, मिमेट वेल्‍लेन कूस आकिर. अद कुसितुन मिहागटाल बोरे तेंडकुना परुर.

प्रेरितुल्‍कुना कबाह्‍क 16:25

नळजाम नर्काटा वेलाते पौलुस, सिलास पेनदा स्‍तुति पाटां पारसेके, पारतना कीसेक मत्‍तुर. जेलने मत्‍ता वेरेतोर केंजसेके मत्‍तुर.

प्रेरितुल्‍कुना कबाह्‍क 3:6

अस्‍के पत्रु, “नना अय्ते एंडि बंगाराल्क मत्‍तोन आयोन, गानि नहगा बतलय्ते मंतनो अदे नीकु हींतन, नासरेत नाटेना येसु किरिस्‍तुना पोरोलता बलमते नित्‍तिसि ताका,” इंचि इत्‍तोर.

प्रेरितुल्‍कुना कबाह्‍क 5:41

प्रेरितुल्कुन होळसीतस्के, येसुना पोरोलताहाटीं मोमोट देब्बां तित्‍तोम, इंचि बेस आनंदमते पंचादिताल पेय्सि होत्‍तुर.

रोम सहरतोरहाटीं पौलुसना सिट्‍टि 11:12

यहुदि लोकुल्‍क किरिस्‍तुन हय्सका पापम कीतुर अय्ते दुनियाते मनना वेरे जातितोर्क पेन वेल्‍लेन आसिर्वाद हीता. यहुदि लोकुल्‍कुंक नुकसान आताहेंका यहुदि आयवोर्क पायदा आता. इल्‍हा यहुदि लोकुल्‍कुंक नुकसान आताहेंकेन अंटोर्क पायदा आता अय्ते, मिमेटे विचारम कीम्‍टु, ओक्‍कला ओरगिंटा किरिस्‍तुनहेके पुरागा तिरियानय्ते दुनियाते मनना वेरे जातितोर्क बच्‍चोन वेल्‍ले आसिर्वाद दोर्कार!

रोम सहरतोरहाटीं पौलुसना सिट्‍टि 12:15

कुसिते मननोरतोनि मिमेटगुडा कुसिते मंटु, अळानोरतोनि मिमेटगुडा अळट.

रोम सहरतोरहाटीं पौलुसना सिट्‍टि 15:13

मिमेट विस्वासम कीताहाटीं, मीकु आसे हियना पेन अन्‍नि तीरकुना कुसि, सांति हियिकांटीं. इल्‍हा पवित्र आत्माता ताकतहेंदाल मीवा आसे बेरस्सेक होंदार.

रोम सहरतोरहाटीं पौलुसना सिट्‍टि 8:32

पेन दानकु मत्‍ता वरोर मर्रिनगुडा मनाहाटीं हीता. वरोरे मर्रि इंचि पज्जो-मुन्‍ने किया हिल्‍ले, अच्‍चोन बेस पेन आंदु. असोंटस्के दाना मर्रिनतोनि कळमातव अन्‍निगुडा मनाकु हिय्योना? तप्‍पाकोंटा हींता.

1 कुरेंति 1:5

किरिस्‍तुना गवाइ मीलोप्‍पो गट्‍टिगा मत्‍ता इंचि, मिमेट अन्‍नि तीरुकुने वळ्कुमळते आनि बुद्‍दिते निंडिस होत्‍तिर.

2 कुरेंति 2:4

नना नावा मनसुनाल वेल्‍ले दुक्‍कमते, बादाते अळसेके अद सिट्‍टि रासि मीक लोहतन. नना मीक दुक्‍कम कियालय आयो गानि मीवापोर्रो नावा पावरम बच्‍चो वेल्‍ले मंता, अद मीक तेळियगोम इंचि नना रासि मत्‍तन.

2 कुरेंति 4:15

पेनदा कुर्पा वेल्‍लेटुर लोकुल्‍कुनगा एवसि, दाना महिमा कियालय एक्‍कोते-एक्‍को दन्यवादाल्‍क वेहाना पारतनां बेर्सगोम इंचि इवन्‍नि मीवाहाटीं मंतां.

2 कुरेंति 4:7

मनालोप्‍पो मंदना इद वेल्‍गु पेद्‍दा दनमलेसीं मंता. गानि ई दनमतुन तोळिता अळकातसोंटा मना मेंदुल्कुने पेने इरता. इदुनहेंदाल ई वेहा परवच्‍चो ताकत मनद आयो गानि पेनदाहेंदाल मंता इंचि माकु तेळियंता.

2 कुरेंति 8:9

मना सामि येसु किरिस्‍तुना कुर्पा बच्‍चोर पेद्‍दादि मीक एरपाटे मंता. ओनगा अन्‍नि मंचिगुडा मीवाहाटीं गरिब आतोर. ओना गरिबतनमताहेंदाल मिमेट दनवंतुल्‍क आयना इंचि ओर अल्हा आतोर.

इपीसि 3:16

पेनबाबाल ओना वेल्‍लेन कदरगल्‍ला महिमाता दनमतुन पीसि, ओना आत्मातोनि मीवा पिस्वरतुन लोप्पोटाल इरगा गट्‍टिगा किय्‍यिर इंचि पारतना कीसंतन.

इपीसि 3:8

पवित्र लोकुल्‍कुना लोप्पो नना अंटोर्कन्‍ना सिन्‍नोन आंदुन. अयना पेन नापोर्रो कुर्पा कीता. अद बतल इत्‍ते, किरिस्‍तुनगा लेक्‍का हिलुवा आसिर्वादाल्‍क मंतां, अदुना बारेमते यहुदि आयवोरगा होंचि वेहना वरम पेन नाकु हीता.

पिलिपिया 2:17

पेनदा सेवा कियनाहाटीं मिमेट उंदि मोक्‍कुनलेह्का आसि वेल्‍लेन तिप्‍पल्‍क अरसंतिर. इदंता मीकु पेनदापोर्रो वेल्‍लेन विस्वासम मत्‍ताहेंका आसंता. अदुनहाटीं इसोंटा मीवा मोक्‍कुनतोनि नावा जीवा हीसि नेत्‍तुर वारागिच्‍चालयगुडा नना पजोळ्क होन्‍नोन, गानि वेल्‍लेन कूस मनंतन.

पिलिपिया 4:4

मिमेट सामिना लोप्पो बस्‍केळ्‍क कुसिते मंटु, नना मर्रा इदे पोल्‍ले वेहासेक मंतन मिमेट बेस कुसिते मंटु.

कुलुसि 1:24

किरिस्‍तुना मेंदुलतसोंटा कलिसियाताहाटीं बवय्ते बादां तक्‍को मत्‍तां. अव बादन नावा मेंदुलताहेंदाल पूरा कीसेके मंतन, अदुनहाटीं इंदके मीवाहाटीं बवय्ते नावा दुक्‍काल्क मंतां अवुने नना आनंदमते मंतन.

कुलुसि 3:16

किरिस्‍तुना पोल्‍ले मीलोप्‍पो निंडिसि मन्‍निकांटी, मिमेट पूरा तेल्‍विते वरोंक-वरोर करहट, तेळियागोट्‍सि वेहाटु, पेनदुक दन्यवाद कीसेके मना मनसुनाल बजनकु, कीर्तनकु, पाटां पारसेके होंटु.

1 तेसलोनि 1:6

मिमेट वेल्‍ले दुक्‍कमते मत्‍तस्केगुडा पवित्र आत्मा हियना कुसिते बेसता कबुरतुन केंजतिर. मिमेट मावालेसीं, सामिनलेसीं ताकालय सुरुव कीतिर.

1 तेसलोनि 5:16

बस्‍केळ्‍क कुसिते मंटु.

1 तिमोति 4:8

बारित्‍ते मेंदुलताहाटीं कियना टेरनिंगते गोडच्‍चेन पायदा मंता. गानि पेनदा बक्‍ति कीते, अव्टे अन्‍नि तीरकुना पायदा मंता. इंदकेटा पिस्वर आनि मुन्‍नेटा पिस्वरहाटीं पेन हीता पोल्‍ले अव्टे कलियसि मंता.

1 तिमोति 6:18

इचोने आयका इंका ओर्क आदेस हीम गदा, ओर बेस कबाह्‍क कीसेक मनना, बेस कबाह्‍क कीसे सिरमंत आयाना. मनागा मत्‍तदुनाल अव्‍सरम मत्‍तोंक, पंचि हियालय बस्‍केळ्‍क मनसुनाल तयार मनगोम.

इब्रि 10:34

अचोने आयका बेसता कबुर वेहताहाटीं जेलने अर्सि दुक्‍कमते मत्‍तोरा दुक्‍कमते मिमेट कलियतिर. मीवा संपत्‍तितुन दोसकुंचि ओयिना गानि मिमेट कुसिते मत्‍तिट. बारित्‍ते दोसकुंचि ओतादानकन्‍ना बेसतद, बस्‍केळ्‍क मनानद संपत्‍ति पेन मीहाटीं इरता इंचि मिमेट तेल्‍पिचकुत्‍तिर.

याकोब 2:5

नावा पावरमगल्‍ला विस्वासुल्‍कुनिटा! केंजाट, ई दुनियाते बोर अय्ते गरिब मंतुर ओर्कुन विस्वासमते दनवंतुल्‍क कींतन इंचि, आनि दान पावरम कीतोर्कुंक दाना राज्येमते वारसदार्क कींतन इंचि, मुन्‍नेने पोल्‍ले हीसि मत्‍ता, अद हियालय ओर्कुन पेरता.

पेन हुपिस्‍ता पोल्‍लें 2:9

“नीवा तिप्‍पल्‍क आनि गरिबतनम नाकु एरपाटे. (गानि निमे सिरमंतुने आंदिन) बोर अय्ते नीवा अपमानम कींतुर, मोमोट यहुदिल्क आंदुम इंचि इंतुर, गानि असल ओर आयुर. ओर देय्यमता दर्मसास्‍त्रम कराहना लोतुर आंदुर.

पेन हुपिस्‍ता पोल्‍लें 21:7

गेल्सानोर अंटोर इव अन्‍निटवुना वारसदार्क आंतुर. नना ओरा पेनदुन आंतन, ओर नावा पिलाल्क आंतुर.