2 कुरेंति 6:1 - पवित्र पोल्‍ले

¹ मोमोट पेनतोनि कलियसि कबळ कियानोर्कुम आताहाटीं मीक विनंति कीसेक मंतोम, मीक दोर्कता पेनदा कुर्पातुन एर्तम आया हियमटु.

2 कुरेंति 6:1 Iomraidhean Croise

मत्‍तयाल 23:37

ए येरुसलेमतोरिटा, ए येरुसलेमतोरिटा! मिमेट पेनदा कबुरतोर्कुन हव्‍कानोर आंदिर, इंका पेन मिहगा लोहचीतोर पोर्रो मिमेट बंडां हुक्‍कानोर आंदिर. कोर्रु दाना पीसेन रेक्‍काना हिळु बल्हा जमा कींतनो, अल्हेन ननागुडा मीवा पिलाल्कुन जमा कियना इंचि बच्‍चुंगो मल्कां कोरतन. गानि मिमेट मात्रम कोराहिल्‍लिर.

प्रेरितुल्‍कुना कबाह्‍क 11:23

ओर अगा होंचि अगाटा लोकुल्‍कुनपोर्रो पेनदा कुर्पा हूळसि इरगा कूस आतोर, सामिनतोनि बस्‍केळ्‍ताहाटीं पूरा मनसुनाल बेस विस्वासमते नित्‍तिसि मनना, इंचि ओर्क अंटोर्क दैरनेम हीतोर.

प्रेरितुल्‍कुना कबाह्‍क 14:3

अय्नागानि पौलुस आनि बरनाबास अगा वेल्‍लेने रोजकु आगिसि मत्‍तुर. सामिना कुर्पाता बारेमते वेरियाकोंटा वेहचेके मत्‍तुर. ओर वेहना पोल्‍लें निजम इंचि गवाइ हुप्‍सालय सामि ओरा कय्‍दाल चिन्‍हां, इचंत्रमता कबाह्‍क हुप्‍सुंदुर.

रोम सहरतोरहाटीं पौलुसना सिट्‍टि 12:1

अय्ते विस्वासुल्‍कुनिटा! पेन मनापोर्रो कीता दयातुन मति कीसि, नना मीकुन बतिमलाडसि विनंति कियानद बतल इत्‍ते, मिमेट मीवा पिस्वरतुन पवित्र इरसि, पेनदुक नच्‍चनसोंटा मोक्‍कु हीताप मी पिस्वरतुन जीवाते मननेंकेन अप्‍पजेप्‍पट. इल्‍हा कीतेन मिमेट पेनदा निजम सेवा कीसि तलस्कुत्‍ताप आंता.

1 कुरेंति 3:9

मोमोट पेनतोनि कलियसि कबळ कियानोर्कुम आंदुम, मिमेट पेनदा नेलितसंटोर, पेनदा लोतसंटोर आंदिर.

2 कुरेंति 10:1

नना पौलुसुन, मीवातोनि मननेंके सिन्‍नागासि मनंतन, गानि लक्‍कु मननेंके वेर्रे हिलाकोंटा मनंतन इंचि इच्‍चुर इंतुर. नना मीकु किरिस्‍तुना सादा-सिंपल आनि मेत्‍तटा गुनमता हेंदाल विनंति कीसेक मंतन,

गलातिया 2:21

पेनदा कुर्पातुन नना विलवा हिल्‍ले इंचेक हिल्‍लेन. गानि मूसाना नियम परकारम ताकसि मनकालोर नीतिमंतुल्क आयानय्ते मनाहाटीं येसु किरिस्‍तु हायना अव्‍सरम मनाहिल्‍ले मरि.

गलातिया 3:4

बेसता कबुरताहेंका मिमेट वेल्‍लेन तिप्‍पल्‍क अरतिर, अदंता एर्तमेना? नना मात्रम ओप्कुन्‍नोन.

1 तेसलोनि 3:5

अदुनहाटीं नना आगा पर्राहिल्‍लेन. पट्‍टु हूळानोर मीवा पट्‍टु हूळतोरा बतला, मोमोट कीता कस्‍टम एर्तम आताना बतला इंचि, मीवा विस्वासमतुन कन्कुनालय नना तिमोतिन लोहतन.

तीतु 2:11

बारित्‍ते अंटोर लोकुल्‍कुंक मुक्‍ति हियनाहाटीं पेन दाना कुर्पातुन हुपिस्‍ता.

इब्रि 12:15

पेनदा कुर्पाताल वरोरगुडा तप्‍सोनामन्‍नि इंचि जेगर्ता मंटु. अल्हा तप्‍सोंचि हेळतोर बोरन्‍ना मी नड्‍डुम मनानय्ते, ओर कळमातोर्कुन हेळाहचि, पेनदाल लक्‍कु कींतोर. इदुन जरा जेगर्ता हुळट.

इब्रि 12:25

इद दुनियाते, लोकुल्‍कुंक जेगर्ता मनालय पेन वेहतस्के, ओर पेनदा पोल्‍ले केंजा हिल्‍लुर. अदुनहाटीं ओर पेन हीता सिक्‍साताल तपिच्‍कुना पर्राहिल्‍लुर. अय्ते इंदके मनम स्वर्गमताल वेहनोना पोल्‍लेतुन केंजाकोंटे, पेन हिय्यना सिक्‍साताल बल्हा तपिच्‍कुना पर्रांतोम? अदुनहाटीं जरा जेगर्ता मंटु, बोर अय्ते वळ्‍कसंतोरो ओना पोल्‍लेन पास्काकोंटा, बेस केंजट.

इब्रि 4:1

आराम दोर्कना जेगाते होळियाना बारेमता पेन हीता पोल्‍ले, इदवेरदाकागुडा ताकसेके मंता. अद मना लोप्पोटाल बोनागटालन्‍ना तप्‍सोनामन्‍नि इंचि, मनम पेनदा वेर्रेते मंदकोम.

1 पत्रु 4:10

अंटोर्क वेरे-वेरे वरम दोर्कता, अदुनहाटीं वरोंक-वरोर सेवा कियालय पेनदा तीरतीराता कुर्पा दोर्कता बेसता दिवांजिनलेसीं अदुन वाळकुंटु.