2 कुरेंति 5:20 - पवित्र पोल्‍ले

²⁰ अदुनहाटीं मोमोट किरिस्‍तुना राजदूतकुम आंदुम. मावाहेंदाल पेन मीक वेहासेक मंता इनकुंटु. मिमेट पेनतोनि कलियसि मंदना इंचि किरिस्‍तुनाहेंदाल मोमोट मीक विनंति कीसेक मंतोम.

2 कुरेंति 5:20 Iomraidhean Croise

लूकाल 10:16

“सिस्युल्कुनिटा! बोर मीवा पोल्‍लें केंजंतोरो, ओर नावा पोल्‍लें केंजंतोर. बोर मीकुन हय्‍सोर ओर नाकुन हय्‍सोर. नाकुन हय्सवोर नाकुन लोहता पेनदुनगुडा हय्‍सोर,” इंचि येसु वेहातोर.

लूकाल 14:23

अस्‍के मालक दासुंक इल्‍हा वेहतोर. “निमे रोडकुन पीसि, हर्कुन पीसि होंचि लोकुल्‍कुन बतिमलाडसि पीसि वा. नावा लोन पुरागा निंडिसि मनगोम अचोने.

योहान 20:21

येसु मर्रा उंदि मल्का ओर्कुन, “मीकु सांति दोर्कि. बाबाल नाकुन ई दुनियाते लोहताप, ननागुडा मीकुन ई दुनियाते लोहंतन,” इंचि इत्‍तोर.

रोम सहरतोरहाटीं पौलुसना सिट्‍टि 5:10

उंदास्के मनम अंटोरम पेनदा पगातोरमे मत्‍तोम. अल्हा मननेंकेगुडा अद दाना मर्रिना जीवातुन हीसि मनाकुन दाना दग्गेर्क कीकुत्‍ता. इंदके अय्ते मनम पेनतोनि कलियसि मंतोम. अदुनहाटीं किरिस्‍तुना पिस्वरताहेंदाल अद मनाकुन आकिर सिक्‍साताल तप्‍पाकोंटा कापाळंता.

2 कुरेंति 12:10

नना कमजोर आतस्‍केने, किरिस्‍तुना लोप्पो गट्‍टिगा मनंतन. अदुनहाटीं कमजोर आयिना, अपमानम आयिना, कस्‍टम आयिना, सताव आयिना आनि आपत्‍तिं वायिना नना कुसिते मनंतन.

2 कुरेंति 3:6

पेन माकुन पूना करारता सेवक आयाना लायकगुडा कीता. अद करार मूसाना नियमते रासि मत्‍ताप आयो गानि, पेनदा आत्माताहेंदाल मंता. मूसाना नियम हामुरतेके ओंता गानि पवित्र आत्मा पिस्वरताहेके ओंता.

2 कुरेंति 5:11

पेनदुक वेरियसि बल्हा पिस्सना इद माक तेळियंता, अदुनहाटीं इदुन मोमोट लोकुल्‍कुंक वेहांतोम. मोमोट बसंटोरम इंचि मावा बारेमते पेनदुक पूरा एरपाटे. इव पोल्‍लें मीवा मनसुना लोप्‍पोगुडा एरपाट आता इंचि नावा आसे मंता.

2 कुरेंति 6:1

मोमोट पेनतोनि कलियसि कबळ कियानोर्कुम आताहाटीं मीक विनंति कीसेक मंतोम, मीक दोर्कता पेनदा कुर्पातुन एर्तम आया हियमटु.

इपीसि 6:20

दीनाहाटींगे नना कयकुंक बेडीं वाटसि मत्‍ता पेनदा कबुरतोन आतन. दीनहेंदाल नना बल्हा अय्ते वळ्‍कागोमो अल्हा वळकालय नाकु दैरनेम दोर्कानाहाटीं पारतना कीम्‍टु.

कुलुसि 1:20

क्रुसुनपोर्रो किरिस्‍तु पोंगागोटता नेत्‍तुरताहेंदाल, बूमिपोर्रो आनि स्वर्गमते मंदना अन्‍नि वस्‍तुकुन ओनतोनि कल्‍पिसि ओरा नड्‍डुम सांति मनागोम इंचि पेनदा इच्‍चा.

1 तेसलोनि 4:8

अदुनहाटीं बोर अय्ते इद पोल्‍लेतुन पास्कंतोर, ओर मनकन पास्‍कोर गानि मीक पवित्र आत्मा हियना पेनदुन पास्कंतोर.