2 कुरेंति 5:16 - पवित्र पोल्‍ले

¹⁶ अदुनहाटीं इंदके मोमोट मनकना विचारम मत्‍ताप हूळना आयो. मोमोट किरिस्‍तुनगुडा मनकना विचारम मत्‍ताप हूळसि मत्‍तोम, गानि इंदके ओन अलग नदरते हूळांतोम.

2 कुरेंति 5:16 Iomraidhean Croise

मत्‍तयाल 10:37

बोर अय्ते तल्‍लुर-बाबोन पोर्रो नाकन्‍ना एक्‍को पावरम कींतोर, ओर नावा सिस्युड आयनलायक हिल्‍लोर. बोर अय्ते मियाह्क-मर्कुन पोर्रो नाकन्‍ना एक्‍को पावरम कींतोर, ओरगुडा नावा सिस्युड आयनलायक हिल्‍लोर.

योहान 15:14

नना हियना आदेसकुनपोर्रो गिंटा मिमेट ताकानय्ते, मिमेट नावा दंटातोर आंदिर.

योहान 2:4

अस्‍के येसु, “यावा! निमे नाकु बारि वेहचंतिन? नना बतलन्‍ना कियना वेला इंका वाया हिल्‍ले,” इंचि इत्‍तोर.

योहान 6:63

मेंदुल पिस्वर हिया परो, दानकु बतल विलुवा हिल्‍ले. सिराप पेनदा आत्मे पिस्वर हींता. नना वेहना पोल्‍लेंगें आत्मा आनि पिस्वर आंद.

योहान 8:15

मिमेट मनकना बुद्‍दिते न्‍यायम कींतिर, गानि नना बोनदे न्‍यायम किय्योन.

2 कुरेंति 11:18

वेल्‍लेटुर लोकुल्‍क ओर कीता पोल्‍लेन पोर्रोटाल पेद्‍दिरकेम वेह्‍कुंतुर, ननागुडा अल्‍हेने वेहकुंतन.

गलातिया 5:6

येसु किरिस्‍तुनलोप्‍पो कतना किय्‍यिना, कतना कियाकोन्‍ना अद बाता कबळतद आयो, गानि पावरमते कबळ कियना विस्वासमे कबळतद आंद.

पिलिपिया 3:4

बोरन्‍नागिंटा सतता कबाह्कुनपोर्रो बरोसा इरसि पोंगसेके तिरियानय्ते, नावा कबाह्कुनपोर्रो बरोसा इरसि पोंगालय ओनकन्‍ना एक्‍को कारनाल्क नहगा मंतां.

कुलुसि 3:11

इवने युनानि आयिर, यहुदि आयिर, कतना कीतोर आयिर, कतना कियवोर आयिर, केडाते मनानोर आयिर, स्‍कूति जातितोर्क आयिर, दासुड आयिर, दासुड आयवोर आयिर ईरा लोप्पो बतल तेडा हिल्‍ले. किरिस्‍तु अन्‍निने, अंटोर लोप्पो मनंतोर.

याकोब 3:17

गानि पोर्रोटाल वायाना तेल्वि अद मोदाला अय्ते पवित्र मनंता, आयंका सांति हियानद, सीदा-सादा गुनमतद, इंकावरोना पोल्‍ले केंजालय तयारते मनानद, दया आनि बेसता कबाह्‍क कियानद, अद बेदबाव कियवद, इमानदारते मनानद आंद.