2 कुरेंति 5:14 - पवित्र पोल्‍ले

¹⁴ किरिस्‍तु अंटोराहाटीं हातोर इंचि मोमोट विस्वासम कींतोम. इंका मावा अंटोरा पळाना पिस्वरगुडा हाता इंचि विस्वासम कींतोम. अदुनहाटीं किरिस्‍तुना पावरम माकुन ओप्‍केते इरसेक मंता.

2 कुरेंति 5:14 Iomraidhean Croise

मत्‍तयाल 20:28

बारित्‍ते मनकना रूपमते पुटतोन नना, सेवा कियागोटकुनालय वाया हिल्‍लेन गानि वेरेतोरा सेवा कियालय आनि वेल्‍लेटोर्कुन पापमताल पेचाहलय, ओराहाटीं नावा जीवा हियालय वातन,” इत्‍तोर.

लूकाल 15:24

बारित्‍ते, नावा मर्रि नहागटाल वेल्‍लेन लक्‍कु होंचि हासोत्‍ताप मत्‍तोर, इंदके ओर मल्सि वातोर. तप्‍सोंचि मत्‍तोर गानि इंदके दोर्कतोर, इंचि इत्‍तोर. इल्‍हा ओर कूस आयालय दल्‍गुतुर.

लूकाल 15:32

गानि ईर नीवा तम्मुर वेल्‍लेन लक्‍कु होंचि हासोत्‍ताप मत्‍तोर, इंदके पिस्सि मल्सि वातोर. तप्‍सोंचि मत्‍तोर गानि इंदके दोर्कतोर. अदुनहाटीं मनम कूस आयमळ गावाले इत्‍तोर.” इल्‍हा वेहचि येसु वेसुडि वेहमळ महतोर.

लूकाल 24:29

अदुनहाटीं ओर ओन, “इंदके पोळ्‍द होत्‍ता, इय्याला निमे इगेन महगा आगा दादा!” इंचि वेल्‍लेन विनंति कीतुर. अस्‍के येसु ओरगा मननाहाटीं ओरतोनि लोप्पो होत्‍तोर.

योहान 1:29

इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

योहान 11:25

अद केंजसि येसु, “हातोर्कुन तेहानोन आनि पिस्वरतुन ननाने आंदुन. नापोर्रो विस्वासम कीतोर, हायिनागानि मर्रा जीवाते तेदांतुर.

योहान 5:25

नना निजम-निजम वेहासेक, हासोत्‍तोरगुडा पेनदा मर्रिना अल्किर केंजना वेला वासेक मंता. अद अय्ते वासे मंता. बोर अय्ते अद अल्किरतुन केंजांतुर, ओर्क पिस्वर दोर्कार.

प्रेरितुल्‍कुना कबाह्‍क 18:5

सिलास आनि तिमोति मेसिडोनिया एरियाताल वातस्के, पौलुस ओना पूरा वेला पेनदा पोल्‍लें कराहमळतेन तासुंदुर. इंका यहुदिल्कुनतोनि वळकिसि, येसे किरिस्‍तु आंदुर, इंचि वेहचि गवाइ हियुंदुर.

रोम सहरतोरहाटीं पौलुसना सिट्‍टि 2:2

इसोंटा तप्पु कबाह्‍क कियानोरद पेन सत्‍तेमते न्‍यायम कीसि, ओर्क दगता सिक्‍सा हींता, इंचि मनाकु एरपाटे.

रोम सहरतोरहाटीं पौलुसना सिट्‍टि 5:15

गानि पेनदा वरम आनि आदामुना पापम, इव रोंड पोल्‍लेन नड्‍डुम मात्रम वेल्‍लेन परक मंता. वरोर कीता पापमहेंदाल वेल्‍लेन मंदिक हामुर वाता. गानि दानकन्‍ना एक्‍को पेनदा वरम आनि कुर्पा मंता. ई कुर्पा येसु किरिस्‍तुनाहेंदाल वेल्‍लेन मंदिक दोर्कंता.

रोम सहरतोरहाटीं पौलुसना सिट्‍टि 6:13

मीवा मेंदुलतुन सेड्‍डा कबाह्‍क कियालय पापमता कय्‍दुक हियमट. अल्हा कियाकोंटा, “मनम हामुरताल जीवाते तेदतोरम,” इद पोल्‍लेतुन मति कीसि, मीपोर्रो पेनदुक अदिकारम हीम्टु आनि मीवा मेंदुलतुन नीति कबाह्‍क कियनाहाटीं पेनदुक अप्‍पजेप्‍पट.

रोम सहरतोरहाटीं पौलुसना सिट्‍टि 6:6

मना पडना पिस्वर येसुनतोनि क्रुसुनपोर्रो हाता, अदुनहाटीं पापमतोनि निंडिस मत्‍ता मना गुनम नासडेम आसि होत्‍ता. इंदके मनम पापमता अदिकारमते हिल्‍लोम इद मनाकु एरपाटे.

1 कुरेंति 16:22

बोरन्‍नागिंटा सामिन पावरम कियाकोंटा मत्‍ते, ओन्क सापनेम दल्‍गि. “मारानाता” इत्‍ते, मा सामि वा.

1 कुरेंति 2:14

बोनगा अय्ते पेनदा आत्मा हिल्‍ले ओर पेनदा आत्माता पोल्‍लेन ओप्‍कुन्‍नोर. ओनकु अव मुर्क पोल्‍लें अनपिच्‍चंतां. बारित्‍ते अव पोल्‍लें पेनदा आत्मातेने तेळिया परांतां, अदुनहाटीं ओनकु तेळिया पर्रों.

2 कुरेंति 3:7

पर्पु बंडनपोर्रो पेन दाना नियमकुन रासि मूसांक हीता, अस्‍के अवुन ओर इस्राएल लोकुल्‍कुंक हियनेंके ओना मोकम पेनदा महिमाता वेल्‍गुने निंडिसि मत्‍ता. गानि अद वेल्‍गु तक्‍को आयानेंकेगुडा ओर ओना मोकमतुन हूळा पर्राहिल्‍लुर. इल्‍हा हामुरताहेके ओयाना मूसाना नियमता महिमाता वेल्‍गु इच्‍चोर मत्‍ता अय्ते, पेनदा आत्माता महिमाता वेल्‍गु इंका बच्‍चोर पेद्‍दा मनंता.

2 कुरेंति 3:9

बारित्‍ते सिक्‍साहेके ओयाना मूसाना नियमे अच्‍चोर महिमाता वेल्‍गुने मत्‍ता, अय्ते मनकालोर्कुन नीतिमंतुल्क कियाना नियमते दानकन्‍ना इंका बच्‍चोर महिमाता वेल्‍गु मंदार.

गलातिया 2:20

नाकुन किरिस्‍तुनतोनि क्रुसुनपोर्रो वेलाड वाटमळ जर्गता इत्‍ते, इंदके नावा पळाना पिस्वर हासोत्‍ता. गानि नावा लोप्पो किरिस्‍तु जीवाते मंतोर. इंदके नावा ई मेंदुलते मनना जीवा, नाकुन बच्‍चोनो पावरम कीसि नावाहाटीं ओना जीवातुन हीता पेनदा मर्रिनपोर्रो नना विस्वासम कीताहेंका दोर्कतद आंद.

इपीसि 6:24

मना सामि येसु किरिस्‍तुन बोर अय्ते आगाकोंटा पावरम कींतुर, ओर अंटोरतोनि पेनदा कुर्पा हमेसा मन्‍निकांटी.

कुलुसि 2:13

मिमेट तप्‍पु कबाह्‍क कीतिर, यहुदि आयवोर मत्‍तिर, अदुनहाटीं आत्माते हासि मत्‍तिर. गानि पेन मना अन्‍नि पापाल्कुन मापि कीसि किरिस्‍तुनतोनि मीकुन जीवाते तेहता.

1 तिमोति 2:6

अंटोर लोकुल्‍कुंक मुक्‍ति अस्सि हियनाहाटीं ओर सततुन कुदुवा इरसि ओनद ओर अप्पजेपकुत्‍तोर. मंचि वेलापोर्रो ओना गवाइ हीतोर.

1 तिमोति 5:6

गानि बद मुरतळ अय्ते सिराप सुकमता आसेते पिसंता, अद मुरतळ पिस्सि मंचिगुडा हाता लेक्‍कातेन वांता.

तीतु 3:3

मुन्‍ने मनमगुडा तेल्वि तक्‍कोतोरम, बोरदे पोल्‍ले केंजवोरम, वेरेतोरा पोल्‍लेने मुळ्‍गुतोरम, वेरे-वेरे इच्‍चां आनि सुकाल्कुना गुलामगिरि कीसेके मत्‍तोम. इंका होंगु-पगाते निंडिस मत्‍ता पिस्वर पिसुंदुम, कळकु पोत्‍तुमळ, वेरेतोर मनाकुन हय्साकोंदुर, मनमगुडा वरोंक-वरोर हय्साकोंदुम.

इब्रि 2:9

अयना जेरासेपताहाटीं पेनदा दूतांकन्‍ना सिन्‍नागासि मत्‍ता येसुन मनम हूळसंतोम. पेनदा कुर्पाहेंदाल अंटोर मनकालोरहाटीं ओर ओना जीवातुन हीसि हामुरता रुसि हूळतोर. हामुरतुन सहन कीताहाटीं पेन ओन्क पेद्‍दातनम आनि कदरता किरिटम केराहता.

इब्रि 6:10

बारित्‍ते, पेन अन्‍यायम कियानद आयो. दाना पोरोलते मिमेट कियाना बेस कबाह्‍कुन, दाना पवित्र लोकुल्‍कुनपोर्रो मिमेट हुपिस्‍ता पावरमतुन आनि कीसेके मनना सहायमतुन अद बस्‍केने मति मर्गो.

1 पत्रु 1:8

मिमेट येसुन हूळाकोन्‍ना गानि पावरम कींतिट; इंदके ओर दिसाकोन्‍ना ओन विस्वासम कीसि, पोल्‍लेने वेहा परवच्‍चोन आनंदमते आनि महिमाते निंडिस मंतिर.

1 योहान 5:19

मनाकु एरपाट मनम पेनदा हेंदोरम आंदुम. पूरा दुनिया आ देय्यम कय्‍दे मंता.