2 कुरेंति 5:11 - पवित्र पोल्‍ले

¹¹ पेनदुक वेरियसि बल्हा पिस्सना इद माक तेळियंता, अदुनहाटीं इदुन मोमोट लोकुल्‍कुंक वेहांतोम. मोमोट बसंटोरम इंचि मावा बारेमते पेनदुक पूरा एरपाटे. इव पोल्‍लें मीवा मनसुना लोप्‍पोगुडा एरपाट आता इंचि नावा आसे मंता.

2 कुरेंति 5:11 Iomraidhean Croise

मत्‍तयाल 10:28

बोर अय्ते मीवा मेंदुल्तुन हव्का परांतुर गानि मी आत्मातुन हव्का परुर ओर्क मिमेट वेरियमट. गानि बोर अय्ते मेंदुल्तुन आनि आत्मातुन नरकमते वाट्‍सि नासडेम किया परांतोर ओन्‍के वेरियट.

मत्‍तयाल 25:46

पजा “ई सेड्‍डा लोकुल्‍कुंक मारवा सिक्‍सा आंता. नीतिमंतुल्‍कुंक बारे बस्‍केळ्‍क पिस्सना पिस्वर दोर्कंता,” इंचि येसु इत्‍तोर.

लूकाल 12:5

मिमेट बोर्कु वेरियगोमो नना वेहांतन. मीकुन हव्कुतंका नरकमते वाटना अदिकारम बोन्क अय्ते मंतानो, मिमेट ओन्‍के वेरियट. नना वेहनद इदे.”

लूकाल 16:31

अस्‍के अब्राहाम, मूसाल रासता नियमकु, पेनदा कबुरतोर रासता पोल्‍लेन बोर अय्ते केंजुर, ओर्कु वेहालय हाता मनकल जीवा अरसि होंचि वेहाना गानि ओर केंजुर,” इंचि ओन इत्‍तोर.

प्रेरितुल्‍कुना कबाह्‍क 13:43

वेल्‍लेटुर यहुदिल्कु अल्‍हेने यहुदि जातिते वाता वेरे जातितोर, पौलुस, बरनाबासुना पज्जो होत्‍तुर. ओर, लोकुल्‍कुनतोनि वळकसेके, “बस्‍केळ्‍क पेनदा कुर्पाते मंटु,” इंचि ओर्कु वेहतुर.

प्रेरितुल्‍कुना कबाह्‍क 18:4

ओर हरेक नोमकेम रोजुननाड यहुदिल्कुना दर्मसास्‍त्रम कराहना लोहकुने होंचि युनानि, यहुदि लोकुल्‍कुनतोनि चर्चा कीसि ओर्कु बेस तेळियागोट्‍सि वेहुंदुर.

प्रेरितुल्‍कुना कबाह्‍क 19:26

ई पौलुस इपीसि सहरता आनि दग्‍गेर-दग्‍गेरा पूरा आसिया एरियाता लोकुल्‍कुंक, ‘मनकल कीता पेनकु निजम पेनकु आयों,’ इंचि ओर्क एकरेवुल्क वेहसेक ओर्कुन बदलांचतोर. इद संगतितुन मिमेट हूळतिर आनि केंजतिर गुडा.

प्रेरितुल्‍कुना कबाह्‍क 26:26

ई पोल्‍लें मूलाते मक्‍किसि कीतव आयों. इवन्‍नि पोल्‍लें अग्रिपा राजांक बेस तेळियसे मंतां, इंचि नाकु विस्वासम मंता. अदुनहाटीं वेरियाकोंटा ओना मुन्‍ने वळ्कसेक मंतन.

प्रेरितुल्‍कुना कबाह्‍क 28:23

अस्‍के ओनतोनि कलियालय उंदि रोजु पक्‍का कीतुर. पक्‍का कीता रोजुने ओर आगसि मत्‍ता लोतगा यहुदिल्कु वेल्‍लेटुर जमा आतुर. पौलुस हक्‍केटाल अय्ते पोळ्‍द होननदाका पेनदा राज्येम बारेमते ओर्कु गवाइ वेहतोर. अल्‍हेने मूसाना नियमताल आनि पेनदा कबुरतोर रासता पुस्तकाल्कुनाल येसुना बारेमते ओर्कु तेळियागोट्‍सि वेहतोर.

2 कुरेंति 2:17

बोर अय्ते पेनदा पोल्‍लें वेहचि सतता पायदा कीकुंतुर, असंटा वेल्‍लेटोरव्टेटाल मोमोट हिल्‍लोम. गानि मोमोट सत्‍तेम मनसुने, किरिस्‍तुना अदिकारमते पेनदा पोल्‍लें वेहासेक मंतोम. माकुन लोहता पेन माकुन हूळसेक मंता इंचि माक एरपाट मंता.

2 कुरेंति 5:20

अदुनहाटीं मोमोट किरिस्‍तुना राजदूतकुम आंदुम. मावाहेंदाल पेन मीक वेहासेक मंता इनकुंटु. मिमेट पेनतोनि कलियसि मंदना इंचि किरिस्‍तुनाहेंदाल मोमोट मीक विनंति कीसेक मंतोम.

2 कुरेंति 6:1

मोमोट पेनतोनि कलियसि कबळ कियानोर्कुम आताहाटीं मीक विनंति कीसेक मंतोम, मीक दोर्कता पेनदा कुर्पातुन एर्तम आया हियमटु.

गलातिया 1:10

अय्ते नना इंदके लोकुल्‍क नाकुन मेच्‍चुकुनगोम इंचि हूळसंतना मरि पेनदा आसिर्वाद दोर्कगोम इंचि हूळसंतना? हिलाकोंटे लोकुल्‍कुन कूस कियानसंटोना? ओक्‍कला नना लोकुल्‍कुन कूस कियानसंटोन आसि मत्‍ते किरिस्‍तुना सेवाकुन आयाकोन्‍नेन.

इपीसि 5:21

मनसुने किरिस्‍तुना वेर्रे इर्सि वरोंक-वरोर लोंगिस मंटु.

इब्रि 10:31

जीवाते मंदना पेनदा कय्‍दे दोर्कना सिक्‍सा इत्‍ते, इरगेन वेरियानाल मनंता.

इब्रि 12:29

बारित्‍ते, मना पेन, बूळ्‍दि कीसि पोहना तळमिलेसींटद आंदु.

यहुदा 1:23

तळमिताल इग्‍गिस पिस्‍सागोटताप इच्‍चुर्कुन पिस्‍सागोटट आनि वेल्‍लेटोरा पोर्रो वेर्रेतोनि मिमेट दया कीम्‍टु. गानि मेंदुल्ते कियाना पापाल्कुन मिमेट हय्समट.

पेन हुपिस्‍ता पोल्‍लें 20:15

पिस्वरता पुस्तकमते बोरा-बोरा पोरोलीं अय्ते रासि मना हिल्‍लेंगों, ओर्कुन अंटोर्कुन तळमिता सेरवुने वाटमळ जर्गता.