2 कुरेंति 4:5 - पवित्र पोल्‍ले

⁵ अदुनहाटीं येसु किरिस्‍तु सामि आंदुर, ओनाहेंदाले मोमोट मी सेवाकुल्‍कुम आंदुम इंचि प्रचार कींतोम, गानि मावा बारेमते मोमोट प्रचार कीकुन्‍नोम.

2 कुरेंति 4:5 Iomraidhean Croise

मत्‍तयाल 23:8

गानि मिमेट अंटोर दादालोर-तम्मुह्‍क आंदिर, मीवा अंटोरा गुरु वरोरे. अदुनहाटीं मिमेट मीकुन “गुरु” इंचि इनागोटकुन्‍मटु.

मत्‍तयाल 3:11

मिमेट मीवा मनसु मार्सकुत्‍ताहाटीं नना मीकु एते मुळ्‍हाचि बापतिस्मा हीसेक मंतन. गानि नाकन्‍ना सक्‍तिमंतुड नावा पज्जोटाल वासंतोर. ओना हेरपुह्कुन इटाना लायकगुडा नना हिल्‍लेन. ओरे मीकु पवित्र आत्माते आनि तडमिते बापतिस्मा हींतोर.

योहान 7:18

बोर अय्ते ओना सतता पोल्‍लें कराहंतोरो, ओर ओना पोरोल्तुने पेद्‍दा कियालय हूळांतोर. गानि बोर अय्ते ओन लोहतोन्कु कदर दोर्कना इंचि इनकुंतोरो, ओर सत्‍तेम मनकल आंदुर, ओनगा बतले आबद्‍दम हिल्‍ले.

प्रेरितुल्‍कुना कबाह्‍क 10:36

येसु किरिस्‍तु अंटोरा सामि आंदुर. ओनहेंदाल पेन दाना सांतिता बेसता कबुर इस्राएलता लोकुल्‍कुंक हीता, अद कबुर इदे आंदु.

प्रेरितुल्‍कुना कबाह्‍क 2:36

“अदुनहाटीं इस्राएलता अंटोर लोकुल्‍क बेस एरपाट कीकुनना पोल्‍ले बतल इत्‍ते मिमेट बा येसुन अय्ते क्रुस पोर्रो मोल्‍लां कोहकिस हव्कतिरो, पेन ओन सामि आनि किरिस्‍तु कीता,” इंचि पत्रु वेहतोर.

प्रेरितुल्‍कुना कबाह्‍क 5:31

हामुरताल तेहचि ओने पेन, राजाल आनि पिसागोटनोर इंचि निलाहता. मावा इस्राएलता दादालोर्कुंक मनसु मार्सकुनालय, पापाल्कुनाल मापि कियालय पेनदा तिना बाजुंक ओन कदर हीसि उपिस्ता.

1 कुरेंति 1:23

गानि मोमोट अय्ते क्रुसुनपोर्रो हाता किरिस्‍तुना पोल्‍लें वेहंतोम. इद यहुदिल्कुंक विस्वासम किया परवसोंटा पोल्‍ले आंद. आनि यहुदि आयवोर्कुंक मुर्कतनमतसोंटा पोल्‍ले आंद.

1 कुरेंति 10:33

ननागुडा ओर पिसागोम इंचि, नावा पाय्दा हूळाका, वेल्‍लेटुर लोकुल्‍कुना पाय्दाताहाटीं, अन्‍नि पोल्‍लेने अंटोर्कुन कूस इरंतन. बारित्‍ते ओर्क मुक्‍ति दोर्कगोम.

1 कुरेंति 12:3

अदुनहाटीं पेनदा आत्माते वळ्कानोर बोरे आयिर, “येसु सापनेम दल्‍गतोर आंदुर,” इंचि इन्‍नुर. अल्‍हेने पवित्र आत्माते ताकवोर बोरे आयिर, “येसु सामि आंदुर,” इंचि इन्‍नुर.

1 कुरेंति 15:47

मोदाटा मनकल बूमिता तोळिते तयार आतोर, गानि पजाटाल वायाना मनकल स्वर्गमताल वातोर.

1 कुरेंति 2:2

गानि नना मीवा नड्‍डुम मननेंके क्रुसुंक वेलाड वाटता येसु किरिस्‍तु आयाका इंका वेरे बद्‍दे पोल्‍ले वळ्‍कोन इंचि निरनायम कीसि मत्‍तन.

1 कुरेंति 4:15

मिहगा किरिस्‍तुना बारेमते कराहनोर पदि वेय्‍कुना गुरुल्क मंदानुर, गानि मिहगा वेल्‍लेटुर बाबुर हिल्‍लुर. बारित्‍ते मुन्‍ने ननाने किरिस्‍तु येसुना बेसता कबुर तत्‍तन, अदुन मिमेट विस्वासम कीतिर इंचि ननाने मीवा बाबोनसंटोन आंदुन.

2 कुरेंति 1:19

बारित्‍ते, नना, सिल्‍वानुस आनि तिमोति मोमोट मीवा नड्‍डुम पेनदा मर्रि येसु किरिस्‍तु आंदुर इंचि वेहतोम. येसु किरिस्‍तु “हो, हिल्‍ले” इल्‍हा रोंडु पोल्‍लें वळ्‍कोर गानि ओर बस्‍केळ्‍क “हो” इंचे इंतोर.

2 कुरेंति 1:24

मीवा विस्वासम पोर्रो अदिकारम हुप्‍सना इंचि मोमोट वेहासेक हिल्‍लोम, मिमेट विस्वासमते गट्‍टिगा निल्‍सि मंतिट, मीवा आनंदमते मोमोटगुडा मीवा तोळ मनंतोम.

गलातिया 5:13

गानि विस्वासुल्‍कुनिटा! पेन मीकुन नियमकुना लोप्पोटाल इळबळिस्ता. अदुनहाटीं नना वेहासेक मंतन, मिमेट मीवा पापि विचाराल्कुन पूरा कियालय मीकु विचारम वाताप ताकानायो गानि पावरमते वरोंक-वरोर सहायम कीसेक मंदना.

पिलिपिया 1:15

अव्टेटाल इच्‍चुर कळ्‍क पोत्‍सि, नावा पोर्रोटा पगा तीरिचकुनालय किरिस्‍तुना बारेमते वेहचंतुर, इंका इच्‍चुर बारे बेस उद्‍देसमते वेहचंतुर.

पिलिपिया 2:11

इंका “येसु किरिस्‍ते सामि आंदुर,” इंचि हरेक नाल्के ओप्कुनगोम. इल्‍हा पेनबाबांक कदर दोर्कना इंचि अल्हा कीता.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.

तीतु 1:11

ईरकुन वळ्‍काकोंटा कियमळे गावाले. बारित्‍ते ईर लोकुल्‍क, बव पोल्‍लें अय्ते कराहना आयनो, अव पोल्‍लें कराहचि तप्‍पुड कमाइ कियनाहाटीं अन्‍नि कुटुंबाल्कुनंता पाळ कींतुर.

2 पत्रु 2:3

आबद्‍दम कराहनोर, आस्तिताहाटीं तिय्यटा पोल्‍लें वेह्‍चि मीकुन ओरा पायदाहाटीं वाळकुंतुर. ओर्क हीता सिक्‍साता आदेस मुन्‍नेटाल मंता, ओरा नासडेम कूर्कसेके हिल्‍ले.