2 कुरेंति 4:4 - पवित्र पोल्‍ले

⁴ किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

2 कुरेंति 4:4 Iomraidhean Croise

मत्‍तयाल 13:22

बोर अय्ते पेनदा पोल्‍लेतुन केंजांतोर गानि सम्‍सारमता रंदि, दनमता आस्‍ति, इसोंटा विचाराल्क ओर केंजता पोल्‍लेतुन ओनालोप्‍पो बेर्सा हिय्यों. अस्‍के अद पोल्‍लेताल बतल पायदा आयो. असंटोर इत्‍ते, विज्‍जां अरता हाह्कुना पोदाना जेगातसंटोर आंदुर.

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 1:18

पेनदुन बस्‍केने बोरे हूळा हिल्‍लुर. गानि पेनबाबाना संकाते मनना ओना वरोरे मर्रि, ओरे मनाकु ओन हुपिस्तोर.

योहान 12:31

इंदके इद दुनियाता न्‍यायम कियना वेला एवता. इद दुनियापोर्रो राज्येम कियना अदिकारिन पलाते पेचाहचि गेदमना वेला इंदके वाता.

योहान 12:35

अस्‍के येसु, “वेलगु मीतोनि इंका जेरासेप मनंता. हीकट मीकुन मुच्‍चका मुन्‍नेन, वेलगुने मिमेट ताकसेके मंटु. बारित्‍ते हीकटते ताकानोर, ओर बगा दांतोर ओनद ओन्‍के तेळियो.

योहान 12:40

“ओर ओरा कळ्‍कुन दिसाकोंटा कीतोर आनि ओरा मनसुन बंद कीतोर. अदुनहाटीं ओर कळ्‍कुने हूळा परसेक हिल्‍लुर, मनसुनाल ओर्क तेळियसेक हिल्‍ले. दीनहेंदाल ओर नाहेके तिरियुर, नना ओर्कुन बेस किय्योन.”

योहान 12:45

अल्हेन बोर अय्ते नाकुन हूळांतोर, ओर नाकुन लोहचीतोनगुडा हूळांतोर.

योहान 14:30

इंका मीतोनि एक्‍को वळ्‍कोन. बारित्‍ते दुनियापोर्रो राज्येम एलाना अदिकारि वासेकेन मंतोर. वासि अयना नावापोर्रो ओन्क बतले अदिकारम हिल्‍ले.

योहान 15:24

वेरे बोर किया हिल्‍लोर असोंटा, अद्‍बूतामाता कबाह्‍क नना कियाकोंटा मंचि मत्‍ते, ओरपोर्रो पापम मना कोनवळ. गानि इंदके ओर नना कीता अद्‍बूतामाता कबाह्‍कुन हूळसिगुडा, नाकुन, नावा बाबान हय्सेक हिल्‍लुर.

योहान 16:11

इंका इद दुनियापोर्रो राज्येम एलाना अदिकारिना न्‍यायम अय्ते मुन्‍नेन आसि मंता. अदुनहाटीं सहायम कियानोर न्‍यायमता बारेमते लोकुल्‍कुंक तेळियागोट्‍सि वेहंतोर.

योहान 8:12

पजा येसु, “नना दुनियातोराहाटीं वेलगु आंदुन. बोर अय्ते नावा पज्जो ताकंतोर, ओनगा पिस्वरताहेके ओयना वेळसि मनंता, अदुनहाटीं ओर बस्‍केने हीकटते ताकोर,” इंचि वेहतोर.

प्रेरितुल्‍कुना कबाह्‍क 26:18

ओर्कुन हीकटताल वेल्‍गुनहेके, देय्यमता अदिकारमताल पेनदाहेके तिरियना हर्रि हुप्‍सालय नीकुन लोहसेक मंतन. ओर अल्हा तिरियते, ओरा पापाल्क मापि आंतां, अल्‍हेने नापोर्रो बोर अय्ते विस्वासम कीसि पवित्र आतुरो, ओरतोनि ओर्कु वारसाहक्‍क दोर्कार,” इंचि येसु नाकु वेहतोर.

प्रेरितुल्‍कुना कबाह्‍क 26:23

अव पोल्‍लें बव इत्‍ते, किरिस्‍तुंकु तकलिप्‍कु बोगांचा पींता आनि हातोरा लोप्पोटाल ओरे मोदाला मर्रा जीवाते तेदसि, यहुदिल्कुंक, यहुदि आयवोर्कुंक वेलगुना बारेमता पोल्‍लें वेहंतोर, इंचि पौलुस इत्‍तोर.

1 कुरेंति 10:20

इच्‍चोरे गदा, बोम्मांक मोळ्‍कानोर, देय्याल्‍कुंक मोळ्कसेक गानि पेनदुक आयो. अदुनहाटीं मिमेट देय्याल्कुनतोनि पोत्‍तु आयमळ नाक इस्‍टम हिल्‍ले.

2 कुरेंति 2:11

मापि कियाकोंटे देय्यम बस्‍केनना तकलिप हिय्या परांता. बारित्‍ते दाना गुनम बसोंटदो मनक एरपाटे मंता.

2 कुरेंति 2:12

नना बस्के अय्ते किरिस्‍तुना बारेमता बेसता कबुर वेहालय त्रोआस सहरते होत्‍तनो, अस्‍के सामिनाहेंदाल नाकु हर्रि पुटता.

2 कुरेंति 3:11

तक्‍को आसेके होनानदुना महिमाता वेल्‍गु इच्‍चोन मत्‍ते, इंका बस्‍केळ्‍क मनानदुना महिमाता वेल्‍गु बच्‍चोन वेल्‍ले मंदार!

2 कुरेंति 3:14

इस्राएल लोकुल्‍कुना मनसुक गट्‍टिगा आसि होत्‍तां. इव रोजकुनेगुडा बस्के अय्ते ओर पळाना नियम हदवंतुर, अस्‍के अदे मुस्‍कु ओरा मनसुन मुच्‍चंता. सिराप किरिस्‍तुनपोर्रो विस्वासम इरते, किरिस्‍तुए ओरा मुस्‍कुन तेंडा परांतोर.

2 कुरेंति 3:18

मनम अंटोरम अद मुस्‍कुन तेंडसि पोहतोम, इंदके अद्‍दमते हूळताप सामिना महिमाता वेल्‍गुन हूळसेक मंतोम. ओना आत्मा मनालोप्‍पो मत्‍ताहाटीं ओनालेसींगे मनम मारियसेके मंतोम.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

गलातिया 1:4

मनम मनना ई पापि दुनियाताल मनाकुन पिसागोटना इंचि मना पेनबाबाना इच्‍चा मत्‍ता. अदुनहाटीं येसु किरिस्‍तु मनाहाटीं ओना जीवा हीसि पेनबाबाना इच्‍चातुन पूरा कीतोर.

इपीसि 2:2

मिमेट मुन्‍ने इद दुनियातोर ताकाना रीति-रिवाजकुन पीसि ताकिंदिर. पोर्रो वळिते तिरियना देय्याल्कुना मुक्‍यल बल्हा ताकिस्‍ते अल्हा ताकिंदिर. इंदकेळ्‍कगुडा पेनदा पोल्‍ले परकारम ताकवोर लोप्पो अद आत्मा कबळ कीसेके मंता.

इपीसि 6:12

मना लडाइ मनकालोरा विरोदमते आयका, हीकट राज्येमतुन ताकसानोरा विरोदमते, हीकट राज्येमता अदिकारिल्कुना विरोदमते, हीकट राज्येमते मनना सक्‍तिना विरोदमते आनि मब्बुने दिस्‍सना दुस्‍ट सक्‍तिना विरोदमते मंता.

पिलिपिया 2:6

ओर अय्ते कुद्‍दु पेने आंदुर, अयना पेनदालेसीं मनना विचारमगुडा किया हिल्‍लोर.

कुलुसि 1:15

ओर दिस्‍सवसोंटा पेनदा रूपम आंदुर, ओर दुनिया पुट्‍टका मुन्‍नेटाले मत्‍ताहाटीं, दुनियाते पुटतवुने अन्‍निनपोर्रो पेद्‍दोड आंदुर.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

1 तिमोति 1:11

तल्‍सकुननालायक पेनदाहेंदाल वाता महिमामय बेसता कबुरतुन नना कराहना इंचि नाकु अप्पजेपमळ जर्गता.

तीतु 2:13

अचोने आयका मना कदरगल्‍ला पेन आनि मनाकु मुक्‍ति हियना येसु किरिस्‍तु ओना महिमाते वांतोर इत्‍ता आ सक्‍कटा आसेतुन मनम एदुर हूळसेक मंदना इंचेकगुडा कराहंता.

इब्रि 1:3

आ मर्रि पेनदा महिमाता वेलगु आंदुर. इंका पेनदा गुनम आनि मर्रिना गुनम उंदेतीर मंता. मर्रि ओना बलमगल्‍ला पोल्‍लेने ई दुनियातुन ताकिच्‍चेके मंतोर. ओर मना पापाल्कुनंता नोर्सि मनाकुन पवित्र कीतोर. पजा एत्‍तुने स्वर्गमते मंदना अन्‍निटकन्‍ना पेद्‍दा पेनदा तिना बाजुंक होंचि उदतोर.

इब्रि 6:4

बोर अय्ते पेनदुन विस्वासम कीसि पजा आ विस्वासमताल पजोळ्क आंतुर, ओर्कुन मनम बल्हा मर्रा मलाहकोम? बारित्‍ते ओर्क अय्ते ओरा पिस्वरते उंदि मल्का वेल्‍गु दोर्किस मत्‍ता,

2 पत्रु 1:19

मनाकु पेनदा कबुरतोरा पोल्‍लेपोर्रो एक्‍को बरोसा अनपिस्ता. अद पोल्‍ले हीकटते एलगना वेळसिलेसीं दिसंता. अदुनहाटीं पंगातारित्‍ते हक्‍केटा सुक्‍का मीवा मनसुने एलगनदाका आ पोल्‍ले परकारम ताकते मीके बेस.

1 योहान 2:11

गानि बोर अय्ते ओना दादन हय्‍सोर, ओर हीकटते मंतोर. हीकटतेन पिस्सेक मंतोर. हीकटहाटीं ओना कळ्‍कु दिस्‍साकोंटा आताहाटीं, ओर बेके होंचंतोरो ओनद ओन्‍के तेळियो.

1 योहान 2:8

अयना नना उंदि पूना आदेसतुन मीकु रासेक मंतन. इद किरिस्‍तुना लोप्पो, मीलोप्‍पो सत्‍तेमते मंता. बारित्‍ते हीकट माय्‍सि होनालय आसंता, सत्‍तेमता वेलगु अय्ते मेर्सेकेन मंता.

1 योहान 5:19

मनाकु एरपाट मनम पेनदा हेंदोरम आंदुम. पूरा दुनिया आ देय्यम कय्‍दे मंता.