2 कुरेंति 4:2 - पवित्र पोल्‍ले

² सिग्गु होनानव आनि मक्‍किस कियाना कबाह्‍कुन मोमोट होळसीतोम. इंकावरोन दोका हियमळ आयि, पेनदा पोल्‍लेतुन उल्टा-पल्टा कीसि वेहमळ आयि इसोंटा कबाह्‍क किय्‍योम. गानि पेनदा मुन्‍ने सत्‍तेम पोल्‍लेतुन वेहाना हेंदाल, मोमोट बसंटोरम इंचि हरेक मनकंक ओरा मनसुने तेळियंता.

2 कुरेंति 4:2 Iomraidhean Croise

रोम सहरतोरहाटीं पौलुसना सिट्‍टि 1:16

विस्वासम कियना अंटोर्कुंक, इत्‍ते मुन्‍ने यहुदिल्कुंक पजा युनानि लोकुल्‍कुंक मुक्‍ति हियालय ई बेसता कबुरते पेनदा ताकत मंता. अदुनहाटीं नना पेनदा बेसता कबुर वेहालय सिग्गु अर्रोन.

रोम सहरतोरहाटीं पौलुसना सिट्‍टि 6:21

अयना मिमेट कीता कबाह्कुनाहाटीं इंदके मीकु सिग्गु वासंता. मिमेट अव कीतस्‍के मीकु बतल इनाम दोर्कता? अव कबाह्‍कुनाहेंदाल सिराप हामुरे दोर्कुंदु.

1 कुरेंति 4:5

अदुनहाटीं न्‍यायम कियाना वेला वायाका मुन्‍ने बोने न्‍यायम कियमट, सामि वायानाल एदुर हुळाट. ओर हीकटते मक्‍किस मत्‍ता पोल्‍लेन वेल्‍गुने तरंतोर, मनसुने मत्‍तवुन पलाते अरहंतोर. अस्‍के पेन अंटोर्कुन मिमेट बेस कीतिट इंचि मेच्‍चुकुंता.

2 कुरेंति 1:12

मोमोट दुनियाते मननेंके कास कीसि मीवा नड्‍डुम मननेंके, पेनदुक इस्‍टामाताप पवित्र आनि सत्‍तेमते मत्‍तोम, अद मनकना तेल्‍विते आयो गानि पेनदा कुर्पातोनि मत्‍तोम इंचि मावा मनसु गवाइ वेहासेक मंता. इद मावाहाटीं पेद्‍दिरकेमता पोल्‍ले आंद.

2 कुरेंति 11:3

गानि तरास चालाकिते हव्‍वान पसांचतापे, किरिस्‍तुनतोनि इमानदार, पवित्र मंदना मीवा मनसुनगुडा लक्‍कु किय्‍यार इंचि नना वेरियंतन.

2 कुरेंति 11:6

नना वळ्‍कमळते कमजोर मनिनागानि तेल्‍विते हिल्‍लेन. इदुन मोमोट अन्‍नि पोल्‍लेने, अन्‍नि तीरुकुने मीक हुपिस्‍तोम.

2 कुरेंति 2:17

बोर अय्ते पेनदा पोल्‍लें वेहचि सतता पायदा कीकुंतुर, असंटा वेल्‍लेटोरव्टेटाल मोमोट हिल्‍लोम. गानि मोमोट सत्‍तेम मनसुने, किरिस्‍तुना अदिकारमते पेनदा पोल्‍लें वेहासेक मंतोम. माकुन लोहता पेन माकुन हूळसेक मंता इंचि माक एरपाट मंता.

2 कुरेंति 5:11

पेनदुक वेरियसि बल्हा पिस्सना इद माक तेळियंता, अदुनहाटीं इदुन मोमोट लोकुल्‍कुंक वेहांतोम. मोमोट बसंटोरम इंचि मावा बारेमते पेनदुक पूरा एरपाटे. इव पोल्‍लें मीवा मनसुना लोप्‍पोगुडा एरपाट आता इंचि नावा आसे मंता.

2 कुरेंति 6:8

इंकावरोर माकुन कदर हिय्‍यिना-हिय्याकोन्‍ना, बेसतोर इन्‍निना-इन्‍नाकोन्‍ना, माकुन नळेह कियानोर इंचि इंतुर गानि मोमोट सत्‍तेमतोर्कुम आंदुम.

2 कुरेंति 7:14

नना ओनतोनि मीवा बारेमते पेद्‍दिरकेम वेहकुत्‍तन. मोमोट मीक वेहतव अन्‍नि पोल्‍लें निजमे आंदुं. अदुनहाटीं तीतुना मुन्‍ने नावा पेद्‍दिरकेम निजम कीसि हुपिस्‍तिर, नाकुन सिग्गु होननाल किया हिल्‍लिर.

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

इपीसि 5:12

बारित्‍ते मक्‍किस कियना ओरा कबाह्‍कुना बारेमते वळ्‍कमळगुडा पेद्‍दा सिगलसेटे आंदु.