2 कुरेंति 4:17 - पवित्र पोल्‍ले

¹⁷ बारित्‍ते, माकु गळसेमताहाटीं वायाना तकलिपकु, मावाहाटीं मोमोट विचारम किय्‍योम अच्‍चोर अव्‍सरम आतव आनि बस्‍केळ्‍क मंदना महिमातुन तयार कींतां.

2 कुरेंति 4:17 Iomraidhean Croise

मत्‍तयाल 5:12

मीकन्‍ना मुन्‍नेटा पेनदा कबुरतोर्कुनगुडा लोकुल्‍क इल्हेने तकलिप कीतुर. अदुनहाटीं मिमेट कुसिते मंटु, आनंदमते मंटु. स्वर्गमते मीकु पेद्‍दा इनाम दोर्कंता.”

लूकाल 6:23

ओरा एनकटा पेद्‍दाल्कगुडा मीकन्‍ना मुन्‍नेटा पेनदा कबुरतोर्कुन, इल्हेने तकलिप कीतुर. अदुनहाटीं हुळाट! मीक तकलिप वातस्के, मिमेट कुसिते एगरट, स्वर्गमते मीकु पेद्‍दा इनाम मंता.” इंचि इत्‍तोर.

प्रेरितुल्‍कुना कबाह्‍क 20:23

उंदि पोल्‍ले मात्रम नाकु एरपाट मंता. अद बतल इत्‍ते, अन्‍नि सहरकुने जेल, कस्‍टाल्‍क नावाहाटीं एदुर हूळसंतां इंचि पवित्र आत्मा नाकु वेहासेक मंता.

रोम सहरतोरहाटीं पौलुसना सिट्‍टि 2:7

बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

रोम सहरतोरहाटीं पौलुसना सिट्‍टि 8:18

नना मीकु इद बारि वेहचंतन इत्‍ते, मनाकु इंदके तकलिपकु, दुक्‍काल्क वांतंगे, गानि वायाना कालमते पेन दाना महिमाता वेलगुन हीसि बच्‍चोन मनाकु कदर हिय्यार, दाना मति कीते इंदकेटा तकलिपकु बग्‍गेन दल्‍गों इंचि नना इनकुंचंतन.

रोम सहरतोरहाटीं पौलुसना सिट्‍टि 8:34

अय्ते मरि मनाकु सिक्‍सा तप्‍पो इंचि बोर इना परांतुर? सिराप पेने इना परंता. गानि येसु किरिस्‍तु मनाहाटीं हातोर अस्‍के पेने ओन मर्रा जीवाते तेहाचि दाना तिना बाजुंक उपिस्ता. इंदके ओर अगा मनाहाटीं पेनतोनि विनंति कीसंतोर.

रोम सहरतोरहाटीं पौलुसना सिट्‍टि 8:37

इवन्‍नि तकलिप वायिनागानि, मनाकुन पावरम कियना किरिस्‍तु मनातोनि मत्‍ताहेंका मनमे गेल्संतोम.

1 कुरेंति 2:9

गानि दर्मसास्‍त्रमते, “कळ्‍कुने बोरे हूळवव, केव्‍कुने बोरे केंजवव, बोरा मनसुने वायवव पोल्‍लें, दानपोर्रो पावरम कियानोराहाटीं पेन तयार कीसि इर्ता,” इंचि रासि मंता.

2 कुरेंति 3:18

मनम अंटोरम अद मुस्‍कुन तेंडसि पोहतोम, इंदके अद्‍दमते हूळताप सामिना महिमाता वेल्‍गुन हूळसेक मंतोम. ओना आत्मा मनालोप्‍पो मत्‍ताहाटीं ओनालेसींगे मनम मारियसेके मंतोम.

पिलिपिया 1:19

बारित्‍ते मीवा पारतनां अल्हेन येसु किरिस्‍तुना आत्माता सहायमतोनि नाकु वायना ई कस्‍टाल्के नाकुन तप्‍पाकोंटा पलाते पेच्‍हंतां इंचि नाकु एरपाट मंता.

2 तेसलोनि 1:4

अचोने आयाका मिमेट तकलिपकुन, बादन ओप्के पीसि पेनदा लोप्पो गट्‍टिगा विस्वासमते निल्‍सि मंतिर. अदुनहाटीं मोमोट मीवा बारेमते पेनदा कलिसियाने पेद्‍दातनम वेहकुंचेके मंतोम.

2 तेसलोनि 1:6

बोर अय्ते मीकुन तकलिप कींतुर, दानकु बदुल पेन ओर्क तकलिप हियमळ न्‍यायमे आंद.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.

याकोब 1:12

बोर अय्ते परिक्‍सां वातस्के अवुन ओर्सकुंतोर, ओर आसिर्वाद दोर्कतोर आंदुर. बारित्‍ते परिक्‍साने गट्‍टिगा नित्‍तिसि मंचि बोर अय्ते पेनदुन पावरम कींतोर, ओनकु पिस्वरता किरिटम हींतन इंचि पेन पोल्‍ले हीसि मत्‍ता, अद ओनकु हिय्यार.

1 पत्रु 4:7

इंदके दुनियाते मनना अन्‍निटवुना आकिर रोजकु दग्‍गेरा एवतां. अदुनहाटीं मिमेट पारतना कियानेंके बेस विचारमते, तेल्‍विते मंटु.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.

1 योहान 3:2

नावा पावरमगल्‍लोरिटा! इंदके मनम पेनदा पिलाल्‍कुम आंदुम. गानि वायाना कालमते मनम बल्हा बतल मनंतोम इत्‍तद, इंका तेळिया हिल्‍ले. अय्नागानि, किरिस्‍तु मर्रा मल्सि वायानुर अस्‍के, ओर बल्हा मंतोर अल्हे ओन मनम हूळांतोम. अस्‍के मनमगुडा ओनालेसींगे मनंतोम इंचि माकु एरपाट मंता.

यहुदा 1:24

पेन मीकुन तप्‍पुळ बोदानाल हिळु अर्राकोंटा कापाळसि, दाना महिमाता मुन्‍ने आनंदमते आनि दोसेम हिलाकोंटा निल्‍हा परांता,