2 कुरेंति 3:7 - पवित्र पोल्‍ले

^7-8 पर्पु बंडनपोर्रो पेन दाना नियमकुन रासि मूसांक हीता, अस्‍के अवुन ओर इस्राएल लोकुल्‍कुंक हियनेंके ओना मोकम पेनदा महिमाता वेल्‍गुने निंडिसि मत्‍ता. गानि अद वेल्‍गु तक्‍को आयानेंकेगुडा ओर ओना मोकमतुन हूळा पर्राहिल्‍लुर. इल्‍हा हामुरताहेके ओयाना मूसाना नियमता महिमाता वेल्‍गु इच्‍चोर मत्‍ता अय्ते, पेनदा आत्माता महिमाता वेल्‍गु इंका बच्‍चोर पेद्‍दा मनंता.

2 कुरेंति 3:7 Iomraidhean Croise

प्रेरितुल्‍कुना कबाह्‍क 6:15

अस्‍के अगा पंचादिते उद्‍दिस मत्‍ता अंटोर लोकुल्‍क स्‍टिपनुनहेके बागा हूळतुर. अय्ते ओर्कु स्‍टिपनुना मोकम पेनदा दूताता मोकमलेह्का दिसता.

रोम सहरतोरहाटीं पौलुसना सिट्‍टि 10:4

गानि येसुनपोर्रो विस्वासम कियानोर अंटोर नीतिमंतुल्क आयानाहाटीं किरिस्‍तु मूसाना नियमता आकिरि आंदुर.

रोम सहरतोरहाटीं पौलुसना सिट्‍टि 4:15

पेन नियमकु हीतस्के अवुन पीसि ताका पींता. ताकाकोंटे पेन सिक्‍सा हींता. गानि नियमकु हिलाकोंटे अवुन नेम्‍हना सवालगुडा वायो.

रोम सहरतोरहाटीं पौलुसना सिट्‍टि 5:20

लोकुल्‍क बल्हा इरगा पापम कीसेक होंचंतुर अदुन ओर्क हुप्‍सनाहाटीं मूसाना नियम वाता. गानि लोकुल्‍क बच्‍चोन वेल्‍ले पापम कीसेक होत्‍तुर अचोने वेल्‍ले कुर्पा पेन कीसेक होत्‍ता.

रोम सहरतोरहाटीं पौलुसना सिट्‍टि 7:10

बद आदेस अय्ते नाकु पिस्वर हियानद मत्‍ता, अदे आदेस नाकु हामुर हीता.

रोम सहरतोरहाटीं पौलुसना सिट्‍टि 7:22

पेन हीता नियमते नावा मनसु वेल्‍लेन कूस मंता.

रोम सहरतोरहाटीं पौलुसना सिट्‍टि 7:5

मुन्‍ने मनम मना इस्‍ट परकारम ताकुंदुम अस्‍के मना मेंदुलतुन मनालोप्‍पो मत्‍ता पापि आसें वाळकुनुंदुं, मूसाना नियम मनाकु तेळियतस्के आ आसें इंका बेरस्सेक होत्‍तां. दीनहेंदाल मनाकु हामुर दोर्कता.

1 कुरेंति 13:10

गानि बस्के अय्ते अन्‍निन पुरागा कियाना पोल्‍ले वायार, अस्‍के पुरागा हिल्‍वद मायसि दांता.

2 कुरेंति 3:3

निजमे, मिमेट माहेंदाल हीता किरिस्‍तुना सिट्‍टि आंदिर इंचि अंटोर्क दिस्सेक मंतिट. अद साइते आयो गानि जीवाते मंदना पेनदा आत्माते रासि मंता, अद पर्पु बंडनपोर्रो आयो गानि मनकना मनसुनपोर्रो रासि मंता.

2 कुरेंति 3:6

पेन माकुन पूना करारता सेवक आयाना लायकगुडा कीता. अद करार मूसाना नियमते रासि मत्‍ताप आयो गानि, पेनदा आत्माताहेंदाल मंता. मूसाना नियम हामुरतेके ओंता गानि पवित्र आत्मा पिस्वरताहेके ओंता.

गलातिया 3:10

गानि बोर अय्ते मूसाना नियमतुन नम्मिसि मनंतोरो, ओन्क सिराप सापनेमे दोर्कंता. बारित्‍ते, “मूसाना नियमते रासि मत्‍ता अन्‍नि नियमकुन अन्‍नि वेलाते बरोबर पीसि ताकवोर अंटोर्क पेनदा सापनेम दल्‍गंता,” इंचि दर्मसास्‍त्रमते रासतद मंता.

गलातिया 3:21

अय्ते मरि मूसाना नियमकु पेन हीता पोल्‍लेना विरोदमते मंतंगा? असले हिल्‍लें. ओक्‍कला मूसाना नियमकु पिस्वर हियानव अय्ते, मनम अवुनतोने नीतिमंतुल्क आसि मन्‍नेरम.

इब्रि 12:18

इस्राएल लोकुल्‍क अय्ते कय्‍दे इट्‍टा पर्रानाल मत्‍ता गुट्‍टातगा होत्‍तुर. अद गुट्‍टा तळमिते पोतसेके मत्‍ता, हिर्रु-हीकाटा, वळि-दुमारम, अद गुट्‍टातगा मत्‍ता. गानि मिमेट अय्ते असोंटा गुट्‍टातगा होना हिल्‍लिर. अद गुट्‍टातगा इस्राएल लोकुल्‍क, तूताकोमता आवाज आनि पेनदा वळ्कना पेद्‍दा लेंगुन केंजतुर. केंजसि, “मर्रा बस्‍केने इसोंटा लेंग माकु केंजा वायामन्‍नि” इंचि पेनदुक विनंति कीतुर.

इब्रि 3:3

हरेक लोतुन दोहानोर बोरन्‍ना वरोर मनकल मनंतोर, गानि अन्‍निन तयार कीतोर मात्रम पेने आंदु. बल्हा अय्ते लोतुकन्‍ना लोन दोहानोंक एक्‍को कदर मनंता, अल्हेन येसुगुडा मूसांकन्‍ना एक्‍को कदरगल्‍लोड इंचि पोरोल तरकुत्‍तोर.

इब्रि 9:4

अद अर्राते गुगलेम वाटनाहाटीं बंगारमतोनि तयार कीतद उंदि दूपम कुळका आनि करारकुना संदगु मत्‍ता.. आ करारकुना संदगु पुरागा पिव्‍वर बंगारमता पालिस हीसि मत्‍ता. आ संदगुने उंदि बंगारमता बुड्‍डि मत्‍ता, अव्टे ‘मन्‍ना’ इरसि मत्‍ता इंका आ संदगुने हारूनना दुड्‍डु मत्‍ता, अदुंक इग्गुर वासि मत्‍ता. इंका अव्टे पेनदा करार्क रासि मत्‍ता बंडाता बल्‍लांगुडा मत्‍तां.