2 कुरेंति 3:5 - पवित्र पोल्‍ले

⁵ मावद मोमोटे बदाना पोल्‍लेता विचारम कियानालायक हिल्‍लोम, गानि इवुन कियाना बलम पेने माकु हीसेक मंता.

2 कुरेंति 3:5 Iomraidhean Croise

लूकाल 21:15

वेला वातस्के नना मीकु इसोंटा पोल्‍लें आनि बुद्‍दि हींतन गदा, मिमेट वळ्कानेंके मीवा पगातोर केंजसि वळ्‍काकोंटा आयनुर, इंका मीवा पोल्‍लेक अड्‍डमगुडा वळ्का पर्राकोंटा आयानुर.

लूकाल 24:49

इंका नावा पेनबाबाल हींतन इंचि पोल्‍ले हीता आ पवित्र आत्मातुन नना मिहगा लोहांतन. गानि बदवेरदाका अय्ते स्वर्गमताल पवित्र आत्माता ताकत मीपोर्रो रेय्योनो, अदवेरदाका मिमेट इदे येरुसलेम सहरते मंटु,” इंचि इत्‍तोर.

योहान 15:5

“ननाने अंगुर वेलितसंटोन आंदुन, मिमेट बारे पंगांनसंटोर आंदिर. बोर अय्ते नातोनि कलियसि मनंतुरो, नना बोरतोनि कलियसि मनंतनो, ओर वेल्‍लेन बेसता कबाह्‍क कींतुर. नाहगटाल वेरे आसि मंचि, मिमेट बतले किया परिर.

रोम सहरतोरहाटीं पौलुसना सिट्‍टि 15:18

यहुदि आयवोर नना वेहता पोल्‍लेन केंजतुर, नना कीतव चिन्‍हां आनि इचंत्रमता कबाह्‍कुन हूळतुर. केंजसि, हूळसि ओर किरिस्‍तुनपोर्रो विस्वासम इरतुर. इल्‍हा नना पवित्र आत्माता बलमते येरुसलेम सहरताल इलुरिकुम एरिया एवनदाका किरिस्‍तुना बेसता कबुरतुन वेहतन. अदुनहाटीं किरिस्‍तुनाहेंदाल कीता पोल्‍लेंगें नना दैरनेमते वेहंतन. इवुंक तप्‍पा वेरे बवे पोल्‍लें वेहोन.

1 कुरेंति 15:10

गानि इंदके बतलय्ते मंतानो, पेनदा कुर्पाहेंदाले मंतन. अद कुर्पा नाक एर्तम आयाहिल्‍ले. नना कळमता प्रेरितुल्‍कुंकन्‍ना एक्‍को कस्‍टम कीतन. अय्नागानि निजम इत्‍ते नना किया हिल्‍लेन, पेनदा कुर्पा नावातोनि मत्‍ता, अदे कीता.

1 कुरेंति 3:10

नाक पेन हीता कुर्पाहेंदाल, वरोर बेसता मिस्‍त्रिनलेसीं पुनादि दोहतन, दानपोर्रो इंकावरोर रद्‍दा दोस्सेक मंतोर, इल्‍हा वरोर-वरोर दानपोर्रो दोस्सानोर बल्हा रद्‍दा दोस्सेक मंतोर, ओर बेस हूळसि दोसना.

1 कुरेंति 3:6

नना पेळे वाटतन, अप्‍पुलोस एर दोस्तोर, गानि दान बेर्सागोटनद पेने आंदु.

2 कुरेंति 12:9

गानि सामि नाकुन, “नावा कुर्पा नीकु सालांता, बारित्‍ते निमे कमजोर मत्‍तस्‍केन नावा ताकत कबळ कींता,” इंचि जवाब हीतोर. अदुनहाटीं नना कमजोर मत्‍तस्के किरिस्‍तुना ताकत नाकु तोळ आयागोम इंचि वेल्‍लेने कुसिते पेद्‍दिरकेम कीसेक मंतन.

2 कुरेंति 2:16

नासडेम आयानोराहाटीं हामुर गब्‍बुलेसीं मंतोम आनि मुक्‍ति दोर्कानोराहाटीं पिस्वरता बेसता गब्‍बुलेसीं मंतोम. इसोंटा कबळ कियानालायक बोर मंतुर?

2 कुरेंति 4:7

मनालोप्‍पो मंदना इद वेल्‍गु पेद्‍दा दनमलेसीं मंता. गानि ई दनमतुन तोळिता अळकातसोंटा मना मेंदुल्कुने पेने इरता. इदुनहेंदाल ई वेहा परवच्‍चो ताकत मनद आयो गानि पेनदाहेंदाल मंता इंचि माकु तेळियंता.

पिलिपिया 4:13

किरिस्‍तु नाक ताकत हीसेक इंचि, बसोंटा परिस्तिति वायिनागानि नना अन्‍नि किया परांतन.

2 तिमोति 2:2

वेल्‍लेन मंदि लोकुल्‍कुना मुन्‍ने नाहेंदाल निमे केंजता पोल्‍लेन, बोर अय्ते वेरेतोर्क कराह परांतुर, असोंटा विस्वासमलायक मनानोर्कुंक अप्पजेप्पा.

याकोब 1:17

हरेक बेसता वरम आनि अन्‍निंकन्‍ना बेसता इनाम पोर्रोटाले वांता, वेल्‍गुल्कुना पेनबाबानगटाल वांता, ओनालोप्‍पो बतले तेडा हिल्‍ले, ओर नीडातालेसीं बदलांचानोर आयोर.