2 कुरेंति 3:18 - पवित्र पोल्‍ले

¹⁸ मनम अंटोरम अद मुस्‍कुन तेंडसि पोहतोम, इंदके अद्‍दमते हूळताप सामिना महिमाता वेल्‍गुन हूळसेक मंतोम. ओना आत्मा मनालोप्‍पो मत्‍ताहाटीं ओनालेसींगे मनम मारियसेके मंतोम.

2 कुरेंति 3:18 Iomraidhean Croise

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 12:41

यसायाहल येसुना महिमातुन हूळताहेंकेन ओना बारेमते ओर इव पोल्‍लें वेहतोर.

योहान 17:22

निमे ना लोप्पो मंतिन, नना नी लोप्पो मंतन. निमे नाकु हीता कदरतुन नना ओर्क हीतन. मनम इंदके बल्हा उंदि आसि मंतोमो, अल्हेन ओरगुडा उंदि आसि मंदना. अल्हा मत्‍तेने, नाकुन निमे लोहतिन आनि नाकुन पावरम कीताप ओर्कुनगुडा पावरम कीसंतिन, इंचि दुनियाक एरपाट आयापींता.”

योहान 17:24

“बाबा! बोर्कुन अय्ते निमे नाकु हीतिनो, ओर निमे नाकु हीता कदरतुन हूळानाहाटीं, नना बगा मत्‍ते अगा ओरगुडा मनना इंचि, नना पारतना कीसंतन. बारित्‍ते इद दुनिया पुट्‍टका मुन्‍नेन निमे नाकुन पावरम कीतिन.

रोम सहरतोरहाटीं पौलुसना सिट्‍टि 12:2

मिमेट इद दुनियातोर पिसताप पिस्‍सामन्‍नि गानि मिमेट मीवा मनसु मार्सकुंचि पेनदुक नच्‍चना पिस्वर पिस्‍सट. अस्‍के पेनदा इच्‍चा बतलो एरपाट कींतिर. एरपाट कीसि, “अद इच्‍चा वेल्‍लेन बेसतद, कुसि हियानद, बतले तप्पु हिलवद,” इंचि मीकु तेळियंता.

रोम सहरतोरहाटीं पौलुसना सिट्‍टि 13:14

इत्‍ते, सामि येसु किरिस्‍तुना पोल्‍लेन मना जीवाते, मना मनसुनाल एतकुनना. मना मनसुने कराब गुनाल्कुंक हर्रि हियमटु.

रोम सहरतोरहाटीं पौलुसना सिट्‍टि 8:29

बारित्‍ते “बोर-बोर नापोर्रो विस्वासम कींतुर” इंचि पेन मुन्‍नेटाले एरपाट कीसि मत्‍ता. दाना मर्रि येसु, ओर अंटोरा दादाल आयगोम इंचि पेन ओर्कुन येसुनसंटोर आयानाहाटीं पेरता.

रोम सहरतोरहाटीं पौलुसना सिट्‍टि 8:4

अल्हा बारि इत्‍ते, मूसाना नियमते रासि मत्‍ता आदेसकु मनाहेंदाल पूरा आयना इंचि. दीनहेंदाल इंदके मनम मना मनसुंक वाताप पिस्सेक हिल्‍लोम गानि पवित्र आत्मा वेहताप पिस्सेक मंतोम.

रोम सहरतोरहाटीं पौलुसना सिट्‍टि 8:7

बल्हा इत्‍ते, पापि गुनमता मनकल पेनदुक पगातोर आंदुर. इसोंटा मनकल पेनदा नियमते ताका हिल्‍लोर, आनि ताकोरगुडा.

1 कुरेंति 13:12

इंदके मनाकु अद्‍दमते हूळताप मागुर-मागुर दिस्सेक मंता, गानि आयंका ओना मुन्‍ने नित्‍तिसि हूळंतोम. इंदके नाक पुरागा तेळियो, नावा बारेमते पेनदुक पुरागा तेळियंता. ओर वाता पजा, नाकगुडा पुरागा तेळियंता.

1 कुरेंति 15:49

मनम बल्हा अय्ते तोळिते तयार आतोना रूपम एततोम, अल्‍हेने स्वर्गमताल वायानोना रूपमगुडा एतंतोम.

2 कुरेंति 3:17

सामि अय्ते आत्मा आंदुर. बगा अय्ते सामिना आत्मा मंता, अगा बोना कय्‍दा हिळु हिल्‍लोम.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

2 कुरेंति 5:17

बल्हा इत्‍ते, इंदके बोर अय्ते किरिस्‍तुने मंतोर, ओर पूना मनकल आतोर. पळाना पिस्वर होत्‍ता, पूना पिस्वर सुरुव आता.

गलातिया 6:15

बारित्‍ते कतना किय्‍यिना, कतना कियाकोन्‍ना बतल पाय्दा हिल्‍ले. पेन मनालोप्‍पो पूना पिस्वर हीता अदे पाय्दातद आंदु.

कुलुसि 3:10

इंदके पूना पिस्वर पिसमळ सुरुव कीतिर, मनाकुन पुटिस्ता पेनदा गुनम मत्‍ताप, मिमेट तेल्वि दोर्किच्‍कुनालय पूनगा तयार आसेक मंतिट.

1 तिमोति 1:11

तल्‍सकुननालायक पेनदाहेंदाल वाता महिमामय बेसता कबुरतुन नना कराहना इंचि नाकु अप्पजेपमळ जर्गता.

तीतु 3:5

मनाकुन कापाळतोर. मनम कीता नीति कबाह्‍कुनाहेंका ओर मनाकुन कापाळा हिल्‍लोर गानि ओना सतता दयाहेंदाले मनाकुन कापाळतोर. पूना रीतुने पुट्‍टना एर तुंगमळहेंदाल आनि पवित्र आत्मा मनाकुन पूनगा कियमळहेंदाल इल्‍हा आता.

याकोब 1:23

बारित्‍ते बोर अय्ते पेनदा पोल्‍ले केंजसि अदुना परकारम ताकोर, आ मनकल अद्‍दमते मोकम हूळसि पलाते होत्‍ता पजा बल्हा मत्‍तानो इंचि बिराने मरुंगनसंटोर आंदुर.

1 योहान 3:2

नावा पावरमगल्‍लोरिटा! इंदके मनम पेनदा पिलाल्‍कुम आंदुम. गानि वायाना कालमते मनम बल्हा बतल मनंतोम इत्‍तद, इंका तेळिया हिल्‍ले. अय्नागानि, किरिस्‍तु मर्रा मल्सि वायानुर अस्‍के, ओर बल्हा मंतोर अल्हे ओन मनम हूळांतोम. अस्‍के मनमगुडा ओनालेसींगे मनंतोम इंचि माकु एरपाट मंता.