2 कुरेंति 3:1 - पवित्र पोल्‍ले

¹ मावद मोमोटे मर्रा पेद्‍दातनम वेहकुंचेके मंतोम इनकुंचंतिरा? हिलाकोंटे वेरेतोर्कुंक अव्‍सरम मत्‍ताप माकगुडा मीवाहाटीं सिपारिस सिट्‍टिं मिहगा तरमळ, मिहागटाल एतमळ अव्‍सरमा?

2 कुरेंति 3:1 Iomraidhean Croise

प्रेरितुल्‍कुना कबाह्‍क 18:27

अय्ते अप्‍पुलोस अकाया इनना एरियाक होनना विचारम कीतोर. अस्‍के दादालोरगुडा ओन्क बेस दैरनेम हीतुर. अचोने आयका अकाया एरिया पीसि मनना सिस्युल्कुंक, ईन बेस दग्‍गेर कीकुंटु, इंचि उंदि सिट्‍टि रासतुर. ओर अगा एवतारित्‍ते, पेनदा कुर्पाहेंदाल विस्वासमते वाता लोकुल्‍कुंक वेल्‍ले सहायम कीतोर.

रोम सहरतोरहाटीं पौलुसना सिट्‍टि 16:1

मना विस्वासि अक्‍कल पीबे इनानद बच्‍चोरो बेसतद आंद. अद किंकिरया नाटेना कलिसियाते सेवा कीसेक मंता.

1 कुरेंति 10:33

ननागुडा ओर पिसागोम इंचि, नावा पाय्दा हूळाका, वेल्‍लेटुर लोकुल्‍कुना पाय्दाताहाटीं, अन्‍नि पोल्‍लेने अंटोर्कुन कूस इरंतन. बारित्‍ते ओर्क मुक्‍ति दोर्कगोम.

1 कुरेंति 16:3

नना वाता पजा, मिमेट बोर्कुनय्ते इद कबळताहाटीं पेर्रांतिरो, ओर्क नना सिट्‍टिं हीसि, ओरा कय्देने मिमेट जमा कीता चंदा येरुसलेम लोहचींतन.

1 कुरेंति 3:10

नाक पेन हीता कुर्पाहेंदाल, वरोर बेसता मिस्‍त्रिनलेसीं पुनादि दोहतन, दानपोर्रो इंकावरोर रद्‍दा दोस्सेक मंतोर, इल्‍हा वरोर-वरोर दानपोर्रो दोस्सानोर बल्हा रद्‍दा दोस्सेक मंतोर, ओर बेस हूळसि दोसना.

1 कुरेंति 4:15

मिहगा किरिस्‍तुना बारेमते कराहनोर पदि वेय्‍कुना गुरुल्क मंदानुर, गानि मिहगा वेल्‍लेटुर बाबुर हिल्‍लुर. बारित्‍ते मुन्‍ने ननाने किरिस्‍तु येसुना बेसता कबुर तत्‍तन, अदुन मिमेट विस्वासम कीतिर इंचि ननाने मीवा बाबोनसंटोन आंदुन.

2 कुरेंति 10:12

बोर-बोर अय्ते ओरद-ओरे पेद्‍दातनम वेह्‍कुंतुर, गानि मोमोट ओरालेसीं वेहकुन्‍नोम, ओरा लोप्पो तुलना किय्‍योम. ओर वरोनद वरोर कहकुंचेके मंतुर, वरोनद-वरोर तुलना कीकुंचेके मंतुर. इद पेद्‍दा मुर्कतनम आंद.

2 कुरेंति 10:18

बोर अय्ते ओनद-ओरे मेच्‍कुंतोर ओर कबळतोर आयोर, गानि सामि बोनय्ते मेच्‍कुंतोर ओर कबळतोर आंदुर.

2 कुरेंति 10:8

मीकुन नासडेम कियालय आयो गानि, मीकुन बेर्सागोटालय सामि माक अदिकारम हीतोर इंचि नना इंकागुडा पेद्‍दिरकेम वेहकुनिना नाक सिग्गु हिल्‍ले.

2 कुरेंति 12:11

मीवा बल्‍मितेन नना मुर्कनलेसीं पेद्‍दिरकेम कीसेक मंतन. नना कदरलायक हिल्‍लेन आयावच्‍चु, गानि पेद्‍दा-पेद्‍दा प्रेरितुल्‍कुंकन्‍ना बदे पोल्‍लेते तक्‍को हिल्‍लेन, अदुनहाटीं मिमेट नावा पेद्‍दिरकेम किया मत्‍तिर.

2 कुरेंति 12:19

महगा तप्‍पु हिल्‍ले इंचि हुप्‍सालय इवन्‍नि मोमोट मीक वेहसेक मंतोम इंचि मिमेट इनकुंचंतिर आयावच्‍चु, गानि आयो. मोमोट अय्ते पेनदा मुन्‍ने किरिस्‍तुना अदिकारमते वळ्‍कंतोम. पावरमगल्‍लोरिटा! इवन्‍नि पोल्‍लें मीवा विस्वासम बेर्सनाहाटींगे वेहसेक मंतोम.

2 कुरेंति 2:17

बोर अय्ते पेनदा पोल्‍लें वेहचि सतता पायदा कीकुंतुर, असंटा वेल्‍लेटोरव्टेटाल मोमोट हिल्‍लोम. गानि मोमोट सत्‍तेम मनसुने, किरिस्‍तुना अदिकारमते पेनदा पोल्‍लें वेहासेक मंतोम. माकुन लोहता पेन माकुन हूळसेक मंता इंचि माक एरपाट मंता.

2 कुरेंति 5:12

मोमोट बेसतोर्कुम इंचि मर्रा मी मुन्‍ने वेहकुंचेके हिल्‍लोम, गानि इच्‍चुर लोकुल्‍क मनसुने मत्‍ता पोल्‍लें आयाका पलाताल दिस्‍साना पोल्‍लेना बारेमते पेद्‍दिरकेम कींतुर, ओराहाटीं मावा बारेमते वेहालय मीक जवाब गावाले इंचि वेहासेक मंतोम.