2 कुरेंति 2:17 - पवित्र पोल्‍ले

¹⁷ बोर अय्ते पेनदा पोल्‍लें वेहचि सतता पायदा कीकुंतुर, असंटा वेल्‍लेटोरव्टेटाल मोमोट हिल्‍लोम. गानि मोमोट सत्‍तेम मनसुने, किरिस्‍तुना अदिकारमते पेनदा पोल्‍लें वेहासेक मंतोम. माकुन लोहता पेन माकुन हूळसेक मंता इंचि माक एरपाट मंता.

2 कुरेंति 2:17 Iomraidhean Croise

मत्‍तयाल 24:24

बारित्‍ते अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय पेद्‍दा-पेद्‍दा चिन्‍हां, इचंत्रमता कबाह्‍क कीसि हुप्‍सानुर.

प्रेरितुल्‍कुना कबाह्‍क 20:20

मीवा बेसताहाटीं अवसरम मत्‍ता बदे पोल्‍ले आयि वेहालय नना बस्‍केने पजोळ्क आया हिल्‍लेन. नना अव पोल्‍लें अंटोर लोकुल्‍कुना नड्‍डुम, लोन-लोन होंचि वेरियाकोंटा कराहतन, इद संगति मीकु एर्के मंता.

प्रेरितुल्‍कुना कबाह्‍क 20:27

बारित्‍ते नना पेनदा पूरा इच्‍चातुन मीकु वेहालय बस्‍केने पजोळ्क होना हिल्‍लेन.

1 कुरेंति 5:8

अदुनहाटीं मनम पळाना पुल्‍लाटा पिंडितसोंटा कराब कबाह्‍कुने, दुस्‍ट गुनाल्‍कुने आयो गानि इमानदारता, सत्‍तेमता पुल्‍लगा आयवा हारिनसोंटा पंडुगु कियमळ गावाले.

2 कुरेंति 1:12

मोमोट दुनियाते मननेंके कास कीसि मीवा नड्‍डुम मननेंके, पेनदुक इस्‍टामाताप पवित्र आनि सत्‍तेमते मत्‍तोम, अद मनकना तेल्‍विते आयो गानि पेनदा कुर्पातोनि मत्‍तोम इंचि मावा मनसु गवाइ वेहासेक मंता. इद मावाहाटीं पेद्‍दिरकेमता पोल्‍ले आंद.

2 कुरेंति 1:18

पेन विस्वासमगल्‍लद आंद. अल्हेन मोमोटगुडा “हो” आनि “हिल्‍ले” इल्‍हा रोंडु पोल्‍लें वळ्‍कोम.

2 कुरेंति 11:11

नना मिहगाटाल मदत एता हिल्‍लेन इत्‍ते, मीपोर्रो नाक पावरम हिल्‍ले इत्‍तापा बतल? असले आयो! मीकुन नना बच्‍चोन पावरम कींतन अद पेनदुक एरपाट.

2 कुरेंति 12:19

महगा तप्‍पु हिल्‍ले इंचि हुप्‍सालय इवन्‍नि मोमोट मीक वेहसेक मंतोम इंचि मिमेट इनकुंचंतिर आयावच्‍चु, गानि आयो. मोमोट अय्ते पेनदा मुन्‍ने किरिस्‍तुना अदिकारमते वळ्‍कंतोम. पावरमगल्‍लोरिटा! इवन्‍नि पोल्‍लें मीवा विस्वासम बेर्सनाहाटींगे वेहसेक मंतोम.

2 कुरेंति 4:2

सिग्गु होनानव आनि मक्‍किस कियाना कबाह्‍कुन मोमोट होळसीतोम. इंकावरोन दोका हियमळ आयि, पेनदा पोल्‍लेतुन उल्टा-पल्टा कीसि वेहमळ आयि इसोंटा कबाह्‍क किय्‍योम. गानि पेनदा मुन्‍ने सत्‍तेम पोल्‍लेतुन वेहाना हेंदाल, मोमोट बसंटोरम इंचि हरेक मनकंक ओरा मनसुने तेळियंता.

2 कुरेंति 6:7

सत्‍तेम पोल्‍लेते, पेनदा ताकतते, नीतिता आयदार्क तिना कय्‍दे, रोड्‍डा कय्‍दे पीसि,

गलातिया 1:6

बद पेन अय्ते येसु किरिस्‍तुना कुर्पाहेंदाल मीकुन दग्‍गेरा कीकुत्‍ता, असोंटा पेनदुन इच्‍चोन बिराना होळसिसि, बदो वेरे बेसता कबुरतेके तिरियतिर. इदुन केंजसि नाकु वेल्‍लेन इचंत्रम आसंता.

1 तेसलोनि 2:4

गानि पेन माकुन दाना बेसता कबुरता लायक कीसि, बेसता कबुरतुन वेहालय माक अप्पजेपता. अदुनहाटीं मावा मनसुन परिक्‍सा कीसि हूळना पेनदुन कूस कियालय वेहंतोम गानि मनकालोर्कुन कूस कियालय पेनदा पोल्‍ले वेहोम.

तीतु 1:11

ईरकुन वळ्‍काकोंटा कियमळे गावाले. बारित्‍ते ईर लोकुल्‍क, बव पोल्‍लें अय्ते कराहना आयनो, अव पोल्‍लें कराहचि तप्‍पुड कमाइ कियनाहाटीं अन्‍नि कुटुंबाल्कुनंता पाळ कींतुर.

इब्रि 11:27

विस्वासमहेंदाले, इजिप्‍त देसेमता राजाल होंगुंक वायिनागानि, वेरियाकोंटा मूसाल इजिप्‍त देसेम होळसीतोर. बोर्के दिसुवा पेन ओन्क दिसताप, ओर गट्‍टि दैरनेमते मत्‍तोर.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.

1 योहान 4:1

पावरमगल्‍लोरिटा! नहगा पेनदा आत्मा मंता इनना अंटोरपोर्रो विस्वासम कियमट. मोमोट पेनदा कबुरतोरम इंचेके, तप्‍पुड बोदां कराहनोर वेल्‍लेन मंदि दुनियाते वेलियसंतुर. अदुनहाटीं बरोसा कियाका मुन्‍ने आ वळ्‍कानोनगा मनना आत्मां पेनदागटाल वातावेना इंचि, परिक्‍सा कीसि हुळट.

यहुदा 1:4

बारित्‍ते चुपचाप इच्‍चुर लोकुल्‍क मीलोप्‍पो होळियतुर, ओर पेनदा बक्‍तुल्क आयुर. ओर पेनदा कुर्पातुन बिगडांचि पापमता कबाह्‍क कियानाहाटीं मना वरोरे मालक सामि येसु किरिस्‍तुन ओप्‍कुन्‍नुर. असंटोर्क सिक्‍सा आंता इंचि मोदाटाले दर्मसास्‍त्रमते रासि मंता.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 19:20

पजा अद जिवरासितुन आनि पेनदा आबद्‍दम कबुरतोन दोर्का पियमळ जर्गता. ओर कीता चिन्‍हाना हेंदाल, अद जिवरासिता सिक्‍का तंचि मत्‍तुर्कुन आनि दाना बोम्मातुन मोळ्‍कानोर्कुन पसांचमळ जर्गता. ओर इव्‍वुर्कुनगुडा गंदकमते रमारमा पोत्‍सेके मनना तळमि गुंडमते जीवाते मननेंकेन वाटसीयमळ जर्गता.

पेन हुपिस्‍ता पोल्‍लें 2:20

गानि नी विरोदमते नाकु उंदि पोल्‍ले वेहानद मंता. जेजेबेल इनना मुरतळ, नना पेनदा कबुरतदुन इंचि वेह्कुंचेके नावा सेवाकुल्कुंक, बोम्मांक मोळ्कता वस्तु तिनगोम, बोगमतनम कियगोम इंचि कराहचि ओर्कुन पसांचेके मंता. असोंटा मुर्ताटुन निमे निहगा मना हीसंतिन.