2 कुरेंति 2:14 - पवित्र पोल्‍ले

¹⁴ पेनदुक दन्यवाद आयि! अद किरिस्‍तुनलोप्‍पो मनाकुन बस्‍केळ्‍क गेल्‍सागोटसेक ओंता आनि गमा-गमा गब्‍बुनसोंटा दाना तेल्‍वितुन मनाहेंदाल अन्‍नि जेगाने पैलांचंता.

2 कुरेंति 2:14 Iomraidhean Croise

योहान 16:33

नाहगटाल मीकु सांति दोर्कि, इंचि इव पोल्‍लें मीकु वेहतन. दुनियाते मीकु तिप्‍पल्‍क-कस्‍टाल्‍क वायनुं, गानि नना दुनियाता ताकततुन गेल्सतन, अदुनहाटीं मिमेट बेस दैरनेमते मंटु,” इंचि येसु वेहतोर.

रोम सहरतोरहाटीं पौलुसना सिट्‍टि 1:8

मोदाला नना मीकु वेहानद बतल इत्‍ते, मीवा विस्वासम बारेमते पूरा दुनियाक तेळियसि होत्‍ता. इदुन मति कीसेक मीवा अंटोराहाटीं येसु किरिस्‍तुनहेंदाल पेनदुक दन्यवाद कींतन.

रोम सहरतोरहाटीं पौलुसना सिट्‍टि 6:17

मुन्‍ने मिमेट पापमता दासुल्के मत्‍तिर, गानि मीकु एव्ता पेनदा पोल्‍लेन मिमेट बेस केंजसि, करियसि इंदके अवुन पीसि ताकसंतिर. इंचि पेनदुक नना दन्यवाद कींतन.

रोम सहरतोरहाटीं पौलुसना सिट्‍टि 8:37

इवन्‍नि तकलिप वायिनागानि, मनाकुन पावरम कियना किरिस्‍तु मनातोनि मत्‍ताहेंका मनमे गेल्संतोम.

1 कुरेंति 12:8

बल्हा इत्‍ते, अदे आत्माताहेंदाल वरोर बुद्‍दिता पोल्‍लें वेहंतोर, अदे आत्माताहेंदाल इंकावरोर तेल्‍विता पोल्‍लें वेहंतोर.

1 कुरेंति 15:37

निमे एदतद, मोल्का आयो, पेळे आंद. अद गोह्कुना पेळे आयावच्‍चु, इंका बदाना पेळे आयावच्‍चु.

1 कुरेंति 15:57

मना सामि येसु किरिस्‍तुनाहेंदाल पेन मनाकुन गेल्‍सागोटंता. अदुनहाटीं पेनदुक दन्यवाद.

2 कुरेंति 1:11

वेल्‍लेटोरा पारतनाहेंदाल पेन मापोर्रो दया हुपिच्‍चि माकुन पिसागोटता, अदुनहाटीं वेल्‍लेटुर लोकुल्‍क माहेंदाल पेनदुक दन्यवाद कीसेक मंतुर. अय्ते मिमेटगुडा अंटोर कूळसि माहाटीं पारतना कीसि माक सहायम कीम्‍टु.

2 कुरेंति 8:16

मी बारेमते ना मनसुने मत्‍ता इच्‍चातुन, पेन तीतुना मनसुनेगुडा पुटिस्ता. अदुनहाटीं पेनदुक नना दन्यवाद कींतन.

2 कुरेंति 9:15

पेन हीता वेहा परवच्‍चो वरमताहाटीं दानकु दन्यवाद आयि.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

इपीसि 5:20

अन्‍नि पोल्‍लेनाहाटीं, मना सामि येसु किरिस्‍तुना पोरोलते मना पेनबाबांक बस्‍केळ्‍क दन्यवाद कीसेके मंटु.

पिलिपिया 4:18

नहगा अन्‍नि मंतां, नाक बच्‍चोर अय्ते गावाले दानकन्‍ना एक्‍को मंतां. मिमेट इपपरदिसुनतोनि लोहता सहायम नाक दोर्कता. अवुनतोनि नावा अव्‍सराल्क अन्‍नि तीरतां. बल्हा अय्ते मोक्‍कु हीतारित्‍ते पेन दाना गब्‍बु एतंता, अल्‍हेने मिमेट लोहतवुन पेन कुसिते एतकुंता.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

कुलुसि 1:6

अदे बेसता कबुर मिहगा वासि, पूरा दुनियाते पैलांचि लोकुल्‍कुना पिस्वरतुन बदलांचेके मंता. अल्‍हेने बस्के अय्ते अदुन मिमेट केंजतिर, केंजसि पेनदा निजम कुर्पातुन एरपाट कीसि स्विकार कीतिर, अस्‍केटाल अद मीवा पिस्वरतुनगुडा बदलांचेके मंता.

कुलुसि 2:15

इल्‍हा राज्येम कियानोर्कुंक आनि अदिकारकुंक पेन ताकत हिलाकोंटा कीता. कीसि किरिस्‍तु क्रुसुनपोर्रो जीवा हीसि गेल्‍सताहाटीं ओरा अंटोरा मुन्‍ने तमासा आसि सिग्गु हिलाकोंटा आता.

1 तेसलोनि 1:8

बारित्‍ते मीहेंदाल सामिना पोल्‍ले सिराप मेसिडोनिया आनि अकाया राज्येमतेन एवता इंचि आयो गानि पेनदापोर्रोटा मीवा विस्वासमता बारेमते अन्‍नि जेगाने तेळियसि होत्‍ता. अदुनहाटीं मोमोट मीक वेहाना बतल अव्‍सरम हिल्‍ले.

1 तेसलोनि 3:9

मीवाहेंदाल मोमोट मना पेनदा मुन्‍ने वेल्‍ले कुसिते मंतोम. अदुना बारेमते मीवाहाटीं मोमोट पेनदुक वेल्‍लेने दन्यवाद कींतोम.

1 तिमोति 2:8

अदुनहाटीं पारतना कियना अन्‍नि जेगाने मनसुने बतले होंगु-जगडम इर्रांकोंटा पवित्र कय्‍कु पोर्रो तेहचि मांडसा पारतना कियना इंचि नावा इच्‍चा मंता.

2 तिमोति 2:2

वेल्‍लेन मंदि लोकुल्‍कुना मुन्‍ने नाहेंदाल निमे केंजता पोल्‍लेन, बोर अय्ते वेरेतोर्क कराह परांतुर, असोंटा विस्वासमलायक मनानोर्कुंक अप्पजेप्पा.