2 कुरेंति 2:12 - पवित्र पोल्‍ले

¹² नना बस्के अय्ते किरिस्‍तुना बारेमता बेसता कबुर वेहालय त्रोआस सहरते होत्‍तनो, अस्‍के सामिनाहेंदाल नाकु हर्रि पुटता.

2 कुरेंति 2:12 Iomraidhean Croise

प्रेरितुल्‍कुना कबाह्‍क 14:27

अगा होत्‍तरित्‍ते, ओर कलिसियातोर्कुन जमा कीसि, पेन ओरा कय्‍दे बल्हा पेद्‍दा-पेद्‍दा कबाह्‍क कीता, वेहतुर. वेरे जातितोर्कुनगुडा विस्वासम कियालय पेन बल्हा हर्रि कीता, इंचि वेहतुर.

प्रेरितुल्‍कुना कबाह्‍क 16:11

इल्‍हा मोमोट त्रोआस सहरताल डोंगाते समुद्रम हर्रि पीसि सवरगा सुमात्राके सहरते एव्‍सि, इंकुंदि रोजु नियापुलिस इनना सहर होत्‍तोम.

प्रेरितुल्‍कुना कबाह्‍क 16:8

अय्ते ओर मूसियाताल त्रोआस सहरते एव्‍तुर.

प्रेरितुल्‍कुना कबाह्‍क 20:8

मोमोट जमा आसि मत्‍ता पोर्रोटा अंतरम पोर्रो वेल्‍लेने वेडसिं मत्‍तां.

रोम सहरतोरहाटीं पौलुसना सिट्‍टि 1:1

नना पौलुस, येसु किरिस्‍तुना दासुन आंदुन. नना मीकु इद सिट्‍टि रासेक मंतन. येसु किरिस्‍तुना कबाह्‍क कियालय पेन नाकुन प्रेरित इंचि पेरता. पेरसि दाना बेसता कबुर वेहालय लोह्ता.

1 कुरेंति 16:9

बारित्‍ते, इगे बेसता कबळ कियालय, नाक उंदि पेद्‍दा मोका दोर्कता, इंका विरोद कियानोरगुडा वेल्‍लेटुरे मंतुर.

1 कुरेंति 9:12

वेरेतोर्क गिंटा मीपोर्रो अदिकारम मत्‍ते, दानकन्‍ना एक्‍को माक अदिकारम मनंता. गानि किरिस्‍तुना बेसता कबुरतुन वेहनेंके मावाहेंदाल बतले अड्‍डम वायामन्‍नि इंचि मोमोट आ अदिकारम एताका अन्‍नि सहन कीसेक मंतोम.

1 कुरेंति 9:14

अल्‍हेने किरिस्‍तुना बेसता कबुर वेहानोर्कुंक, बोर अय्ते अद कबुर केंजसि विस्वास कींतुर, ओरा हेंदाले पिस्वर दोर्कागोम इंचि सामि हुकुम हीतोर.

1 कुरेंति 9:16

नना बेसता कबुर वेहचि बतल पेद्‍दिरकेम कीसेक हिल्‍लेन. बारित्‍ते इद नावा जिम्मेदारि आंद, नाक बेसता कबुर वेहमळे गावाले. ओक्‍कला वेहाकोंटे नना बूळ्‍दि आकन.

2 कुरेंति 10:14

मोमोटे मोदाला मिहगा किरिस्‍तुना बेसता कबुर तत्‍तोम. अदुनहाटीं मोमोट पेन हीता सेवातुन गेट्‍टुना लोप्‍पोने मंचि पेद्‍दिरकेम कींतोम.

2 कुरेंति 11:4

बारित्‍ते बोरन्‍नागिंटा मिहगा वासि, मोमोट वेहवासोंटा वेरे येसुना पोल्‍ले मीक वेहते, हिलाकोंटे बदन्‍ना मुन्‍ने मिहगा हिल्‍वसोंटा आत्मा दोर्कते, हिलाकोंटे इंका बदन्‍ना मुन्‍ने मिमेट ओप्‍कुन्‍वसोंटा बेसता कबुर वाते, अदुन मिमेट कुसिते ओप्‍कुंतिर.

2 कुरेंति 11:7

मीक पेनदा बेसता कबुर पुक्‍कटते वेहतन, मीक पेद्‍दातनम वायागोम इंचि, नावद नना सिन्‍नातनम कीकुत्‍तन, इद बतल पापम कीताना?

2 कुरेंति 4:3

मना बेसता कबुरगिंटा मुस्‍कु वाटताप मनानय्ते, अद नासडेम आयानोराहाटींगे मंता.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

2 कुरेंति 8:18

अल्‍हेने तीतुनतोनि अन्‍नि कलिसियाने बेसता कबुरतुन वेहालय पोरोल पेय्सतोर वरोर दादनगुडा लोहसेक मंतोम.

2 कुरेंति 9:13

बारित्‍ते मिमेट इद सेवा कीसि, किरिस्‍तुना बेसता कबुरतुन ओप्‍कुंचि अद मत्‍ताप ताकसेक मंतिर. अचोने आयाका पेनदा लोकुल्‍कुंक, वेरे अंटोर्कुंक मीवा मनसुनाल सहायम कीसेक मंतिट. इदुन हूळसि ओर पेनदा महिमा कींतुर.

कुलुसि 4:3

नना किरिस्‍तुना मर्ममता पोल्‍ले वेहताहाटीं जेलते मंतन, इदे पोल्‍लेतुन मोमोट अंटोर्क वेहानाहाटीं पेन माकु मोका हिय्यि इंचि मावाहाटींगुडा पारतना कीम्‍टु.

1 तेसलोनि 3:2

किरिस्‍तुना बेसता कबुरतुन मावातोनि कलियसि वेहानोर पेनदा दासुड तिमोति तम्मुन मिहगा लोहतोम. मीक बसोंटा तकलिप वायिनागानि पजोळ्क-मुन्‍नेळ्‍क आयाकोंटा विस्वासमते गट्‍टिगा मंदना इंचि ओर मीकु समजांचि वेहंतोर. बारित्‍ते इसोंटा तकलिपकु बोगांचालये पेन मनाकुन निलाहता इंचि मीक एरपाटे.