2 कुरेंति 2:11 - पवित्र पोल्‍ले

¹¹ मापि कियाकोंटे देय्यम बस्‍केनना तकलिप हिय्या परांता. बारित्‍ते दाना गुनम बसोंटदो मनक एरपाटे मंता.

2 कुरेंति 2:11 Iomraidhean Croise

मत्‍तयाल 4:10

अस्‍के, “ए देय्यमतुना हब्बेर होन, बारित्‍ते निमे नीवा पेनदुने मोळ्‍कना, सिराप दानादे सेवा कियना, इल्‍हा दर्मसास्‍त्रमते रासि मंता.” इंचि येसु दान इत्‍तोर.

लूकाल 22:31

येसु मर्रा सिमोन पत्रुन, “सिमोनु, ए सिमोनु हिके केंजा! मीकुन अंटोर्कुन वंजिन हेचाहताप हेचाहचि मी अंटोरा विस्वासमता पट्‍टु हूळानाहाटीं पेद्‍दा देय्यम पेनदुन अदिकारम तल्कता.

योहान 13:2

येसु, ओना सिस्युल्क नर्कटा वेलाते गाटो तिनालय उद्‍दिस मत्‍तुर. गानि गाटो तिन्‍नका मुन्‍नेन देय्यम, इस्‍कारियोत नाटेना सिमोन इनानोना मर्रि यहुदन लोप्पो वासि, येसुंक दोका हियालय ओन एक्‍किसता.

1 कुरेंति 7:5

अदुनहाटीं मिमेट वरोंक-वरोर अलग मनमट. गानि कोन्‍नि रोजकु पारतना कियालय अलग मनकोम इंचि मिमेट इव्वुर इनकुत्‍ते, अलग मंटु. दाना पजा मर्रा कलियसि मंटु. बारित्‍ते, कुदता मनसुन आपकुना परवस्के देय्यम मीकुन पट्‍टुने अरहालय हूळंता.

2 कुरेंति 11:14

इवने इचंत्रम बतल हिल्‍ले, देय्यमगुडा वेल्‍गु हिय्याना पेनदा दूतालेसीं आंता.

2 कुरेंति 11:3

गानि तरास चालाकिते हव्‍वान पसांचतापे, किरिस्‍तुनतोनि इमानदार, पवित्र मंदना मीवा मनसुनगुडा लक्‍कु किय्‍यार इंचि नना वेरियंतन.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

2 तिमोति 2:25

नीवा विरोदमते वळ्कानोर्कुंक सांत मनसुने तेळियागोट्‍सि वेहा. सत्‍तेमता बारेमते तेल्‍पिचकुननाहाटीं पेन ओर्कु मार मनसु हिय्यार.

1 पत्रु 5:8

मीवा पगातद पेद्‍दा देय्यम बोन तिनकन इंचि सिंहमतालेसीं वरगेयसेके नालुं मूलां तिरियसेक मंता, अदुनहाटीं हुसारते, तेल्‍विते मंटु.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.

पेन हुपिस्‍ता पोल्‍लें 2:24

गानि तुयतीराते अद कराहताप ताकवोर कळमतोर मिमेट बोर अय्ते विस्वासिर मंतिरो, मीक नना बतल वेहांतन इत्‍ते, मिमेट देय्यमता लोप्पोटा मर्ममतुन एरपाट किया हिल्‍लिर अदुनहाटीं नना मीपोर्रो इंका बर्वु वाटोन.