2 कुरेंति 2:10 - पवित्र पोल्‍ले

¹⁰ मिमेट बोनन्‍ना मापि कीते ओन ननागुडा मापि कींतन, नना बतलय्ते मापि कीतानो किरिस्‍तुना मुन्‍ने मीवाहाटीं मापि कीतन.

2 कुरेंति 2:10 Iomraidhean Croise

मत्‍तयाल 18:18

“नना मीकु निजम वेहांतन, मिमेट बूमिपोर्रो बदुन अय्ते दोहंतिरो, अदुन स्वर्गमतेगुडा दोहमळ जर्गंता, मिमेट बूमिपोर्रो बदुन अय्ते लेहांतिरो, अदुन स्वर्गमतेगुडा लेहामळ जर्गंता.

योहान 20:23

उह्किसि, “मिमेट बोना पापाल्क मापि कींतिरो, ओरा पापाल्क मापि आंतां, मिमेट बोरा पापाल्क अय्ते मापि किय्यिरो, ओरा पापाल्क मापि आयों,” इंचि ओर्क वेहतोर.

1 कुरेंति 5:4

बस्के अय्ते मिमेट येसु सामिना पोरोलते उंदगा जमा आसि उदंतिर, अस्‍के आत्माते अगा मनंतन, अल्‍हेने मना सामि येसुना ताकत मीवातोनि मनंता.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

2 कुरेंति 5:20

अदुनहाटीं मोमोट किरिस्‍तुना राजदूतकुम आंदुम. मावाहेंदाल पेन मीक वेहासेक मंता इनकुंटु. मिमेट पेनतोनि कलियसि मंदना इंचि किरिस्‍तुनाहेंदाल मोमोट मीक विनंति कीसेक मंतोम.

2 कुरेंति 6:6

पवित्र मनमळते, तेल्‍विते, ओर्सकुनमळते, दयाते, पवित्र आत्माते, कपटम इर्राका पावरम कियमळते,

इपीसि 4:32

वरोनपोर्रो वरोंक जीवा नोसि बेस दया हुपिच्‍चेक, पेन बल्हा किरिस्‍तुनाहेंदाल मीवा तप्‍पुकुन मापि कीता, अल्हेन मिमेटगुडा वरोना तप्पुक वरोर मापि कीम्‍टु.