2 कुरेंति 13:9 - पवित्र पोल्‍ले

⁹ मोमोट कमजोर मत्‍तोरालेसीं दिस्‍साना गानि बतल आयो, मिमेट ताकतते मत्‍ते माक आनंदम आंता. इल्‍हा मिमेट ताकतते बेर्सेक होंदना इंचि, मोमोट पारतना कीसेक मंतोम.

2 कुरेंति 13:9 Iomraidhean Croise

रोम सहरतोरहाटीं पौलुसना सिट्‍टि 15:2

मना दंटातोर्कुना बेसताहाटीं ओरा विस्वासम बेर्सना इंचि ओर्कुन कूस इर्रना लायक मनम मनमळ गावाले.

1 कुरेंति 1:10

विस्वासुल्‍कुनिटा! मीलोप्‍पो जगडाल्‍क आसेक मंतां इंचि क्‍लोयेना लोतोर नाक वेहतुर. अदुनहाटीं मिमेट अंटोर उंदे पोल्‍लेते ताकाटु, मीलोप्‍पो वरोनद-वरोंक अर्राकोंटा मनमट, गानि मिमेट उंदे मनसुने, उंदे विचारमते कलियसि मंटु इंचि नना मीक मना सामि येसु किरिस्‍तुना पोरोलते विनंति कीसेक मंतन.

1 कुरेंति 2:3

नना मिहगा मननेंके मेंदुल्ते कमजोर आसि मत्‍तन. वेल्‍ले वेर्रेते वनुकसेके मत्‍तन.

1 कुरेंति 4:10

मोमोट किरिस्‍तुनाहाटीं मुर्कालोरम आंदुम, गानि मिमेट किरिस्‍तुना लोप्पो तेल्वितोर आंदिर. मोमोट बलम हिल्‍वोरम आंदुम, गानि मिमेट बलम मत्‍तोर आंदिर. मिमेट कदर मत्‍तोर आंदिर, गानि मोमोट कदर हिल्‍वोरम आंदुम.

2 कुरेंति 11:30

नाकु गिंटा पेद्‍दिरकेम कियाना मत्‍ते, नना किया पर्रुवा कबाह्‍कुना बारेमते पेद्‍दिरकेम कींतन.

2 कुरेंति 13:11

विस्वासुल्‍कुनिटा! नना आकिरते वेहानद इदे गदा, कुसिते मंटु. मीवा गुनम बेस इर्राट, वरोंक-वरोर दैरनेम हीम्टु, उंदि मनसुने मंटु, सांतिते मंटु, अस्‍के पावरम आनि सांति हियाना पेन मीवातोनि मनंता.

2 कुरेंति 13:4

बारित्‍ते, किरिस्‍तु कमजोर आसि मत्‍तस्के ओन क्रुसुनपोर्रो मोल्‍लां कोह्‍किसि वेलाळ वाटतुर, अयना गानि पेनदा ताकतते ओर मर्रा तेदसि जीवाते मंतोर. मोमोटगुडा ओनालेसींगे कमजोर मंतोम, गानि मोमोट मीवाहाटीं पेनदा ताकतते किरिस्‍तुनतोनि जीवाते मनंतोम.

2 कुरेंति 4:12

अदुनहाटीं मावा लोप्पो हामुर, मीलोप्‍पो पिस्वर कबळ कींता.

2 कुरेंति 7:1

पावरमगल्‍लोरिटा! पेन हीता इव पोल्‍लें मनकगुडा दोर्किसे मंतां, अदुनहाटीं मनम मना मेंदुल्क, आत्माक अंट्‍सि मत्‍ता मुर्कितुन नोर्सि साप कीकोम, पेनदुक वेरियसि पूरा पवित्र आसेके दाकोम.

कुलुसि 1:28

हरेक मनकन किरिस्‍तुनलोप्‍पो पूरा कीसि पेनदा मुन्‍ने निल्‍हागोम इंचि, मोमोट किरिस्‍तुना बारेमते हरेक मनकंक कडकते वेहांतोम, हरेक मनकंक पूरा तेल्‍विते करहंतोम.

कुलुसि 4:12

किरिस्‍तु येसुना दासुड इपप्रास ईर मीवा लोप्पोटोरे आंदुर, मीक जोहार वेहासेक मंतोर. मिमेट पेनदा इच्‍चा मत्‍ताप पुरागा आसि, विस्वासमते गट्‍टिगा निल्‍सि मनागोम इंचि ओर बस्‍केळ्‍क मीवाहाटीं जोर हीसि पारतना कीसेके मंतोर.

1 तेसलोनि 3:10

मोमोट मीकुन हूळसि, मीवा विस्वासमते तक्‍को मत्‍तदुन पूरा कियाना इंचि नर्का-पिय्यल पेनदुक पारतना कीसेके मंतोम.

2 तिमोति 3:17

अद बल्हा इत्‍ते, दर्मसास्‍त्रमहेंदाल पेन दाना हरेक मनकन पुरागा दानालायक कीसि, अन्‍नि तीरकुना बेसता कबाह्‍क कियनाहाटीं, ओर्कुन तयार कींता.

इब्रि 12:23

नीतिमंतुड लोकुल्‍कुना आत्माना कलिसियातगा मिमेट वातिट. आ कलिसियातगा अंटोरा पोरोलीं रासि मंतां, अंटोर्क जेस्‍टम पालना अदिकारम मंता. अंटोर्कुन पेन दानतोनि मनालय पुरागा कीता. दुनियाते मनना अन्‍निटवुना न्‍यायम कियाना पेनदागा मिमेट वातिट.

इब्रि 6:1

अस्‍के किरिस्‍तुना बारेमते सुरुवने करियता बोदाना बारेमते मर्रा-मर्रा वळ्‍कमळ होळसिसि, गिचचो मुन्‍नेळ्‍क होंचि पेद्‍दा बेर्सतोरालेक्‍कते दाकोम. मरुंदि मल्का हामुरतेके ओयाना कबाह्कुनाल मनसु मार्सकुन्‍मळ, पेनदापोर्रो विस्वासम इरमळ,

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.