2 कुरेंति 13:5 - पवित्र पोल्‍ले

⁵ मिमेट नाकुन परिक्‍सा कीसि हूळना दानकन्‍ना, मिमेट विस्वासमते मंतिरा हिल्‍लिरा, मीवद-मिमेट परिक्‍सा कीसि हुळाट. अस्‍के येसु किरिस्‍तु मीलोप्‍पो मंतोर इंचि अनपिच्‍चोना? अल्हा अनपिच्‍चाकोंटे मिमेट ओना लोकुल्‍क आयिर इनकुंटु.

2 कुरेंति 13:5 Iomraidhean Croise

योहान 14:23

अस्‍के येसु ओन्क जवाब हीतोर, “नाकुन पावरम कियानोर अंटोर नना वेहता पोल्‍लेनपोर्रो ताकंतुर, आनि नावा बाबाल ओर्कुन जीवा कींतोर. असंटोनगा मोमोट होंचि ओनालोप्‍पो जेगा पींतोम.

योहान 15:4

मिमेट नावातोनि बस्‍केळ्‍क कलियसि मंटु, अस्‍के ननागुडा इंका मीवातोनि बस्‍केळ्‍क कलियसि मनंतन. पंगा वेलिक अंटिस मनाकोंटे दान्क कायां हादों, अल्हेन मिमेटगुडा नावातोनि कलियसि मनाकोंटे बेसता कबाह्‍क किया परिर.”

योहान 17:26

ना पोर्रोटा नीवा पावरम ओरा लोप्पो मननाहाटीं आनि ननागुडा ओरा लोप्पो मनना इंचि, नीवा पोरोल्तुन ओर्क एरपाट कीसीतन. इंका मुन्‍नेगुडा एरपाट कीसि हीसेक मनंतन,” इंचेके येसु पारतना कीतोर.

योहान 6:56

बोर अय्ते नावा मेंदुलतुन तिंतुर, नावा नेत्‍तुरतुन उंटुर, ओर नातोनि, नना ओरतोनि निलसि मनंतन.

योहान 6:6

येसुंक अन्‍नि एर्के मत्‍ता गानि पिलिपुना परिक्‍सा हूळालय, ओन इसोंटा सवाल पूसकीतोर.

रोम सहरतोरहाटीं पौलुसना सिट्‍टि 1:28

पेनदा सत्‍तेमता पोल्‍लेतुन ओर एरपाट कियालय हूळा हिल्‍लुर. अय्ते ओर बद कबळ कियमळ बेस आयो, अदे कबळ कियालय पेन ओर्कुन होळसीता.

रोम सहरतोरहाटीं पौलुसना सिट्‍टि 8:10

मीवा लोप्‍पोगिंटा किरिस्‍तु मनानय्ते, मीवा मेंदुल पापम कीताहाटीं हासि होत्‍ता, गानि पेन मीकुन सत्‍तेमतोर कीताहाटीं, मीवा आत्मा बस्‍केळ्‍क पिस्सि मंता.

1 कुरेंति 11:28

इंचि हरेक मनकल कुद बल्हा मंतोर इंचि ओनद ओर परिक्‍सा कीसि हूळकुत्‍ता पजाने हारितुन तिनमळ गावाले आनि अंगुर पानकम उनमळ गावाले.

1 कुरेंति 11:31

गानि मनम कुद बल्हा मंतोम इंचि परिक्‍सा कीसि हूळते, पेन मनाकु सिक्‍सा हिय्यो.

1 कुरेंति 3:16

मिमेट पेनदा गुळि आंदिर, पेनदा आत्मा मीलोप्‍पो मनंता, इद मीक तेळियोना?

1 कुरेंति 6:15

मीवा मेंदुल्क किरिस्‍तुना मेंदुल्ता उंदि बागाल्क आंदुं इंचि मीक एरपाट मंता गदा! एरपाट मत्‍तस्के नना अवुन ओसि बोगमदाना मेंदुललेसीं कीकाना? बस्‍केने किय्योन.

1 कुरेंति 6:19

मीवा मेंदुल पवित्र आत्माता गुळि आंद, अद पेनदाहेंदाल मीलोप्‍पो वासि मनंता, ई मेंदुल मीवद आयो, इंचि मीक तेळियोना?

1 कुरेंति 6:2

पेनदा लोकुल्‍क आकिर वेलाते दुनियाता न्‍यायम कींतुर, इद मीक एरपाट हिल्‍लेना? मिमेट पूरा दुनियाता न्‍यायम कींतिर अय्ते, इव सिन्‍ना-सिन्‍ना पोल्‍लेना न्‍यायम कियानालायक हिल्‍लिरा?

1 कुरेंति 9:24

पंदेम वाटसि वितनेंके अंटोरे वित्‍तंतुर, गानि इनाम वरोंके दोर्कंता इंचि मीक एरपाटे मंता. मिमेटगुडा वितनेंके इनाम दोर्कनालेसीं वित्‍तट.

1 कुरेंति 9:27

नना ना मेंदुल्तुन आपकुंचि इरंतन. नना वेरेतोर्कुंक बेसता कबुर वेहचि, नावा लोप्पेने तक्‍को मत्‍ते नना बाता कबळतोन आयोन.

2 कुरेंति 6:16

बोम्मांक, पेनदा गुळिकु बाता संबंदम? बारित्‍ते मनम अय्ते जीवाते मनना पेनदा गुळि आंदुम. पेनदा दर्मसास्‍त्रमते, “नना ओरा लोप्पो मनंतन, ओरतोनि तिरियंतन, नना ओरा पेन आसि मनंतन, ओर नावा लोकुल्‍क आयानुर,” इंचि रासि मंता.

गलातिया 2:20

नाकुन किरिस्‍तुनतोनि क्रुसुनपोर्रो वेलाड वाटमळ जर्गता इत्‍ते, इंदके नावा पळाना पिस्वर हासोत्‍ता. गानि नावा लोप्पो किरिस्‍तु जीवाते मंतोर. इंदके नावा ई मेंदुलते मनना जीवा, नाकुन बच्‍चोनो पावरम कीसि नावाहाटीं ओना जीवातुन हीता पेनदा मर्रिनपोर्रो नना विस्वासम कीताहेंका दोर्कतद आंद.

गलातिया 4:19

ना पिलाल्कनिटा, मीकु बदवेरादाका किरिस्‍तुनलेसीं गुनम वायोनो अदवेरदाका, एरपूरनेंके बल्हा नोप्‍पिं वांतंगो अल्‍हेने नना मीवाहाटीं मर्रा उंदि मल्का तकलिप अरसेक मंतन.

गलातिया 6:4

हरेक मनकल ओना सतता कबाह्‍कुन कुद्‍दु परिक्‍सा कीसि हूळना, वेरेतोना कबाह्‍क बल्हा मंता इंचि हूळना आयो. अस्‍के ओना कबाह्‍क बेस मत्‍ते ओर सतता कबाह्‍कुन हूळसि कूस आयावच्‍चु.

इपीसि 3:17

दीनहेंदाल मीवा विस्वासम परकारम किरिस्‍तु मीवा मनसुने जेगा पीसि मनंतोर. अस्‍के मरा हिह्‍कु बल्हा बूमिते लोप्‍पोळ्‍क होंचि मरातुन गट्‍टिगा पीसि मनंतंगो, अल्हेन मिमेटगुडा पेनदा पावरमता पुनादिपोर्रो हिह्‍कुनलेसीं गट्‍टिगा निल्‍सि मंदकिट.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

कुलुसि 2:19

असोंटा मनकल पूरा मेंदुल्ता कील्‍कुन, नराल्‍कुन उंदि कीसि, पेनदाहेंदाल मेंदुल्तुन बेर्सागोटना तल्‍ला, इत्‍ते किरिस्‍तुन पीसि मन्‍नोर.

कुलुसि 2:7

मराता हिह्‍कुनलेसीं मिमेट किरिस्‍तुनलोप्‍पो होळियसि होंटु, बेर्स्‍सेके होंटु. मीक कराहतालेसीं विस्वासमते गट्‍टिगा आसेके होंटु, बस्‍केळ्‍क पेनदुक दन्यवाद कीसेके मंटु.

1 तिमोति 2:15

गानि अद ओक्‍कला विस्वासम, पावरम, पवित्र आनि ओप्‍केते पिलाल्क कंचेके तल्‍लुना जिम्मेदारिं पूरा कियानय्ते, दानकु तप्‍पाकोंटा मुक्‍ति दोर्कार.

2 तिमोति 3:8

यन्‍नेस, यंब्रेस इनानोर मूसांक अड्‍डम तिरियतुर. ओरालेसींगे ई मनकालोरगुडा सत्‍तेमकु अड्‍डम तिरियंतुर. ई मनकालोरा बुद्‍दि हेळसोंचि विस्वासमते हर्रि तप्‍सि मंतुर.

तीतु 1:13

ओर वेहता गवाइ निजमे आंद. अदुनहाटीं आबद्‍दम बोदातुन नम्मना विस्वासुल्कुंक गट्‍टिगा वेर्रे वेहा. अस्‍केन ओर सत्‍तेम विस्वासमते गट्‍टिपळांतुर.

तीतु 1:16

पेन माकु एरपाटे इंचि ओर वेहांतुर, गानि ओरा कियना कबाह्‍क हूळते, ओर पेनदुन एरपाट किय्युर इत्‍तद दिस अर्रंता. ओर हय्सवोर, वेहता पोल्‍ले केंजवोर आंदुर, ओर असल बदे बेस कबळ कियनालायक हिल्‍लुर.

तीतु 2:2

ओप्‍केते, इमानदार मनमळते, सततुन आपकुनमळते, विस्वासमते, पावरमते, दैरनेमते, ओर्सकुनमळते गट्‍टिगा मंदालय मातरलोर्कुंक करहा.

इब्रि 12:15

पेनदा कुर्पाताल वरोरगुडा तप्‍सोनामन्‍नि इंचि जेगर्ता मंटु. अल्हा तप्‍सोंचि हेळतोर बोरन्‍ना मी नड्‍डुम मनानय्ते, ओर कळमातोर्कुन हेळाहचि, पेनदाल लक्‍कु कींतोर. इदुन जरा जेगर्ता हुळट.

इब्रि 4:1

आराम दोर्कना जेगाते होळियाना बारेमता पेन हीता पोल्‍ले, इदवेरदाकागुडा ताकसेके मंता. अद मना लोप्पोटाल बोनागटालन्‍ना तप्‍सोनामन्‍नि इंचि, मनम पेनदा वेर्रेते मंदकोम.

इब्रि 6:8

गानि अदे बूमि ओक्‍कला हाह्कु, हाह्कुना पोदां पुट्‍टिचानय्ते अद कबळ्‍क ओज्‍जाकोंटा आसि पेनदा सापनेमलायक आंता. आकिरते दान बोळसि पोहमळ जर्गंता.

याकोब 4:4

विस्वासम हिल्वोरिटा! दुनियातोनि दंटा कियमळ इत्‍ते पेनदुक पगा आयमळ इद मीक तेळियोना? अदुनहाटीं बोर अय्ते दुनियातोनि दंटा कींतोर, ओर पेनदुक पगातोर आंतोर.

1 पत्रु 5:9

मिमेट विस्वासमते गट्‍टिगा मंचि, दान्क विरोद कीम्‍टु. दुनियाते मनानोर विस्वासुल्कगुडा इल्हेने तकलिप बोगांचेके मंतुर इद मीक एरपाटे मंता.

पेन हुपिस्‍ता पोल्‍लें 2:5

निमे बद परिस्तितिते अय्ते अरतिनो अदुन मति कीम. मनसु मार्सकुंचि मुन्‍ने कीता कबाह्‍कुन मर्रा कीम. निमे गिंटा मनसु मार्सकुनाकुंटे नना वासि नी वेडसितुन अद जागाताल तेंडसि पोहांतन.