2 कुरेंति 13:10 - पवित्र पोल्‍ले

¹⁰ अदुनहाटीं सामि मीकुन नासडेम कियालय आयो गानि, गट्‍टिगा निलाहलय नाक अदिकारम हीतोर. नना मिहगा वातस्के नावा अदिकारमते मीतोनि कडक वळ्कना वेला वायामन्‍नि इंचि, मिहागटाल लक्‍कु मनेंकेने इव पोल्‍लें रासेक मंतन.

2 कुरेंति 13:10 Iomraidhean Croise

1 कुरेंति 4:21

मीक बतल गावाले? नना मिहगा कट्‍टे पीसि वाकाना, हिलाकोंटे पावरमते, मेत्‍ताटा आत्माते वाकाना?

1 कुरेंति 5:4

बस्के अय्ते मिमेट येसु सामिना पोरोलते उंदगा जमा आसि उदंतिर, अस्‍के आत्माते अगा मनंतन, अल्‍हेने मना सामि येसुना ताकत मीवातोनि मनंता.

2 कुरेंति 10:2

नना वातारिते बोर अय्ते माकुन, “दुनियातोरालेसीं ताकसेक मंतुर” इंचि इनकुंतुर, ओरतोनि नाक कडक वळ्‍काना वेला वायामन्‍नि इंचि विनंति कीसेक मंतन.

2 कुरेंति 10:4

मोमोट लडाइ कियाना विस्रें दुनियातोरसंटव आयों, गानि किल्‍लान कूलाहनाहाटीं पेनदाहेंदाल ताकततव आंदुं.

2 कुरेंति 10:8

मीकुन नासडेम कियालय आयो गानि, मीकुन बेर्सागोटालय सामि माक अदिकारम हीतोर इंचि नना इंकागुडा पेद्‍दिरकेम वेहकुनिना नाक सिग्गु हिल्‍ले.

2 कुरेंति 13:8

मिमेट सत्‍तेमते ताकते दानकु विरोद मोमोट किय्‍योम, गानि सत्‍तेमताहाटींगे सहायम कींतोम.

2 कुरेंति 2:3

नना अगा वातस्के नाक बोराहेंदाल अय्ते कुसि आयाना मंता, ओरा अंटोराहेंदाल नाक दुक्‍कम आयामन्‍नि इंचि नना मुन्‍ने अद सिट्‍टि रासि लोहतन. नाक मी बारेमते विस्वासम मंता, नावा कुसि मीवा अंटोरदगुडा कुसि आंदु.

2 कुरेंति 6:6

पवित्र मनमळते, तेल्‍विते, ओर्सकुनमळते, दयाते, पवित्र आत्माते, कपटम इर्राका पावरम कियमळते,

तीतु 1:13

ओर वेहता गवाइ निजमे आंद. अदुनहाटीं आबद्‍दम बोदातुन नम्मना विस्वासुल्कुंक गट्‍टिगा वेर्रे वेहा. अस्‍केन ओर सत्‍तेम विस्वासमते गट्‍टिपळांतुर.