2 कुरेंति 13:1 - पवित्र पोल्‍ले

^1-2 नना रोंडो मल्का मिहगा वासि मत्‍तस्के, पापम कियमट इंचि वेहचि मत्‍तन. इंदके नना मिहागटाल लक्‍कु मंतन गानि, मर्रा उंदि मल्का अदे पोल्‍लेतुन नना वायाका मुन्‍ने मीक वेहसेक मंतन. नना मूडो मल्का वातस्के, बोर अय्ते मुन्‍ने पापम कीतुर, इंदकेगुडा कीसेकेने मंतुर ओर्कु, अल्‍हेने कळमतोर अंटोर्क सिक्‍सा तप्‍पो. बारित्‍ते दर्मसास्‍त्रमते, “हरेक पोल्‍लेतुन निजम कियालय इव्वुर हिलाकोंटे मुव्वुर गवाइदार्कुना अव्‍सरम मनंता,” इंचि रासि मंता.

2 कुरेंति 13:1 Iomraidhean Croise

मत्‍तयाल 18:16

उंदि वेला ओरगिंटा नीवा पोल्‍ले केंजुवस्के, वरोर-इव्वुरकुन नीवा पज्जो पीसि होन. बारित्‍ते, अगा बतल जर्गुतनो अदुन वेहालय ओर गवाइ मनांतुर.

2 कुरेंति 12:14

इंदके नना मूडो मल्का मिहगा वायालय तयार मंतन, इंदकेगुडा नना मीपोर्रो बर्वु अरहोन. बारित्‍ते पिलाल्क तल्‍लुर-बाबोनहाटीं दनम संपालिच्‍चुर गानि, तल्‍लुर-बाबो पिलाल्‍कुनाहाटीं दनम संपालिच्‍चंतुर. अदुनहाटीं नाक मीहेंदाल बतल मन्‍नि, मिमेटे गावाले.