2 कुरेंति 12:2 - पवित्र पोल्‍ले

² किरिस्‍तुन विस्वासम कीतोर वरोर मनकल नाक एरपाट. पडनालुं वर्साना मुन्‍ने पेन ओन मूडो स्वर्गमदाका पीसि ओता. अस्‍के ओर मेंदुल्ते मत्‍तोरा, मना हिल्‍लोरा नाक तेळियो. पेनदुके तेळियंता.

2 कुरेंति 12:2 Iomraidhean Croise

लूकाल 24:51

ओर्क आसिर्वाद हियानेंकेन येसु ओरागटाल लक्‍कु आतोर. पजा ओन पेन स्वर्गमते तेहाचि ओता.

योहान 6:56

बोर अय्ते नावा मेंदुलतुन तिंतुर, नावा नेत्‍तुरतुन उंटुर, ओर नातोनि, नना ओरतोनि निलसि मनंतन.

प्रेरितुल्‍कुना कबाह्‍क 14:6

इद पोल्‍ले पौलुसुंक आनि बरनाबासुंक एर्का आता. अदुनहाटीं ओर लुकावनिया जिल्‍लाते विततुर. अद जिल्‍लाता लिसरा, दिरबे सहरते आनि दग्‍गेटा नाहकुने होंचि पेनदा बेसता कबुर वेहुंदुर.

प्रेरितुल्‍कुना कबाह्‍क 22:17

आयंका नना येरुसलेम तिरियसि वासि गुळिते पारतना कीसेके मत्‍तन, अस्‍के अल्हेन दर्सनम हूळतन.

रोम सहरतोरहाटीं पौलुसना सिट्‍टि 16:10

किरिस्‍तुनलोप्‍पो तकलिप वायिनागानि होळसाकोंटा इमानदारते मत्‍ता अपिलेस इनानोंक नावा जोहार. अरिस्‍तुबुलुसना लोतोर्कुंकगुडा जोहार वेहाट.

रोम सहरतोरहाटीं पौलुसना सिट्‍टि 16:3

पिरिसकिला आनि दाना मुय्दो अकविलांक नावाहेंदाल जोहार वेहाटु. ओर नावातोनि येसु किरिस्‍तुना सेवा कियानोर आंदुर.

रोम सहरतोरहाटीं पौलुसना सिट्‍टि 16:7

अंदरिनिकुस आनि युनियास ओर नावा जीवातोर आंदुर, ओर नातोनि जेलने मत्‍तुर, ओर प्रेरितुल्कुना लोप्पो पोरोल पेय्सतोर इंचि अंटोर ओर्कुन एरपाट कींतुर, ओर नाकन्‍ना मुन्‍नेने किरिस्‍तुन विस्वासम कीतुर, ओर्क नावा जोहार वेहाटु.

रोम सहरतोरहाटीं पौलुसना सिट्‍टि 16:9

मावातोनि कलियसि किरिस्‍तुना सेवा कियानोर उरबानुसुंक नावा जोहार, अल्‍हेने नावा पावरमगल्‍ला इस्‍तुकुसुंकगुडा नावा जोहार वेहाट.

रोम सहरतोरहाटीं पौलुसना सिट्‍टि 8:1

अदुनहाटीं बोर अय्ते येसुन नम्मिसि ओनतोनि कलियतुर, ओर्क पेन सिक्‍सा हिय्यो. बारित्‍ते येसुन विस्वासम कीतोर, ओर ओरा बुद्‍दि मत्‍ताप आयो गानि आत्मा वेहताप ताकंतुर.

1 कुरेंति 1:30

पेनदाहेंदाले येसु किरिस्‍तुनलोप्‍पो मीवा पिस्वर मंता, किरिस्‍तुनाहेंदाल मनाकु तेल्वि, नीति, पवित्र आतोम आनि पापमता सिक्‍साताल पिसतोम.

2 कुरेंति 11:11

नना मिहगाटाल मदत एता हिल्‍लेन इत्‍ते, मीपोर्रो नाक पावरम हिल्‍ले इत्‍तापा बतल? असले आयो! मीकुन नना बच्‍चोन पावरम कींतन अद पेनदुक एरपाट.

2 कुरेंति 13:5

मिमेट नाकुन परिक्‍सा कीसि हूळना दानकन्‍ना, मिमेट विस्वासमते मंतिरा हिल्‍लिरा, मीवद-मिमेट परिक्‍सा कीसि हुळाट. अस्‍के येसु किरिस्‍तु मीलोप्‍पो मंतोर इंचि अनपिच्‍चोना? अल्हा अनपिच्‍चाकोंटे मिमेट ओना लोकुल्‍क आयिर इनकुंटु.

2 कुरेंति 5:17

बल्हा इत्‍ते, इंदके बोर अय्ते किरिस्‍तुने मंतोर, ओर पूना मनकल आतोर. पळाना पिस्वर होत्‍ता, पूना पिस्वर सुरुव आता.

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

गलातिया 1:22

गानि यहुदिया एरियाते मनना कलिसियानोर अय्ते नाकुन बस्‍केने हूळा हिल्‍लुर.

गलातिया 5:6

येसु किरिस्‍तुनलोप्‍पो कतना किय्‍यिना, कतना कियाकोन्‍ना अद बाता कबळतद आयो, गानि पावरमते कबळ कियना विस्वासमे कबळतद आंद.

इपीसि 4:10

बोर अय्ते हिळु रेय्‍सि वातोरो, ओरे बतले तक्‍को मनाकोंटा अन्‍निटतुन पुरागा कियानाहाटीं अन्‍नि मब्‍बुकुंकन्‍ना एत्‍तु जेगाते एक्‍किसि होत्‍तोर.

1 तेसलोनि 4:17

पजा ओरतोनि पिस्सि मत्‍ता मनाकुनगुडा, मब्बु तेर्पेनपोर्रो वळिते किरिस्‍तुनतोनि कलियालय तेहकुंचि ओयमळ जर्गंता. इल्‍हा मनम बस्‍केळ्‍क सामिनतोनि मनंतोम.

इब्रि 4:14

अंटोर्कन्‍ना पेद्‍दा पेर्मल, स्वर्गमते होत्‍ता पेनदा मर्रि येसु, मनातोनि मंतोर. अदुनहाटीं अंटोरा मुन्‍ने ओप्‍कुत्‍ता मना विस्वासमतुन मनम गट्‍टिगा पीसि मंदकोम.

इब्रि 9:24

बूमिपोर्रो मनकालोर कीता अन्‍निटकन्‍ना पवित्र जेगा इत्‍ते, स्वर्गमते मनना निजम पवित्र जेगातसोंटा उंदि पोटवे आंद. बारित्‍ते, मनकालोर कीता पवित्र जेगाते किरिस्‍तु होळिया हिल्‍लोर, गानि इंदके ओर मना अंटोराहाटीं सीदा स्वर्गमते होळियसि पेनदा मुन्‍ने विनंति कियालय निल्‍सि मंतोर.

पेन हुपिस्‍ता पोल्‍लें 1:10

सामिना रोजुननाड, इत्‍ते अय्तारम, नना पवित्र आत्माते निंडिस मत्‍तन. नावा पज्जो तूताकोमता आवाजनसोंटा पेद्‍दा आवाज केंजावाता.

पेन हुपिस्‍ता पोल्‍लें 12:5

अद मुरतळ वरोर मर्रिन कंता. ओर अन्‍नि राज्येल्कुनपोर्रो कच्‍चिता सलाकिलेसीं कडक राज्येम कियानोर मत्‍तोर. गानि आ पेळान पेनदागा, दाना राजगद्‍देतगा ओयमळ जर्गता.

पेन हुपिस्‍ता पोल्‍लें 4:2

अस्‍केने नना पवित्र आत्माते निंडतन. नाक स्वर्गमते राजगद्‍देपोर्रो बोरो वरोर उद्‍दिस मत्‍तद दिसतोर.