2 कुरेंति 12:10 - पवित्र पोल्‍ले

¹⁰ नना कमजोर आतस्‍केने, किरिस्‍तुना लोप्पो गट्‍टिगा मनंतन. अदुनहाटीं कमजोर आयिना, अपमानम आयिना, कस्‍टम आयिना, सताव आयिना आनि आपत्‍तिं वायिना नना कुसिते मनंतन.

2 कुरेंति 12:10 Iomraidhean Croise

लूकाल 6:22

मनकना रूपमते पुटता पेनदा मर्रिना सिस्युल्क आताहाटीं, बस्के अय्ते लोकुल्‍क मीकुन हय्साकोंटा आंतुर, गेदमिसींतुर, अपमानम कींतुर, मिमेट हेळसोत्‍तिर इंचि, मीवा पोरोल एताकोंटा आंतुर, अस्‍के मीकु पेन आसिर्वाद हींता.

योहान 15:21

नाकुन लोहचीतोन ओर एरपाट किय्युर, अदुनहाटीं ओर मीकुन नावा पोरोलहाटीं इव अन्‍नि तकलिप्क कींतुर.”

प्रेरितुल्‍कुना कबाह्‍क 5:41

प्रेरितुल्कुन होळसीतस्के, येसुना पोरोलताहाटीं मोमोट देब्बां तित्‍तोम, इंचि बेस आनंदमते पंचादिताल पेय्सि होत्‍तुर.

रोम सहरतोरहाटीं पौलुसना सिट्‍टि 5:3

इच्‍चोने आयाका, विस्वासम कीताहेंका मनाकु तिप्‍पल्‍क वायिनागानि वेल्‍ले कुसिते मनंतोम. बारित्‍ते तिप्‍पल्‍क वातेने ओप्के पुट्‍टंता.

1 कुरेंति 4:10

मोमोट किरिस्‍तुनाहाटीं मुर्कालोरम आंदुम, गानि मिमेट किरिस्‍तुना लोप्पो तेल्वितोर आंदिर. मोमोट बलम हिल्‍वोरम आंदुम, गानि मिमेट बलम मत्‍तोर आंदिर. मिमेट कदर मत्‍तोर आंदिर, गानि मोमोट कदर हिल्‍वोरम आंदुम.

2 कुरेंति 1:4

मनम इंकावरोंक सांति हियागोम इंचि पेन मनाकु अन्‍नि तकलिपकुने सांति हीसेक मंता. बोर अय्ते तकलिपते मंतुर, पेन मनाकु हीता सांतितुने मनम ओर्क हिया परगोम इंचि दाना इच्‍चा मंता.

2 कुरेंति 10:18

बोर अय्ते ओनद-ओरे मेच्‍कुंतोर ओर कबळतोर आयोर, गानि सामि बोनय्ते मेच्‍कुंतोर ओर कबळतोर आंदुर.

2 कुरेंति 12:9

गानि सामि नाकुन, “नावा कुर्पा नीकु सालांता, बारित्‍ते निमे कमजोर मत्‍तस्‍केन नावा ताकत कबळ कींता,” इंचि जवाब हीतोर. अदुनहाटीं नना कमजोर मत्‍तस्के किरिस्‍तुना ताकत नाकु तोळ आयागोम इंचि वेल्‍लेने कुसिते पेद्‍दिरकेम कीसेक मंतन.

2 कुरेंति 13:4

बारित्‍ते, किरिस्‍तु कमजोर आसि मत्‍तस्के ओन क्रुसुनपोर्रो मोल्‍लां कोह्‍किसि वेलाळ वाटतुर, अयना गानि पेनदा ताकतते ओर मर्रा तेदसि जीवाते मंतोर. मोमोटगुडा ओनालेसींगे कमजोर मंतोम, गानि मोमोट मीवाहाटीं पेनदा ताकतते किरिस्‍तुनतोनि जीवाते मनंतोम.

2 कुरेंति 13:9

मोमोट कमजोर मत्‍तोरालेसीं दिस्‍साना गानि बतल आयो, मिमेट ताकतते मत्‍ते माक आनंदम आंता. इल्‍हा मिमेट ताकतते बेर्सेक होंदना इंचि, मोमोट पारतना कीसेक मंतोम.

2 कुरेंति 4:17

बारित्‍ते, माकु गळसेमताहाटीं वायाना तकलिपकु, मावाहाटीं मोमोट विचारम किय्‍योम अच्‍चोर अव्‍सरम आतव आनि बस्‍केळ्‍क मंदना महिमातुन तयार कींतां.

2 कुरेंति 4:5

अदुनहाटीं येसु किरिस्‍तु सामि आंदुर, ओनाहेंदाले मोमोट मी सेवाकुल्‍कुम आंदुम इंचि प्रचार कींतोम, गानि मावा बारेमते मोमोट प्रचार कीकुन्‍नोम.

2 कुरेंति 5:15

अद बल्हा इत्‍ते, इंदकेटाल पूना पिस्वर पिसानोर ओर सतताहाटीं आयो गानि ओराहाटीं बोर अय्ते हासि जीवाते तेदतोर ओनाहाटीं पिसागोम, अदुनहाटींगे ओर अंटोराहाटीं हातोर.

2 कुरेंति 5:20

अदुनहाटीं मोमोट किरिस्‍तुना राजदूतकुम आंदुम. मावाहेंदाल पेन मीक वेहासेक मंता इनकुंटु. मिमेट पेनतोनि कलियसि मंदना इंचि किरिस्‍तुनाहेंदाल मोमोट मीक विनंति कीसेक मंतोम.

2 कुरेंति 6:4

गानि अन्‍नि पोल्‍लेने मोमोट पेनदा बेसता सेवाकुल्‍कुम आंदुम इंचि हुपिच्‍चेक मंतोम. ओप्‍केते, बादाने, कस्‍टाल्‍कुने, तकलिपकुने,

2 कुरेंति 7:4

नना मीवातोनि बतले मक्‍किचाकोंटा वेहासेक मंतन, नाक मीपोर्रो एक्‍को पेद्‍दिरकेम मंता. नना सांतिते निंडतन. मावा अन्‍नि तकलिपकुनेगुडा नना वेल्‍ले कुसिते मंतन.

इपीसि 6:10

आकिरते नना वेहानद बतल इत्‍ते, सामिनतोनि ओना पेद्‍दा ताकतते उंदासि मंटु.

पिलिपिया 1:29

सिराप किरिस्‍तुन विस्वासम कियालये आयो गानि ओनाहाटीं तिप्‍पल्‍क अर्रालयगुडा पेन किरिस्‍तुनहेंदाल मीकु आसिर्वाद हीता.

कुलुसि 1:24

किरिस्‍तुना मेंदुलतसोंटा कलिसियाताहाटीं बवय्ते बादां तक्‍को मत्‍तां. अव बादन नावा मेंदुलताहेंदाल पूरा कीसेके मंतन, अदुनहाटीं इंदके मीवाहाटीं बवय्ते नावा दुक्‍काल्क मंतां अवुने नना आनंदमते मंतन.

2 तेसलोनि 1:4

अचोने आयाका मिमेट तकलिपकुन, बादन ओप्के पीसि पेनदा लोप्पो गट्‍टिगा विस्वासमते निल्‍सि मंतिर. अदुनहाटीं मोमोट मीवा बारेमते पेनदा कलिसियाने पेद्‍दातनम वेहकुंचेके मंतोम.

2 तिमोति 3:11

नना अंताकिया, इकोनिया आनि लिसरा इनना सहरकुने बोगांच्‍ता तकलिप्क, नना अरता बादां, इव अन्‍नि नीकु एरपाटे मंतां. आयना इव अन्‍नि तकलिपकुनाल सामि नाकुन कापाळतोर.

याकोब 1:2

नावा विस्वासुल्‍कुनिटा, बस्के अय्ते मीवापोर्रो तीर-तीराता परिक्‍सां वांतां, अस्‍के अद मीवा पूरा आनंदमता पोल्‍ले इनकुंटु.

पेन हुपिस्‍ता पोल्‍लें 2:3

निमे ओप्के पीसि मनांतिन. नावा पोरोलहाटीं तकलिप अरसेक मंतिन गानि तकांचा हिल्‍लिन इंचि नाक एरपाटे.