2 कुरेंति 11:9 - पवित्र पोल्‍ले

⁹ नना मिहगा मत्‍तस्के, नावा अव्‍सराल्‍कुन पूरा कियालय बोनपोर्रो बर्वु आसि मना हिल्‍लेन. मेसिडोनिया एरियाताल वाता विस्वासि दादालोर नावा अव्‍सराल्‍कुन पूरा कीतुर. इदवेरादाका नना बदे पोल्‍लेते मीपोर्रो बर्वु आया हिल्‍लेन, इंका मुन्‍नेगुडा आयोन.

2 कुरेंति 11:9 Iomraidhean Croise

प्रेरितुल्‍कुना कबाह्‍क 18:3

पौलुसुनद आनि अकविलानद इव्वुरद इंका डेरां निलाहना दंदे मत्‍ता. अदुनहाटीं पौलुस ओरगा वासि आगतोर. ओर अंटोर कलियसि कबळ कियालय दल्‍गुतुर.

प्रेरितुल्‍कुना कबाह्‍क 18:5

सिलास आनि तिमोति मेसिडोनिया एरियाताल वातस्के, पौलुस ओना पूरा वेला पेनदा पोल्‍लें कराहमळतेन तासुंदुर. इंका यहुदिल्कुनतोनि वळकिसि, येसे किरिस्‍तु आंदुर, इंचि वेहचि गवाइ हियुंदुर.

प्रेरितुल्‍कुना कबाह्‍क 20:33

नना बस्‍केने बोनहेंदाले एंडि-बंगारम हिलाकोंटे बेसता कपडि गावाले इंचि आसे पडा हिल्‍लेन.

रोम सहरतोरहाटीं पौलुसना सिट्‍टि 15:26

बारित्‍ते मेसिडोनिया, अकाया एरियातोर विस्वासुल्‍क संदा वाटसि, येरुसलेम सहरते मत्‍ता पेनदा लोकुल्‍कुनाल बोर अय्ते गरिब मंतुरो ओर्क सहायम कियना इंचि विचारम कीसि नाक हीतुर.

1 कुरेंति 16:17

मिहागटाल मिमेट वायाकोन्‍ना गानि स्‍टिपनस, पुरतुनातुस, अकयकुस नहगा वातुर. ओर वाताहाटीं मिमेट वाताप आता. इंचि नना वेल्‍ले कूस आतन.

2 कुरेंति 6:4

गानि अन्‍नि पोल्‍लेने मोमोट पेनदा बेसता सेवाकुल्‍कुम आंदुम इंचि हुपिच्‍चेक मंतोम. ओप्‍केते, बादाने, कस्‍टाल्‍कुने, तकलिपकुने,

2 कुरेंति 9:12

मिमेट कियाना सहायमता सेवाहेंदाल पेनदा लोकुल्‍कुना अव्‍सराल्क पूरा आंतां, अचोने आयाका ओराहेंदाल पेनदुक वेल्‍ले दन्यवाद आसेक मनंता.

पिलिपिया 2:25

नाकु अव्‍सरम अरतस्के सहायम कियनाहाटीं मिमेट इपपरदिसुन नाहेके लोहतिर. बेसता कबुर वेहनेंके वरोर सिपाइन लेह्का ओर नावा तोळ मत्‍तोर आंदुर, ओर नावा तम्मुनसंटोर आंदुर. गानि ओन मर्रा मीहेके लोहना इंचि नावा मनसु मंता. मीकुन हूळालय ओर इरगा गाबर आसंतोर. ओर बिमार अरता संगति मिमेट केंजतिर इंचि ओन्क तेळियतस्के ओर वेल्‍लेन नाराज आतोर.

1 तेसलोनि 2:6

इच्‍चोरे आयाका, मोमोट अय्ते किरिस्‍तुना प्रेरितुल्कुम इंचि मीपोर्रो मावा अदिकारम हूपिस्तोमे, गानि मिमेट आयि, वेरेटोर आयि, इंका बोनाहेंदाले आयि पेद्‍दातनम दोर्किच्‍कुनालय मोमोट हूळा हिल्‍लोम.

1 तेसलोनि 2:9

विस्वासुल्‍कुनिटा! मावा कस्‍टम, तकलिप मीक मते मंदार. मोमोट मीक बोनके बर्वु आयामन्‍नि इंचि नर्का-पिय्यल कबळ कीतोम. अल्हा कीसेके पेनदा बेसता कबुर मीक वेहचि मत्‍तोम.

इब्रि 11:37

सगोमतोर्कुन अय्ते बंडाने तंतुर, आरेने कोय्‍सि तुकडां कीतुर, ओरा पट्‍टु हूळतुर, तलवारकुने कोह्‍किसि हव्कतुर. गरिब-कंगाल आसि दुक्‍कमते, एटिं-गोर्रेना तोल्कु मुच्‍कुंचि बेके-बेकेनो तिरियसेके मत्‍तुर. लोकुल्‍क ओर्कुन बागेने तकलिप कीतुर.