2 कुरेंति 11:6 - पवित्र पोल्‍ले

⁶ नना वळ्‍कमळते कमजोर मनिनागानि तेल्‍विते हिल्‍लेन. इदुन मोमोट अन्‍नि पोल्‍लेने, अन्‍नि तीरुकुने मीक हुपिस्‍तोम.

2 कुरेंति 11:6 Iomraidhean Croise

1 कुरेंति 1:17

बारित्‍ते किरिस्‍तु नाकुन बापतिस्मा हियालय लोहा हिल्‍लोर, गानि बेसता कबुरतुन वेहालय लोहतोर. अदगुडा मनकना बुद्‍दि मत्‍ताप आयो, अल्हा वेहानय्ते किरिस्‍तु क्रुसुनपोर्रो हाता ताकततद अर्तम मन्‍नो.

1 कुरेंति 1:21

बारित्‍ते, पेनदा तेल्‍वितुन, दुनियाता लोकुल्‍क ओरा सतता तेल्‍विते पेनदुन एरपाट किया हिल्‍लुर. मोमोट बदाय्ते मुर्कतनमता कबुर वेहंतोमो, अदुना हेंदाल विस्वासम कीतोर्क मुक्‍ति दोर्कना, इदे पेनदुक बेस अनपिच्‍चंता.

1 कुरेंति 12:8

बल्हा इत्‍ते, अदे आत्माताहेंदाल वरोर बुद्‍दिता पोल्‍लें वेहंतोर, अदे आत्माताहेंदाल इंकावरोर तेल्‍विता पोल्‍लें वेहंतोर.

1 कुरेंति 2:13

माक इव पोल्‍लें मनकना तेल्‍विते कराहतव आयों गानि पेनदा आत्माते कराहतव आंदुं. अवे पोल्‍लेन मीक तेळियागोट्‍सि वेहंतोम.

2 कुरेंति 10:10

बारित्‍ते, “ओर सिट्‍टिने अय्ते मजबुत आनि कडक पोल्‍लें रासंतोर, गानि मेंदुल्ते कमजोर मंतोर, पोल्‍लेंगुडा बेस पेय्‍सों,” इंचि इच्‍चुर इंतुर.

2 कुरेंति 12:12

मीवा नड्‍डुम नना ओप्‍केते मत्‍तन, नावाहेंदाल चिन्‍हां, इचंत्रमता कबाह्‍क, पेनदा पेद्‍द-पेद्‍दा कबाह्‍क जर्गताहाटीं ननागुडा निजम प्रेरितुने इंचि दिसंता.

2 कुरेंति 4:2

सिग्गु होनानव आनि मक्‍किस कियाना कबाह्‍कुन मोमोट होळसीतोम. इंकावरोन दोका हियमळ आयि, पेनदा पोल्‍लेतुन उल्टा-पल्टा कीसि वेहमळ आयि इसोंटा कबाह्‍क किय्‍योम. गानि पेनदा मुन्‍ने सत्‍तेम पोल्‍लेतुन वेहाना हेंदाल, मोमोट बसंटोरम इंचि हरेक मनकंक ओरा मनसुने तेळियंता.

2 कुरेंति 5:11

पेनदुक वेरियसि बल्हा पिस्सना इद माक तेळियंता, अदुनहाटीं इदुन मोमोट लोकुल्‍कुंक वेहांतोम. मोमोट बसंटोरम इंचि मावा बारेमते पेनदुक पूरा एरपाटे. इव पोल्‍लें मीवा मनसुना लोप्‍पोगुडा एरपाट आता इंचि नावा आसे मंता.

2 कुरेंति 6:6

पवित्र मनमळते, तेल्‍विते, ओर्सकुनमळते, दयाते, पवित्र आत्माते, कपटम इर्राका पावरम कियमळते,

2 कुरेंति 7:2

मीवा मनसुने मावाहाटीं जेगा हीम्टु. मोमोट बोनतोने अन्‍यायम किया हिल्‍लोम, बोने बोंकिच्‍चा हिल्‍लोम, बोनाहेंदाल गलत पायदा एता हिल्‍लोम.

इपीसि 3:4

अदुन मिमेट हदुवकिर अस्‍के किरिस्‍तुना बारेमता आ मर्ममता पोल्‍लें नाक बल्हा तेळियतां इंचि मिमेट एरपाट कीकिट.