2 कुरेंति 11:22 - पवित्र पोल्‍ले

²² ओरद-ओर इब्रि जातितोर्कुम इंचि इंतुर, ननागुडा इब्रि जातितोने. ओर इस्राएल मनकालोर्कुम इंतुर, ननागुडा इस्राएल मनकने. ओर अब्राहामुना वंसमतोर्कुम इंतुर, ननागुडा अब्राहामुना वंसमतोने.

2 कुरेंति 11:22 Iomraidhean Croise

मत्‍तयाल 3:9

वट्‍टिदे, मोमोट अब्राहामुना वंसमतोरम आंदुम, इंचि बस्‍केने इनकुनमट. नना मीकु निजम वेहांतन, पेन अब्राहामनाहाटीं ई बंडानालगुडा पिलाल्क पुट्‍टिचि हिया परंता.

प्रेरितुल्‍कुना कबाह्‍क 22:3

“नना यहुदि मनकन आंदुन. नना किलिकिया एरियाता तरसुस सहरते पुटतन. इदे येरुसलेम सहरते बेर्सतन. इंका गमलियेल इनानोना कय्‍दा हिळु मंचेके ओनहेंदाल बेस सदवु करियतन. अचोने आयका मना पेद्‍दाल्कुना नियम्‍क, रीति-रिवाज्‍क मत्‍ताप बेस टेरनिंग दोर्कुता. मिमेट बल्हा अय्ते इय्याला पेनदाहाटीं मीवा बक्‍तितुन हुपिच्‍चंतिरो, अल्हेन ननागुडा हप्‍सुंदुन.

प्रेरितुल्‍कुना कबाह्‍क 6:1

इल्‍हा विस्वासुल्‍क वेल्‍लेन बेर्स्‍सेक होत्‍तुर. अय्ते अवे रोजकुने युनानि बासा वळ्‍काना यहुदिल्कु, इब्रानि बासा वळकाना यहुदिल्कुनतोनि, “रोज हिय्यना गाटोता बारेमते मावा मुंडामोस्ता मुरताह्कुनहेके बेस हूळसेक हिल्‍लिर,” इंचि जगडम दोस्तुर.

रोम सहरतोरहाटीं पौलुसना सिट्‍टि 11:1

अय्ते मरि, पेन दाना इस्राएल लोकुल्‍कुन होळसीता इत्‍तापा? हिल्‍ले. बारित्‍ते ननागुडा इस्राएल मनकने आंदुन. नना अब्राहामुना वंसंम आनि बेंजामिन गोत्रमतोन आंदुन.

रोम सहरतोरहाटीं पौलुसना सिट्‍टि 9:4

पेनदा मर्क-मियाह्क आयाना हक्‍क इस्राएलना वंसंमते पुटतोरदे आंद. पजा बय्‍लि बूमिते मत्‍तस्के पेनदा महिमा पेद्‍दा वेल्‍गासि इस्राएलना वंसंमतोर्के दिसता. करार्क ओरतोने कीता, मूसाना नियम्‍कुगुडा ओर्के हीता, मोळ्‍काना बेस रिवाजकु हीता, अचोने आयका ओर्क पोल्‍लेगुडा हीता.

गलातिया 3:16

अल्हेन अब्राहाम आनि ओना वंसंमतोनतोनि पेन कीता करारता बारेमते मंता. गानि दर्मसास्‍त्रमते, “वंसंमतोर्क” इंचि रासि हिल्‍ले. अगा अल्हा रासि मंचि मत्‍ते वेल्‍लेन मंदिताहाटीं आसि मनवळ. गानि अल्हा रासाकोंटा वरोनाहाटीं इत्‍ताप, “नीवा वंसंमतोन्क” इंचि रासि मंता. आ वरोर इत्‍ते किरिस्‍तु आंदुर.

पिलिपिया 3:5

अद बल्हा इत्‍ते, नना पुट्ता एनिमिदि रोजकुंके नावा कतना आता, नना इस्राएल देसेमते पुट्ता पिव्‍वर यहुदि जातितोन, बेंजामिनना गोत्रमतोन आंदुन, मूसाना नियमकुन उंदि पोल्‍लेगुडा तप्‍पाकोंटा पीसि ताकाना परिसिल्कुना गुंपुनोन आंदुन, इब्रानि कुंटुबते पुट्ता इब्रानि मनकन आंदुन.