2 कुरेंति 11:18 - पवित्र पोल्‍ले

¹⁸ वेल्‍लेटुर लोकुल्‍क ओर कीता पोल्‍लेन पोर्रोटाल पेद्‍दिरकेम वेह्‍कुंतुर, ननागुडा अल्‍हेने वेहकुंतन.

2 कुरेंति 11:18 Iomraidhean Croise

1 कुरेंति 4:10

मोमोट किरिस्‍तुनाहाटीं मुर्कालोरम आंदुम, गानि मिमेट किरिस्‍तुना लोप्पो तेल्वितोर आंदिर. मोमोट बलम हिल्‍वोरम आंदुम, गानि मिमेट बलम मत्‍तोर आंदिर. मिमेट कदर मत्‍तोर आंदिर, गानि मोमोट कदर हिल्‍वोरम आंदुम.

2 कुरेंति 1:17

नना इव पिलानकु बतले विचारम कियाकेने कीतोर इंचेके मंतिरा? दुनियाता लोकुल्‍कुनालेसीं उंदि मल्का “हो” इंचि इंकुंदि मल्का “हिल्‍ले” इंचि इनानोन आयोन.

2 कुरेंति 11:12

ओर बतलय्ते कीसेक मंतुर अदे कबळ मोमोट कीसेक मंतोम इंचि बोर अय्ते पेद्‍दिरकेम वेहकुंचेके मंतुर, ओर्कुन कमजोर कियानाहाटीं नना बतलय्ते कींतन, अदे कीसेक मनंतन.

2 कुरेंति 12:1

नना पेद्‍दिरकेम कीते नाक बतल पायदा दोर्को, गानि पेद्‍दिरकेम किया पीसेक मंता. सामि नाक हीता दर्सनम आनि हुपिस्‍ता मर्ममता पोल्‍लेन बारेमते वेहंतन.

2 कुरेंति 12:11

मीवा बल्‍मितेन नना मुर्कनलेसीं पेद्‍दिरकेम कीसेक मंतन. नना कदरलायक हिल्‍लेन आयावच्‍चु, गानि पेद्‍दा-पेद्‍दा प्रेरितुल्‍कुंकन्‍ना बदे पोल्‍लेते तक्‍को हिल्‍लेन, अदुनहाटीं मिमेट नावा पेद्‍दिरकेम किया मत्‍तिर.

2 कुरेंति 12:9

गानि सामि नाकुन, “नावा कुर्पा नीकु सालांता, बारित्‍ते निमे कमजोर मत्‍तस्‍केन नावा ताकत कबळ कींता,” इंचि जवाब हीतोर. अदुनहाटीं नना कमजोर मत्‍तस्के किरिस्‍तुना ताकत नाकु तोळ आयागोम इंचि वेल्‍लेने कुसिते पेद्‍दिरकेम कीसेक मंतन.

2 कुरेंति 5:16

अदुनहाटीं इंदके मोमोट मनकना विचारम मत्‍ताप हूळना आयो. मोमोट किरिस्‍तुनगुडा मनकना विचारम मत्‍ताप हूळसि मत्‍तोम, गानि इंदके ओन अलग नदरते हूळांतोम.

1 पत्रु 1:24

दर्मसास्‍त्रम इल्‍हा वेहंता गदा, “अंटोर मनकालोर जाडितालेसीं मंतुर, ओरा अन्‍नि पेद्‍दातनाल्‍क पुंगाह्कुनालेसीं मंतां. जाडि वतंता, पुंगाह्कु रालंतां. गानि सामिना पोल्‍ले मात्रम पीळि-पीळिनदाका मनंता.” इदुने मीक बेसता कबुर इंचि वेहमळ जर्गता.